Nau Ngluh Êjipt 21:6 - Nau Brah Ndu Ngơi 2023

⁶ pôri kôranh păng mra njŭn leo păng tanăp Brah Ndu, djôt leo păng hăn ta mpông mâu lah ta n'gâng mpông, jêh nây kôranh nây chuh tôr păng ma mâng mplanh; bunuyh dĭk nây mra pah kan ma kôranh păng lôch nau rêh păng.

Nau Ngluh Êjipt 21:6 ပူးပေါင်းရင်းမြစ်များ

I Phung Hađăch 12:7

Khân păng lah ma păng: “Tơlah nar aơ may jêng du huê oh mon ma phung ƀon lan aơ, pah kan ma khân păng, jêh ri dŏng ngơi nau ueh gay plơ̆ lah ma khân păng, ri mơ khân păng mra jêng oh mon ma may mro mrăng.”

Nau Mprơ Ơm 82:1

Brah Ndu gŭ tâm nau phung Păng tâm rƀŭn; Păng phat dôih ta nklang phung brah:

Nau Ngluh Êjipt 12:12

Tâm măng nây, Gâp mra hăn lam n'gor Êjipt, ƀư nđêh nji lĕ rngôch kon bôk rah tâm n'gor Êjipt, nđâp bunuyh jêh ri mpô mpa. Gâp mra phat dôih lĕ rngôch brah n'gor Êjipt yorlah Gâp jêng Brah Yêhôva.

Nau Ngluh Êjipt 21:22

Tơlah phung bunuyh tâm dong ndrăng khân păng jêh ri ƀư sôt ma du huê bu ur geh ntreo, jêh ri nây bu ur rlêh ƀiălah mâu ƀư nau mhĭk êng ôh, nơm ƀư sôt ma bu ur nây, ăn păng ntrok tĭng nâm nau dăn bơh sai bu ur nây jêh ri mplơ̆ prăk tanăp măt phung kôranh phat dôih.

Nau Ngluh Êjipt 21:5

Tơlah nơm dĭk lah: “Gâp rŏng ma kôranh gâp, ur gâp jêh ri phung kon gâp, gâp mâu ŭch ôh du luh jêng kon me,”

Nau Ngluh Êjipt 21:7

Tơlah mbu tăch kon bu ur păng jêng bu ur kơl kan, bu ur nây mâu mra dơi du luh nâm bu phung dĭk bu klâu.

Nau Ngluh Êjipt 22:28

May mâu dơi ôh sưr rlau ma Brah Ndu, mâu lĕ dơi rtăp rak ma kôranh chiă uănh phung ƀon lan khân may.

Êsai 1:26

Gâp mra ndâk tay phung kôranh phat dôih may tâm ban nôk lor, Jêh ri phung kôranh nchră may tâm ban ma ntơm saơm. Jêh nau nây, bu mra rnha ma may jêng ƀon sŏng srăng, Jêng ƀon răp jăp.”

Kan Lêvi 25:23

Mâu dơi tăch neh n'ho ro ôh yorlah neh jêng ndơ Gâp, bi khân may gŭ ndrel ma Gâp nâm bu phung bu năch jêh ri phung gŭ njưh.

Kan Lêvi 25:40

Păng mra gŭ ndrel khân may tâm ban ma du huê oh mon kan nkhôm, tâm ban ma du huê gŭ njưh, jêh ri păng mra gŭ pah kan ma ngih khân may tât ta năm ueh maak.

Sôphôni 3:3

Phung kôranh tâm ƀon toyh Nâm bu yau mŭr ngrông huy; Phung kôranh phat dôih păng nâm bu so bri dôl măng, Khân păng mâu têm om ôh tât kêng ôi.

Nau Vay Nkah Tay 1:16

Nôk nây gâp hŏ ntĭnh jêh ma phung kôranh phat dôih khân may: ‘Gŭ iăt hom phung oh nâu khân may jêh ri phat hom dôih ma nau sŏng, nđâp lah ta nklang phung Israel đah ndrăng khân păng, mâu lah ta nklang phung Israel đah phung bu năch gŭ ndrel ma khâm may.

Nau Vay Nkah Tay 15:16

Ƀiălah tơlah nơm dĭk lah: ‘Gâp mâu ŭch luh du bơh ngih may ôh,’ yor păng rŏng ma khân may jêh ri bunuyh tâm ngih khân may, nđâp ma păng ŭch gŭ ndrel ma khân may,

Nau Vay Nkah Tay 15:17

pôri nôk nây ăn may sŏk du mlâm nsôch, mƀĭl tôr păng ta mpông jêh ri chuh, păng mra ƀư dĭk du bông rêh ma khân may. Khân may ƀư tâm ban ma nây đŏng ma phung dĭk bu ur may.

Nau Vay Nkah Tay 16:18

“Ăn khân may sâm dơm kôranh phat dôih jêh ri kôranh chiă uănh ma lĕ ndŭl mpôl tâm lĕ ƀon Yêhôva Brah Ndu khân may mra ăn ma khân may. Khân păng mra phat dôih phung ƀon lan ma nau sŏng.

I Samuel 1:22

Ƀiălah H'Anna mâu hăn hao ôh, yorlah păng lah đah sai păng: “Tơlah kon se jê̆ lĕ lơi pu toh jêh, gâp mra leo păng hăn hao, gay ăn păng mpơl măt tanăp Brah Yêhôva, jêh ri gŭ ta nây n'ho ro.”

I Samuel 27:12

Yor ri, hađăch Akis nsing ma Y-Đavit, yorlah gŭ mĭn: “Păng ƀư ma păng nơm jêng ndơ tâm rmot ngăn đah phung Israel, jêng phung ƀon lan păng, jêh ri păng mra jêng oh mon gâp mro mrăng.”

I Samuel 28:2

Y-Đavit lah ma Y-Akis: “Ueh ngăn, may mra gĭt moh nau oh mon may dơi ƀư.” Jêh ri Y-Akis lah ma Y-Đavit: “Ueh ngăn, gâp mra njêng may jêng tahan gak njrăng gâp mro mrăng.”