Nau Ngluh Êjipt 20:4 - Nau Brah Ndu Ngơi 2023

⁴ Kon mâu dơi ƀư ma may nơm du mlâm rup brah tĭng nâm rup lĕ mpa tâm trôk ta klơ, mâu lah ta neh ntu, mâu lah tâm dak tâm dâng neh ntu.

Nau Ngluh Êjipt 20:4 ပူးပေါင်းရင်းမြစ်များ

I Phung Hađăch 12:28

Jêh nây nchră mĭn, hađăch ntrŭnh ƀư bar mlâm ndrôk kon ma mah, jêh ri păng lah ma phung ƀon lan: “Khân may hăn hao Yêrusalem jêr ngăn! Hơi Israel! Aơ jêng phung brah khân may, hŏ njŭn leo khân may du luh bơh Êjipt.”

II Phung Hađăch 17:12

Khân păng yơk mbah ma phung rup brah, ma nau nây Brah Yêhôva hŏ ntăm jêh ma khân păng: “Khân may mâu dơi yơk mbah nau aơ.”

II Nau Rêh Jêng 33:7

Păng ƀư rup brah jêh ri n'gân tâm ngih Brah Ndu, jêng ntŭk Brah Ndu lah jêh ma Y-Đavit jêh ri ma Y-Salômôn, kon bu klâu păng, pô aơ: “Tâm ngih brah aơ jêh ri ta ƀon Yêrusalem, jêng ƀon Gâp hŏ săch jêh tâm lĕ rngôch ndŭl mpôl phung Israel, Gâp mra dơm amoh Gâp gŭ n'ho ro.

Nau Mprơ Ơm 78:58

Khân păng nsônh nuih Kôranh Brah yor lĕ ntŭk prêh, Ƀư ma Păng ji nuih yor lĕ rup trah.

Nau Mprơ Ơm 97:7

Ăn lĕ rngôch ma phung mbah rup brah, Jêh ri phung ngơi blă blơ ma rup brah geh nau bêk prêng da dê. Ơ lĕ brah, yơk mbah hom ma Brah Yêhôva!

Nau Ngluh Êjipt 20:23

Yor ri khân may mâu dơi ƀư du ntil rup brah ta pĭt Gâp; mâu dơi ƀư ôh ma khân may nơm lĕ rup brah ma prăk mâu lah ma mah.’

Nau Ngluh Êjipt 32:1

Lah phung ƀon lan saơ Y-Môis gŭ ta klơ yôk jŏ ngăn ê hŏ trŭnh, khân păng rƀŭn ndrel jŭm Y-Arôn jêh ri ngơi: “Kay lŏng! Ăn may ƀư ma he lĕ phung brah hăn panăp he, yorlah phung hên mâu gĭt ôh moh nau hŏ tât ma Y-Môis, nơm hŏ ngluh jêh he luh bơh n'gor Êjipt.”

Nau Ngluh Êjipt 32:23

Khân păng hŏ lah ma gâp: ‘Ăn may ƀư ma he rup brah hăn panăp he; yorlah he mâu gĭt ôh moh nau hŏ tât ma Y-Môis nây, nơm hŏ ngluh jêh he luh bơh n'gor Êjipt.’

Nau Ngluh Êjipt 32:4

Ăn Y-Arôn dơn mah bơh ti khân păng, păng sŏk ndơ dŏng tŏ njêng rup du mlâm ndrôk kon. Phung ƀon lan lah: “Ơ phung Israel! Aơ jêng brah khân may, nơm ngluh jêh khân may bơh n'gor Êjipt.”

Nau Ngluh Êjipt 32:8

Khân păng hŏ chalơi ndal trong Gâp hŏ ntĭm nti jêh, tŏ njêng jêh ma khân păng nơm du mlâm rup ndrôk kon, yơk mbah ma rup nây, nhhơr ndơ ƀư brah ma păng jêh ri lah: ‘Ơ phung Israel! Aơ jêng brah hŏ ngluh jêh khân may luh bơh n'gor Êjipt!’”

Nau Ngluh Êjipt 34:17

May mâu dơi tŏ rup brah.”

Êsai 42:17

Bi phung rnơm nsing ma lĕ rup brah, Ngơi ma lĕ rup tŏ chiăr: “Khân may jêng phung brah hên,” Mra rle ndŭr kơi da dê jêh ri bêk brêng âk ngăn!

Êsai 42:8

Gâp jêng Brah Yêhôva, pônây yơh jêng amoh Gâp. Gâp mâu mra ăn ôh nau chrêk rmah Gâp ma nơm êng, Mâu lĕ ăn nau tâm mprơ rnê Gâp ma lĕ rup brah trah!

Êsai 45:16

Lĕ rngôch phung ƀư rup brah mra bêk, bu mưch; Khân păng rŭch plơ̆ sĭt tâm nau bêk prêng.

