Nau Ngluh Êjipt 20:2 - Nau Brah Ndu Ngơi 2023

² “Gâp jêng Yêhôva Brah Ndu khân may, Nơm hŏ ngluh jêh khân may tă bơh n'gor Êjipt, tă bơh ngih dĭk bu.

Nau Ngluh Êjipt 20:2 ပူးပေါင်းရင်းမြစ်များ

I Phung Hađăch 18:39

Saơ nau nây, lĕ rngôch phung ƀon lan chon mon tâm neh jêh ri nter lah: “Brah Yêhôva jêng Brah Ndu! Brah Yêhôva jêng Brah Ndu!”

II Phung Hađăch 17:12

Khân păng yơk mbah ma phung rup brah, ma nau nây Brah Yêhôva hŏ ntăm jêh ma khân păng: “Khân may mâu dơi yơk mbah nau aơ.”

II Phung Hađăch 17:7

Nau aơ tât geh yorlah phung ƀon lan Israel ƀư tih jêh ma Yêhôva Brah Ndu khân păng, jêng Nơm hŏ ngluh jêh khân păng luh bơh Êjipt jêh ri luh bơh tâm ti Pharaôn, hađăch Êjipt. Khân păng hŏ yơk mbah jêh ma lĕ brah êng,

II Nau Rêh Jêng 28:5

Yor nây, Yêhôva Brah Ndu jao păng ma ti hađăch Aram. Phung tahan Aram dơi lơh hađăch Ahas jêh ri nhŭp leo âk bunuyh ƀon lan păng jêng bu nă jêh ri njŭn leo khân păng ma ƀon Damas. Brah Yêhôva jao păng ma ti hađăch Israel đŏng jêh ri roh rai âk ngăn.

Nau Mprơ Ơm 50:7

“Hơi phung ƀon lan Gâp, iăt hom! Gâp mra lah, Hơi Israel, Gâp mra mbơh nau tâm rdâng đah may; Gâp jêng Brah Ndu, nây jêng Brah Ndu may.

Nau Mprơ Ơm 81:10

Gâp jêng Yêhôva Brah Ndu may, Nơm njŭn leo jêh may luh bơh bri Êjipt. Hă hom mbung may ăn huy jêh ri Gâp mra ƀư ăn bêng.

Nau Mprơ Ơm 81:11

Ƀiălah phung ƀon lan Gâp mâu iăt bâr Gâp, Phung Israel mâu tông bâr Gâp ôh.

Nau Mprơ Ơm 81:7

“Tâm nau rêh ni, may kuăl pôri Gâp mra tâm rklaih may, Bơh ntŭk ndâp nglaih gŭ, Gâp mplơ̆ lah nau may. Jêh ri rlong uănh may ta dak n'hor Mêriba. (Sêla)

Nau Ngluh Êjipt 13:14

Tâm nar kăndơ̆ taơ lah kon bu klâu khân may ôp: ‘Nau aơ mâm jêng?’ ăn khân may plơ̆ lah: ‘Yorlah Brah Yêhôva hŏ dŏng ti nau brah Păng gay ngluh he du luh bơh n'gor Êjipt, rklaih bơh ngih dĭk bu.

Nau Ngluh Êjipt 13:3

Y-Môis lah ma phung ƀon lan: “Ăn khân may ndray nar aơ, yorlah aơ jêng nar Brah Yêhôva dŏng mpang ti nau brah gay djôt khân may luh bơh n'gor Êjipt, jêng luh bơh ngih dĭk bu, lơi sa ôh piăng let geh ndrui.

Nau Ngluh Êjipt 15:13

Ma nau May rŏng may têk ndrêng phung ƀon lan may hŏ chuai jêh; May hŏ njŭn khân păng ma nau brah May tât ma ntŭk kloh ueh May gŭ.

Nau Ngluh Êjipt 15:16

Nau klach jêh ri nau krit tât ma khân păng; Ơ Brah Yêhôva! Yor ti nau brah May, Khân păng jêng mlo nâm bu lŭ, kŏ tât phung ƀon lan May rgăn jêh; Kŏ tât phung ƀon lan May sâm chuai rgăn lăn jêh.

