Nau Ngluh Êjipt 22:17 - Nau Brah Ndu Ngơi 2023

¹⁷ Tơlah mbơ̆ bu ur nây dun mâu ôh ăn păng sŏk ƀư ur, păng mra ăn prăk ndah rnoh ndơ bu vay nđăp ma phung bu ur druh.

Nau Ngluh Êjipt 22:17 ပူးပေါင်းရင်းမြစ်များ

Nau Ntơm 34:12

Ăn khân may kêh ndơ nđăp jêh ri ndơ ăn nau nđăp ăn âk, gâp mra ăn tĭng nâm khân may lah ma gâp, knŏng dăn ma khân may ăn bu ur nây jêng ur ma gâp.”

I Samuel 18:25

Y-Sôl lah ma khân păng: “Khân may ngơi hom ma Y-Đavit kơt aơ: ‘Hađăch mâu kêh ndơ nđăp ôh, knŏng kêh du rhiăng ntâu proch nhôm bu klâu phung Philistin gay plơng har ma phung rlăng hađăch.’” Y-Sôl mĭn ŭch nkhĭt Y-Đavit ma ti phung Philistin.

Nau Vay Nkah Tay 22:29

pôri bu klâu hŏ bê̆ch ndrel jêh đah bu ur druh nây mra chê̆ ma mbơ̆ bu ur druh nây n'gul kilô prăk jêh ri bu ur nây mra jêng ur păng, yorlah păng pit rvan jêh bu ur druh nây. Tâm du njăr rêh bunuyh nây mâu dơi chalơi ôh bu ur aơ.

Nau Ntơm 23:16

Y-Abraham sŏk dơn nau Y-Êp-rôn lah; jêh ri tanăp măt phung kon sau ndŭl deh Y-Het, Y-Abraham njing ăn ma Y-Ephrôn di rnoh prăk păng hŏ mbơh jêh jêng puăn rhiăng sêkel, tĭng nâm prăk bu dŏng tâm nau tăch tơr.

Nau Ntơm 30:20

H'Lêa lah: “Brah Ndu hŏ ăn du ntil ndơ khlay ngăn ma gâp. Aƀaơ sai gâp mra yơk ngăn ma gâp yorlah gâp hŏ deh ăn ma păng prao nuyh kon bu klâu.” Păng ntơ amoh Y-Sabulôn.

Kan Lêvi 20:6

‘Tơlah mbu nơm n'gĭl uănh ta phung ngơi ndrel đah brah mhĭk jêh ri phung n'hŭm, ƀư nau văng tĭr đah phung nây, Gâp mra tâm rdâng đah bunuyh nây jêh ri mra nsot lơi păng luh bơh phung ƀon lan păng.

Nau Vay Nkah Tay 18:10

Ta nklang khân may lơi ăn geh ôh du huê bunuyh gŭch kon bu klâu mâu lah kon bu ur păng nơm jêng mpa nhhơr, lơi ăn du huê ƀư pol, nơm sek uănh mănh, ƀŭk rƀên, du huê n'hŭm,

I Samuel 28:3

Rnôk nây, Y-Samuel lĕ khĭt jêh; lĕ rngôch phung Israel nhĭm vơl păng jêh ri tâp păng ta Rama, jêng ƀon păng nơm. Bi Y-Sôl hŏ nsot lơi jêh lĕ phung gru rƀên jêh ri phung n'hŭm luh bơh n'gor.