Nau Ngluh Êjipt 22:20 - Nau Brah Ndu Ngơi 2023

²⁰ Mbu nhhơr mpa ƀư brah ma lĕ rngôch brah êng mâu tăp ma Brah Yêhôva ôh ăn bu nkhĭt lơi păng.

Nau Ngluh Êjipt 22:20 ပူးပေါင်းရင်းမြစ်များ

I Phung Hađăch 18:40

Y-Êli lah ma phung ƀon lan: “Nhŭp hom phung nơm mbơh lor Baal, lơi ăn du huê dơi klaih ôh.” Khân păng nhŭp ro khân păng. Y-Êli djôt leo khân păng tât ta n'hor dak Kisôn jêh ri nkhĭt lơi khân păng ta nây.

II Phung Hađăch 10:25

Tơlah păng nhhơr ndơ ƀư brah gŭch lôch jêh, Y-Jêhu ntăm ma phung tahan gak jêh ri phung kôranh tahan: “Lăp nkhĭt hom khân păng, lơi ăn du huê klaih ôh!” Pôri phung tahan gak jêh ri phung kôranh tahan sŏk đao nkhĭt khân, mƀăr lơi săk jăn khân păng padih. Jêh nây khân păng hăn lăp tâm trôm jrô ngih brah Baal,

II Nau Rêh Jêng 15:13

Lĕ rngôch bunuyh mbu moh mâu tǐng joi Yêhôva Brah Ndu phung Israel, bu mra nkhĭt lơi, nđâp lah mom mâu lah ranh, bu klâu mâu lah bu ur.

Nau Ngluh Êjipt 23:9

Lơi may tŭn jot ôh phung bu năch, khân may nơm hŏ gĭt rbăng jêh nuih n'hâm phung bu năch mâm jêng, yorlah khân may hŏ tă jêng bu năch jêh tâm n'gor Êjipt.”

Nau Ngluh Êjipt 32:8

Khân păng hŏ chalơi ndal trong Gâp hŏ ntĭm nti jêh, tŏ njêng jêh ma khân păng nơm du mlâm rup ndrôk kon, yơk mbah ma rup nây, nhhơr ndơ ƀư brah ma păng jêh ri lah: ‘Ơ phung Israel! Aơ jêng brah hŏ ngluh jêh khân may luh bơh n'gor Êjipt!’”

Nau Ngluh Êjipt 34:15

Mâu dơi ƀư nau tâm rnglăp đah phung ƀon lan gŭ tâm n'gor nây, klach lah tơlah khân păng ƀư nau văng tĭr đah lĕ brah jêh ri ƀư brah ma lĕ brah khân păng jêh nây jă khân may jêh ri khân may mra sa ndơ khân păng ƀư brah ma rup brah.

Êsêkiêl 20:7

Gâp lah ma khân păng: ‘Ăn ăp nơm khân may mƀăr lơi ăn ngai khân may bơh nau ƀơ̆ măt khân may ŭch uănh jêh ri lơi ta ƀư ƀơ̆ ôh khân may nơm ma lĕ rup brah bri Êjipt! Gâp jêng Yêhôva Brah Ndu khân may.’

Kan Lêvi 17:7

Khân păng mâu dơi nhhơr ndơ ƀư brah ma phung brah mhĭk, jêng phung brah khân păng ƀư nau văng tĭr. Nây jêng nau vay dăp n'ho ro ma khân păng tâm lĕ rngôch rnôk.’

Kan Lêvi 19:33

Tơlah geh bunuyh gŭ njưh tâm n'gor khân may, lơi tŭn jot ma khân păng ôh.

Malachi 3:5

“Gâp mra văch dăch khân may gay phat dôih, jêh ri Gâp mra ƀư ndal mbơh nau tâm rdâng đah phung n'hŭm, đah phung văng tĭr, phung ton mƀruh, phung sa đĭ nau nkhôm ma phung pah kan, phung tŭn jot bu ur ndrô khĭt sai jêh ri phung kon đơi, phung ƀư djơh đah phung bu năch; yorlah khân păng mâu klach yơk ma Gâp.” Brah Yêhôva ma phung tahan lah pônây.

Nau Kơp Bunuyh 21:3

Brah Yêhôva dơn nau phung ƀon lan Israel jêh ri jao phung ƀon lan Kanaan tâm ti khân păng. Khân păng ƀư rai lĕ phung ƀon lan nây jêh ri lĕ ƀon khân păng, pônây bu ntơ ntŭk nây jêng Hôrma.

Nau Vay Nkah Tay 10:18

Păng ƀư nau di ma phung kon đơi, ma bu ur ndrô, rŏng ma bunuyh gŭ njưh ƀât lât, ăn ma khân păng piăng let sa jêh ri bok ao nsoh.

Nau Vay Nkah Tay 18:20

Ƀiălah mbu nơm mbơh lor janh nănh sŏk amoh Gâp gay ngơi lĕ nau Gâp mâu mâp ntĭnh ăn păng ngơi ôh, mâu lah sŏk amoh phung brah êng gay ngơi, nơm mbơh lor nây mra khĭt.’

Nau Vay Nkah Tay 23:8

Rô̆ tal pe khân păng dơi lăp tâm phung Brah Yêhôva tâm rƀŭn.

Nau Vay Nkah Tay 24:17

Khân may mâu dơi ôh gŭ ngao mâu sŏng đah nơm gŭ njưh ƀât lât mâu lah kon se kon đơi, jêh ri kŏ mâu đŏng sŏk bok ao bu ur ndrô jêng ndơ nchăm.