Êsêkiêl 20:7

Gâp lah ma khân păng: ‘Ăn ăp nơm khân may mƀăr lơi ăn ngai khân may bơh nau ƀơ̆ măt khân may ŭch uănh jêh ri lơi ta ƀư ƀơ̆ ôh khân may nơm ma lĕ rup brah bri Êjipt! Gâp jêng Yêhôva Brah Ndu khân may.’

Êsêkiêl 8:10

Pônây gâp chuat lăp jêh ri uănh saơ, ri, jŭm mpêr geh kach nsêr ăp ntil rup brah mpa vơr jêh ri mpô mpa ƀơ̆ ƀơch, lĕ rngôch rup brah ngih Israel.

Êsêkiêl 8:3

Păng yơr ti tâm ban ma rup mpang ti djôt du pha sŏk ta klơ bôk gâp. Huêng Brah chông gâp leo klơ vah vang trôk đah neh tâm nau tâm saơ Brah Ndu mpơl ma gâp. Gâp dơi leo tât ma ƀon Yêrusalem, ta ntŭk lăp mpông pêr tâm nkual tâm trôm mpeh pa lơ, jêng ntŭk geh ndâk rup brah nau ntôn ƀư ma nau ntôn.

Kan Lêvi 19:4

Lơi n'gĭl ma rup ndah jêh ri mâu dơi đŏng tŏ rup brah ma kông ăn ma khân may. Gâp jêng Yêhôva Brah Ndu khân may.

Kan Lêvi 26:1

“‘Khân may mâu dơi ƀư ôh lĕ rup brah mâu lah ndâk rup trah mâu lah meh lŭ; mâu dơi đŏng ndâk tâm n'gor du mlâm lŭ geh rup gay chon mon yơk mbah tanăp ndơ nây, yorlah Gâp jêng Brah Yêhôva, Brah Ndu khân may.

Nau Kơp Bunuyh 12:8

Gâp ngơi đah păng mbung ndrăng mbung ma nau rah vah, mâu geh nau ngơi ndâp Jêh ri păng saơ rup Brah Yêhôva. Mâm khân may mâu klach ƀiălah ngơi kek đah oh mon Gâp jêng Y-Môis?”

Kôranh Oh Mon 17:29

Pônây, jêng ndŭl mpôl Brah Ndu, he lơi mĭn Nơm Brah jêng tâm ban ma rup brah ma mah, prăk, mâu lah lŭ bơh nau blau jan jêh ri nau blau mĭn bơh kon bunuyh ƀư.

Samƀŭt Pôl Njuăl Ăn Ma Phung Nsing Ta Ƀon Rôm 1:23

Khân păng tâm rgâl nau chrêk rmah Brah Ndu mâu blau khĭt gay ma sŏk rup kon bunuyh blau ôm rai, mâu lah rup sĭm, mpô mpa, mâu lah ntil mpa vơr.

Nau Vay Nkah Tay 16:22

Kŏ mâu dơi đŏng ndâk du n'gâng rup brah ƀư ma lŭ, yorlah Yêhôva Brah Ndu khân may tâm rmot ma lĕ ndơ nây.”

Nau Vay Nkah Tay 27:15

‘Rak rtăp ma nơm ƀư rup trah mâu lah rup tŏ, jêng ndơ Brah Yêhôva tâm rmot ngăn, jêng ndơ bơh ti blau bunuyh ƀư, jêh ri ndâk ndơ nây tâm ntŭk ndâp gay mbah!’ Ăn lĕ rngôch phung ƀon lan mra plơ̆ lah: ‘Amen!’

Nau Vay Nkah Tay 5:8

May mâu dơi ƀư ma may nơm du mlâm rup brah tĭng nâm rup lĕ mpa tâm trôk ta klơ, mâu lah ta neh ntu tâm dâng, mâu lah tâm dak jru.

Nau Tâm Mpơl 16:2

Tông mpăr tal nguay hăn nkhŭt ngan păng nơm tâm neh ntu, geh lĕ ok eh jêh ri ji ngăn tâm mpơl ta klơ phung bunuyh geh nau mbên mpô mpa dŭt janh jêh ri yơk mbah rup păng.

Nau Tâm Mpơl 9:20

Kô̆ hôm e tâm kon bunuyh, phung bunuyh mâu khĭt yor nau ƀư rai aơ, mâu rmal ôh lĕ kan ti khân păng ƀư, mâu đŏng chalơi nau yơk mbah ma brah mhĭk, ma lĕ rup brah mah, prăk, kông, lŭ, tơm si jêng lĕ rup brah mâu dơi saơ, mâu tăng mâu lah blau nsong ôh.

Phung Kôranh Phat Dôih 17:3

Y-Mika mplơ̆ sĭt du rbăn du rhiăng glo prăk nây ma mê̆ păng. Mê̆ păng lah: “Gâp nhhơr prăk ma Brah Yêhôva gay kon bu klâu gâp tŏ du mlâm rup trah. Pôri aƀaơ gâp mra mplơ̆ sĭt păng ma may.”