Nau Ngluh Êjipt 22:9 - Nau Brah Ndu Ngơi 2023

⁹ Tâm lĕ rngôch nau tâm rlăch tât ma drăp ndơ, ndrôk, seh bri, biăp, bok ao, mâu lah ndơ êng roh, ƀiălah bu mra lah: “aơ jêng ndơ gâp” pôri lĕ bar đah nây hăn tât tanăp măt Brah Ndu. Nơm Brah Ndu tâm rmal mra ntrok bar tơ̆ ma nơm chiau meng păng.

Nau Ngluh Êjipt 22:9 ပူးပေါင်းရင်းမြစ်များ

Nau Ntơm 31:39

Gâp mâu mâp nsĭt ôh ma may du mlâm biăp mpô mpa bri de hêk sa; lah geh gâp nơm hŏ ntrok jêh ma may. May hôm e đă mplơ̆ tay lĕ mpô mpa bu ntŭng nôk nar mâu lah nôk măng.

I Phung Hađăch 8:31

Tơlah geh mbu moh ƀư tih đah nơm chiau meng păng nơm jêh ri bu nchâp păng sơm ton, pôri păng tât ton săk panăp nơng ƀư brah May tâm ngih brah aơ,

II Nau Rêh Jêng 19:10

Tơlah phung oh nâu khân may tă bơh lĕ ƀon, djôt leo tât ma khân may, moh nau tâm kuh tâm phong dôih, mâu lah yor nau pling mham, mâu lah ƀư tih nau vay, nau vay ntăm, nau vay ntrŭnh jêh ri nau vay ƀư, ăn khân may ntĭm nti khân păng lơi ƀư tih ôh đah Brah Yêhôva. Lah mâu, nau Păng ji nuih mra nkhŭt ta klơ khân may jêh ri phung oh nâu khân may. Ƀư kơt nây mơ, khân may mâu mra khan nau tih ôh.

Nau Ngluh Êjipt 22:10

Tơlah du huê bunuyh ăn ma nơm chiau meng păng chiăp seh bri, ndrôk, biăp, mâu lah mpô mpa rong êng păng sâm mât, jêh ri mpô mpa nây khĭt, deh jâng mâu lah bu nhŭp roh mâu geh ôh nơm saơ

Nau Ngluh Êjipt 22:28

May mâu dơi ôh sưr rlau ma Brah Ndu, mâu lĕ dơi rtăp rak ma kôranh chiă uănh phung ƀon lan khân may.

Nau Ngluh Êjipt 22:4

Tơlah saơ ta ti nơm ntŭng ndơ păng hŏ ntŭng jêh, mâu lah ndrôk, seh bri, mâu lah biăp hôm rêh, nơm ntŭng nĕ păng mra ntrok bar tơ̆.

Kan Lêvi 6:5

mâu lah moh ntil ndơ păng geh yor ton mƀruh. Ăn păng ntrok rĭng n'ho ma ntop du kô̆ tâm prăm rnoh khlay, jêh nây ndơ̆ ma nơm kôranh ndơ nây tâm nar păng nhhơr ndơ ƀư brah chuai nau ƀư tih.

Mathay 18:15

“Tơlah oh nâu may ƀư tih đah may, hăn hom tâm mâp êng jêh ri ngơi nau nây ma păng. Tơlah păng dơi iăt, may dơi geh oh nâu may.

Mathay 18:35

Tơlah ăp nơm tâm phung khân may mâu yô̆ an ma nâu oh păng ma lĕ nuih n'hâm, Mbơ̆ Gâp klơ trôk mra ƀư ma khân may tâm ban lĕ.”

Nau Vay Nkah Tay 25:1

“Lah lĕ bar đah geh nau tâm rlăch jêh ri khân păng hăn ma nau phat dôih pôri phung kôranh phat dôih mra ngơi an dôih ma khân păng: Mbơh nau sŏng srăng ma bunuyh geh nau sŏng srăng jêh ri mbơh nau tih ma bunuyh geh nau tih.