Nau Ngluh Êjipt 22:22 - Nau Brah Ndu Ngơi 2023

²² Khân may lơi tŭn jot ôh du huê bu ur ndrô mâu lah ma du huê kon đơi.

Nau Ngluh Êjipt 22:22 ပူးပေါင်းရင်းမြစ်များ

Ndrom Samƀŭt bơh Yôp 31:16

Tơlah gâp dun nau phung o ach ŭch, Ƀư ăn măt phung bu ur ndrô huănh,

Ndrom Samƀŭt bơh Yôp 34:28

Khân păng ƀư ma phung o ach lŭng nter tăng tât ma Kôranh Brah, Jêh ri Păng iăt nteh nhĭm bơh phung rêh ni.

Nau Mprơ Ơm 10:14

Ƀiălah, Kôranh Brah hŏ saơ jêh! Kôranh Brah uănh kŏ tât nau rêh ni jêh ri ji ngăn; Păng sek uănh gay yơr ti ƀư. Phung rêh ni jao khân păng nơm ma Kôranh Brah; May jêng Nơm kơl phung kon đơi.

Nau Mprơ Ơm 34:7

Tông mpăr Brah Yêhôva ƀư ngih bok gŭ jŭm phung klach yơk ma Păng Jêh ri tâm rklaih khân păng.

Nau Hôr 22:23

Yorlah Brah Yêhôva mra koh dŏng nau rplay ngơi khân păng, Jêh ri sŏk rhuăt nau rêh phung pit ntŭng ndô ndơ khân păng.

Nau Hôr 23:10

Lơi ta trơn ôh jrŏng n'har neh ơm kăl e, Jêh ri lơi ta in ôh mir phung kon đơi;

Nau Hôr 23:11

Yorlah Nơm Tâm Chuai khân păng jêng Nơm geh nau brah, Mra koh dŏng nau phong dôih bơh khân păng tâm rdâng đah may.

Êsai 1:17

Nti hom ƀư nau ueh, Tĭng joi nau di, Kơl an bunuyh bu tŭn jot, Phat dôih nau di ma kon đơi, Ngơi n'gang nau rlăch nchră ma bu ur ndrô.”

Êsai 1:23

Phung chiă uănh may jêng phung tâm rdâng, Tâm rnglăp ndrel ma đah phung ntŭng. Ăp nơm rŏng ma drăp blŏl, Jêh ri nchuăt tĭng nau nkhôm. Khân păng mâu phat dôih nau di ma phung kon đơi, Mâu lĕ khân păng chrê ma nau phong dôih bu ur ndrô.

Êsai 10:2

Gay pit sŏk nau geh phung mâu geh nau ktang Jêh ri sŏk roh nau di bơh phung o ach tâm phung ƀon lan Gâp, Plăch rgâl phung bu ur ndrô sai jêng mpa sa ma khân păng, Jêh ri phung kon đơi jêng ndơ pit sŏk!

Yêrêmi 7:6

tơlah khân may mâu tŭn jot ôh phung bu năch, phung kon đơi mâu lah bu ur khĭt sai, jêh ri mâu ƀư pling mham mâu geh nau tih ta ntŭk aơ, mâu lĕ nchuăt tĭng phung brah êng gay vơt nau mhĭk ma khân may nơm,

Yêrêmi 7:7

pôri Gâp mra ăn khân may gŭ tay ta ntŭk aơ, tâm n'gor Gâp hŏ ăn jêh ma chô yau khân may ntơm bơh kăl e kŏ tât n'ho ro.

Êsêkiêl 22:7

Ta ntŭk may, bu tâm rmot mê̆ mbơ̆; ta ntŭk may, bu tŭn jot ma nơm njơh ƀât lât; ta ntŭk may, bu tŭn jot ma phung kon đơi ndrel phung ndrô.

Sakari 7:10

Lơi tŭn jot ôh phung kon đơi, bu ur ndrô, nơm gŭ njưh tâm n'gor, mâu lah nơm o ach. Lơi ta mĭn tâm nuih n'hâm ŭch ƀư nau mhĭk ma oh nâu nơm.’

Malachi 3:5

“Gâp mra văch dăch khân may gay phat dôih, jêh ri Gâp mra ƀư ndal mbơh nau tâm rdâng đah phung n'hŭm, đah phung văng tĭr, phung ton mƀruh, phung sa đĭ nau nkhôm ma phung pah kan, phung tŭn jot bu ur ndrô khĭt sai jêh ri phung kon đơi, phung ƀư djơh đah phung bu năch; yorlah khân păng mâu klach yơk ma Gâp.” Brah Yêhôva ma phung tahan lah pônây.

Nau Vay Nkah Tay 10:18

Păng ƀư nau di ma phung kon đơi, ma bu ur ndrô, rŏng ma bunuyh gŭ njưh ƀât lât, ăn ma khân păng piăng let sa jêh ri bok ao nsoh.

Nau Vay Nkah Tay 15:9

Njrăng hom, lơi prăp nau mĭn mhĭk tâm nuih n'hâm khân may pô aơ: ‘Bơi tât năm tal pơh jêng năm jut lơi rnon’ jêh ri khân may uănh oh nâu khân may ma măt mhĭk, mâu ăn ôh du mlâm ndơ ma khân păng. Khân păng mra nter ma Brah Yêhôva phong khân may jêh ri khân may mra anh nau tih.

Nau Vay Nkah Tay 24:17

Khân may mâu dơi ôh gŭ ngao mâu sŏng đah nơm gŭ njưh ƀât lât mâu lah kon se kon đơi, jêh ri kŏ mâu đŏng sŏk bok ao bu ur ndrô jêng ndơ nchăm.

Nau Vay Nkah Tay 24:18

Kah gĭt hom pô aơ, khân may hŏ tă ƀư jêh dĭk tâm n'gor Êjipt, jêh ri Yêhôva Brah Ndu khân may tâm chuai jêh khân may bơh ntŭk nây. Yor ri, gâp ntĭnh ma khân may mra ƀư nau aơ.

Nau Vay Nkah Tay 27:19

‘Di ma rak rtăp ma nơm nsak nkhăng nau di ma nơm gŭ njưh ƀât lât, ma bunuyh kon đơi, jêh ri ma bu ur ndrô!’ Ăn lĕ rngôch phung ƀon lan mra plơ̆ lah: ‘Amen!’

Yakơ 1:27

Nau chroh kloh ngăn, mâu ƀơ̆ ôh tanăp Brah Ndu, Mbơ̆ he, jêng jô̆ khâl phung kon đơi, phung bu ur ndrô dôl khân păng geh nau rêh ni, jêh ri mât mray khân may nơm bơh nau ƀơ̆ tă bơh neh ntu.