Nau Ngluh Êjipt 22:30 - Nau Brah Ndu Ngơi 2023

³⁰ Ăn khân may ƀư kơt nĕ đŏng ma biăp jêh ri ndrôk khân may. Ăn hom kon dak bôk gŭ ndrel me păng tâm pơh nar, tât ta nar tal pham khân may mra nhhơr păng ma Gâp.

Nau Ngluh Êjipt 22:30 ပူးပေါင်းရင်းမြစ်များ

Nau Ntơm 17:12

Tâm lĕ rô̆, ăp nuyh bu klâu tâm khân may, nđâp lah păng deh tâm ngih mâu lah bu rvăt ma prăk bơh phung bu năch, mâu jêng ôh kon may nơm, jêh deh pham nar mra dơn koh ntâu da dê.

Nau Ngluh Êjipt 13:12

ăn khân may nhhơr hom ma Brah Yêhôva kon bu klâu bôk rah nđâp lĕ kon nkuăng dak bôk tâm phung mpô mpa rong khân may, yorlah khân păng jêng ndơ Brah Yêhôva.

Êsêkiêl 4:14

Gâp lah: “Ơ Yêhôva Brah Ndu! Huêng gâp mâu mâp ƀư ƀơ̆ ôh. Ntơm bơh jê̆ tât aƀaơ ri, gâp mâu mâp sa ôh mpô mpa khĭt măt mâu lah mpô mpa bri hêk sa, jêh ri mâu lĕ geh ndơ ƀơ̆ lăp jêh tâm trôm mbung gâp.”

Kan Lêvi 11:44

Yorlah Gâp jêng Yêhôva Brah Ndu khân may; pôri prăp hom khân may nơm ăn kloh ueh jêh ri kloh ueh hom, yorlah Gâp nơm jêng kloh ueh. Lơi yor ăp ntil ndrŭng vơr ta klơ neh ƀư ma khân may nơm geh nau ƀơ̆ ƀơch.

Kan Lêvi 11:45

Yorlah Gâp jêng Yêhôva, Nơm hŏ djôt jêh khân may luh bơh n'gor Êjipt, gay jêng Brah Ndu khân may; pôri khân may ăn kloh ueh hom, yorlah Gâp nơm jêng kloh ueh.

Kan Lêvi 12:3

Tât nar tal pham ăn bu ƀư nau rƀŭn koh ntâu kon bu klâu nây.

Kan Lêvi 17:15

Mbu nơm, nđâp lah jêng phung ƀon tơm mâu lah bunuyh gŭ njưh, sa puăch du mlâm mpa khĭt êng mâu lah khĭt yor mpa bri janh sa hêk, ăn pih lơi kho ao, ŭm tâm dak jêh ri jêng ƀơ̆ ƀơch tât kêng măng jêh nây mra dơi geh nau kloh tay.

Kan Lêvi 22:27

“Du mlâm ndrôk kon, biăp kon mâu lah be kon mhe deh, ăn păng gŭ ndrel ma me păng tâm pơh nar. Bơh nar tal pham rlet panăp klăp lah păng mra dơi dơn jêng ndơ ƀư brah ăn ŭnh sa nhhơr ma Yêhôva.

Kan Lêvi 22:8

Păng mâu dơi ôh sa puăch mpô mpa khĭt mâu lah mpa bri janh hêk sa, gay bah ƀư ƀơ̆ păng nơm. Gâp jêng Brah Yêhôva.

Kan Lêvi 7:23

“Ăn kon đă hom ma phung ƀon lan Israel: Mâu dơi sa ôh ngi, ngi ndrôk, ngi biăp mâu lah ngi be.

Kan Lêvi 7:24

Ngi mpa khĭt êng mâu lah tă mpa bri janh sa hêk, bu dơi dŏng ma kan êng, ƀiălah khân may mâu dơi sa ôh.

Kan Lêvi 7:26

Phung kon mâu dơi sa mham ôh ta ăp ntŭk phung kon gŭ, nđâp lah nĕ jêng mham sĭm mâu lah mham mpô mpa rong.

Nau Vay Nkah Tay 14:21

Lơi ta sa ôh puăch du mlâm mpa lĕ khĭt jêh. Khân may dơi djôt păng ma phung bu năch gŭ tâm ƀon toyh khân may, gay ăn khân păng sa, mâu lah khân may dơi tăch păng ma phung bu năch. Yorlah khân may jêng du phung ƀon lan kloh ueh ma Yêhôva Brah Ndu khân may. Lơi ôh gâm puăch be kon tâm dak toh me păng.”

Nau Vay Nkah Tay 15:19

“Ăn khân may prăp êng ma Yêhôva Brah Ndu khân lĕ rngôch kon nkuăng deh dak bôk tâm mpôl ndrôk, mpôl biăp mâu lah mpôl be khân may. Lơi dŏng ôh ndrôk nkuăng deh dak bôk ƀư kan, mâu đŏng kreh rsau biăp nkuăng deh dak bôk.