Nau Ngluh Êjipt 20:7 - Nau Brah Ndu Ngơi 2023

⁷ May mâu dơi dŏng blă blơ amoh Yêhôva Brah Ndu, yorlah Brah Yêhôva mâu mra yô̆ an mbu dŏng blă blơ amoh Păng.

Nau Ngluh Êjipt 20:7 ပူးပေါင်းရင်းမြစ်များ

Nau Ntơm 27:20

Y-Isăk ôp: “Mâm ƀư may nchron gơnh ngăn?” Y-Yakôb lah: “Yor Yêhôva Brah Ndu may kơl gâp dơi geh ƀŭn lap.”

I Phung Hađăch 2:9

Ƀiălah, may lơi ta uănh ôh păng mâu geh nau rmal, yorlah may jêng du huê gĭt mĭn jêh ri gĭt ƀư moh nau ma păng. May ƀư hom ma bôk mbra păng krêp mham hăn jŭr tâm ƀon phung khĭt.”

II Phung Hađăch 5:20

oh mon Y-Êlisê, bunuyh Brah Ndu, jêng Y-Gêhasi mĭn tâm nuih n'hâm: “Aơ, kôranh gâp hŏ njrăng jêh mâu ŭch dơn ôh ndơ Y-Naaman, bunuyh Aram, bơh ti păng nơm djôt tât. Gâp sŏk amoh Brah Yêhôva gŭ rêh mro mrăng gay sơm ton pô aơ gâp mra nchuăt tĭng Y-Naaman gay sŏk dơn ndơ păng!”

Nau Mprơ Ơm 139:20

Khân păng srôih ngơi lĕ nau mhĭk ƀai ma May, Phung rlăng dâk tâm rdâng đah May jêng dơm dam.

Nau Hôr 30:9

Klach lah dôl rmeh ler, gâp dun Kôranh Brah, Ngơi pô aơ: “Brah Yêhôva jêng mbu nơm?” Mâu lah dôl gâp o ach mra hăn ntŭng, Jêh ri ƀư ƀơ̆ amoh Brah Ndu ma gâp đŏng.

Yêrêmi 34:16

Ƀiălah khân may hŏ plĕch nau mĭn jêh ri ƀư mhĭk amoh Gâp. Khân may plơ̆ nhŭp tay phung dĭk, bu klâu tâm ban ma bu ur, khân may lĕ ăn kon me jêh tĭng nâm khân păng ŭch, nchâp khân păng plơ̆ tay ƀư dĭk ma khân may tâm ban saơm.

Yêrêmi 4:2

Tơlah may tâm amoh ‘Brah Yêhôva gŭ rêh mro mrăng’ Sŏk nau ton n'hêl nanê̆, nau di jêh ri nau sŏng srăng, Pôri lĕ rngôch bri dak Păng mra dơi ăn nau ueh uĭn Jêh ri dơi geh nau chrêk rmah tâm Păng.”

Êsêkiêl 39:7

Gâp mra mpơl amoh kloh ueh Gâp ta nklang ƀon lan Israel Gâp jêh ri Gâp mâu dơi ăn bu ngơi djơh tât amoh kloh ueh Gâp đŏng ôh. Lĕ ntil mpôl bunuyh mra gĭt Gâp jêng Brah Yêhôva, Nơm Kloh ueh Israel.

Kan Lêvi 19:12

Khân may mâu dơi sŏk amoh Gâp ôh gay ton mƀruh, yorlah kơt nây jêng ngơi sưr tât ta amoh Brah Ndu khân may. Gâp jêng Brah Yêhôva.

Malachi 3:5

“Gâp mra văch dăch khân may gay phat dôih, jêh ri Gâp mra ƀư ndal mbơh nau tâm rdâng đah phung n'hŭm, đah phung văng tĭr, phung ton mƀruh, phung sa đĭ nau nkhôm ma phung pah kan, phung tŭn jot bu ur ndrô khĭt sai jêh ri phung kon đơi, phung ƀư djơh đah phung bu năch; yorlah khân păng mâu klach yơk ma Gâp.” Brah Yêhôva ma phung tahan lah pônây.

II Kôrintô 1:23

Gâp mbơh sơm dăn Brah Ndu mbơh ma huêng gâp, yorlah chrê khân may rĭ dĭng gâp ê hŏ hăn tât ma ƀon Kôrintô.

Nau Vay Nkah Tay 10:20

Ăn khân may klach yơk ma Yêhôva Brah Ndu khân may, pah kan ma Păng, gŭ êp Păng jêh ri khân may mra ton ma amoh Păng.

Nau Vay Nkah Tay 5:11

May mâu dơi dŏng blă blơ amoh Yêhôva Brah Ndu may, yorlah Brah Yêhôva mâu mra yô̆ an ôh lĕ nơm dŏng blă blơ amoh Păng.

Nau Vay Nkah Tay 6:13

May klach yơk hom ma Yêhôva Brah Ndu may, pah kan ma Păng jêh ri ton ma amoh Păng.

Yakơ 5:12

Ƀiălah lor lơn, hơi oh nâu gâp, lơi sơm ton, lơi sơm ton ma trôk, ma neh ntu, mâu lah ma ndơ êng êng; ƀiălah di ngăn jêng lah di ngăn, mâu jêng lah mâu, gay ma bu mâu phat dôih khân may ôh.

Yôsuê 2:12

Pônây aƀaơ, tâm amoh Brah Yêhôva ton hom ma gâp yorlah gâp ƀư ueh ma bar hê khân may, ăn bar hê khân may tâm ban đŏng ƀư ueh ma ngih mbơ̆ gâp jêh ri ăn ma gâp du nau mbên nanê̆

Yôsuê 2:17

Bar hê khân păng lah ma păng: “Aơ jêng nau hên djôt prăp nau ton, ay hŏ đă hên ton:

Yôsuê 9:20

Ăn he ƀư ma khân păng kơt aơ: Ăn ma khân păng gŭ rêh, klach lah Brah Yêhôva ji nuih tât ma he yor nau he ton săk jêh ma khân păng.”