Nau Ngluh Êjipt 22:18 - Nau Brah Ndu Ngơi 2023

¹⁸ Mâu dơi om ôh nau rêh ma phung bu ur n'hŭm.

Nau Ngluh Êjipt 22:18 ပူးပေါင်းရင်းမြစ်များ

Êsai 19:3

Phung Êjipt mra roh lĕ nuih n'hâm, Gâp mra ƀư tâm vĭ nau khân păng tâm nchră. Rnôk nây, khân păng mra ôp phung rup brah, Phung n'hŭm, phung gru rƀên, jêh ri phung mbơh nau mra tât.

Yêrêmi 27:10

Nau khân păng mbơh lor knŏng nau mƀruh gay ma bu ƀư ma khân may luh bơh bri dak khân may nơm, ƀư ma Gâp mra mprơh khân may jêh ri bu mra ƀư rai lơi.

Yêrêmi 27:9

Yor nây, lơi ta iăt ôh nau phung mbơh lor, phung gru, phung nkoch mbơi, phung sek uănh mănh, mâu lah phung n'hŭm. Khân păng lah ma khân may pô aơ: Khân may mâu mra pah kan ma hađăch Babilôn ôh.

Kan Lêvi 18:23

Lơi bê̆ch ndrel đah du mlâm mpa gay ma may nơm mâu geh khan nau ƀơ̆ ƀơch yor ma păng; bu ur mâu đŏng dơi bê̆ch nsum đah mpa bri; nau nây jêng du nau dŭt ƀơ̆ ƀơch ngăn.

Kan Lêvi 19:26

Khân may mâu dơi sa puăch hôm mham. Mâu dơi ƀư nau n'hŭm pol mâu lah ƀư nau blau rƀên ôh.

Kan Lêvi 19:31

Khân may mâu dơi hăn tât ma phung kuăl brah phan mâu lah ma phung n'hŭm; lơi ta ôp ôh khân păng, tơlah ƀư kơt nây khân may mra jêng ƀơ̆ ƀơch. Gâp jêng Yêhôva Brah Ndu khân may.

Kan Lêvi 20:27

Tơlah du huê bu klâu mâu lah du huê bu ur jêng nơm ngơi ndrel đah brah mhĭk mâu lah ƀư n'hŭm pol, bu mra nkhĭt lơi păng; klŭp khân păng ma lŭ jêh ri mham khân păng mra nkhŭt tay ta khân păng nơm.’ ”

Kan Lêvi 20:6

‘Tơlah mbu nơm n'gĭl uănh ta phung ngơi ndrel đah brah mhĭk jêh ri phung n'hŭm, ƀư nau văng tĭr đah phung nây, Gâp mra tâm rdâng đah bunuyh nây jêh ri mra nsot lơi păng luh bơh phung ƀon lan păng.

Kôranh Oh Mon 19:19

Geh ƀaƀă phung ƀư n'hŭm kăl e, djôt su lơi ndrom samƀŭt khân păng tanăp lĕ rngôch bunuyh. Rnoh khlay ndrom samƀŭt nây prăm jât rbăn rlat prăk.

Galati 5:20

mbah rup brah, gŭn rƀên, tâm rlăng, tâm djrel, tâm rmot, ji nuih hâu ngăn, mbeh, mâu maak, tâm nkhah pă mpôl,

Nau Vay Nkah Tay 27:21

‘Di ma rak rtăp ma nơm bê̆ch ndrel đah du ntil mpô mpa!’ Ăn lĕ rngôch phung ƀon lan plơ̆ lah: ‘Amen!’

Nau Tâm Mpơl 22:15

Phung so, phung ƀư nau blau rƀên, phung văng tĭr, phung nkhĭt bunuyh, phung mbah rup brah, jêh ri lĕ rngôch phung rŏng jêh ri ƀư nau mƀruh gŭ padih da dê.

I Samuel 28:3

Rnôk nây, Y-Samuel lĕ khĭt jêh; lĕ rngôch phung Israel nhĭm vơl păng jêh ri tâp păng ta Rama, jêng ƀon păng nơm. Bi Y-Sôl hŏ nsot lơi jêh lĕ phung gru rƀên jêh ri phung n'hŭm luh bơh n'gor.

I Samuel 28:9

Bu ur nây plơ̆ lah: “Aơ, may gĭt jêh rah vah nau Y-Sôl ƀư jêh, păng hŏ nsot lơi jêh phung gru rƀên jêh ri phung n'hŭm luh bơh n'gor. Pônây, mâm dĭng păng ƀư dăk sân ŭch nkhĭt gâp?”