Nau Ngluh Êjipt 15:26

Brah Ndu lah: “Tơlah khân may gŭ iăt nanê̆ bâr Yêhôva Brah Ndu khân may, ƀư nau di tanăp măt Gâp, rkêng tôr iăt lĕ nau vay ntăm jêh ri djôt prăp dĭng lĕ nau vay dăp bơh Gâp, pôri Gâp mâu mra ăn tât ôh ma khân may du ntil nau ji tâm lĕ ntil nau ji Gâp hŏ ƀư jêh ma phung Êjipt. Gâp jêng Brah Yêhôva, Nơm ƀư bah nau ji khân may.”

Nau Ngluh Êjipt 20:1

Nôk nây, Brah Ndu lah lĕ rngôch nau aơ:

Nau Ngluh Êjipt 29:46

Khân păng mra gĭt Gâp jêng Yêhôva Brah Ndu khân păng, hŏ njŭn leo khân păng luh bơh n'gor Êjipt gay ma Gâp dơi gŭ ta nklang khân păng. Gâp jêng Yêhôva Brah Ndu khân păng.”

Nau Ngluh Êjipt 6:6

Yor nây, ăn may lah ma phung ƀon lan Israel: ‘Gâp jêng Brah Yêhôva, Gâp mra djôt khân may luh bơh kan jâk phung Êjipt jêh ri rklaih khân may bơh nau ƀư dĭk. Gâp mra yơr ti sŏng, dŏng nau phat dôih jâk jêr gay tâm chuai khân may.

Êsai 43:3

Yorlah Gâp jêng Yêhôva, Brah Ndu may, Nơm Kloh Ueh Israel, Nơm Tâm Rklaih may. Gâp ăn jêh Êjipt jêng rnoh tâm chuai may, Bri Kus jêh ri Sêba ntrok may.

Yêrêmi 16:14

Yor ri, Brah Yêhôva lah: “Nanê̆ mra geh nar bu mâu hôm lah: ‘Tĭng nâm Brah Yêhôva gŭ rêh mro mrăng, jêng Nơm hŏ njŭn leo jêh kon sau Israel du luh bơh n'gor bri Êjipt,’

Yêrêmi 2:6

Khân păng mâu prot ôp: ‘Ta ntŭk Brah Yêhôva? Nây jêng Nơm hŏ djôt leo he luh bơh Êjipt, Njŭn leo he găn bri rdah, Găn n'gor rngol bêng ma ntu brŏng, Tâm neh kro đang jêh ri rđŭng nau khĭt, Ntŭk mâu geh bunuyh găn tât, Jêh ri mâu geh bunuyh nănh gŭ.’

Yêrêmi 31:1

Brah Yêhôva lah: “Tât rnôk nây, Gâp mra jêng Brah Ndu ma lĕ rngôch mpôl băl Israel, jêh ri khân păng mra jêng phung ƀon lan Gâp.”

Yêrêmi 31:33

Brah Yêhôva lah: “Aơ jêng nau tâm rnglăp Gâp mra ƀư đah ngih Israel pakơi lĕ nar nây. Gâp mra dơm nau vay Gâp tâm nuih n'hâm khân păng jêh ri nchih prăp tâm nuih n'hâm khân păng. Gâp mra jêng Brah Ndu khân păng jêh ri khân păng mra jêng ƀon lan Gâp.

Yêrêmi 34:13

“Brah Yêhôva, Brah Ndu Israel lah: Dôl njŭn leo phung chô yau khân may du luh tă n'gor bri Êjipt, rklaih tă bơh ngih dĭk, Gâp hŏ ƀư jêh nau tâm rnglăp đah khân păng pô aơ:

Êsêkiêl 20:19

Gâp jêng Yêhôva Brah Ndu khân may; ƀư hom tĭng nau vay dăp Gâp, djôt prăp nau vay ƀư Gâp jêh ri tĭng ƀư.

Êsêkiêl 20:5

May lah hom ma khân păng pô aơ: Kôranh Brah Yêhôva lah: ‘Tâm nar Gâp săch Israel, Gâp yơr ti ton ma kon sau ngih Yakôb jêh ri mpơl săk Gâp nơm ăn ma khân păng gĭt tâm n'gor bri Êjipt. Gâp lah ma khân păng pô aơ: Gâp jêng Yêhôva Brah Ndu khân may.’

Êsêkiêl 20:7

Gâp lah ma khân păng: ‘Ăn ăp nơm khân may mƀăr lơi ăn ngai khân may bơh nau ƀơ̆ măt khân may ŭch uănh jêh ri lơi ta ƀư ƀơ̆ ôh khân may nơm ma lĕ rup brah bri Êjipt! Gâp jêng Yêhôva Brah Ndu khân may.’

Ndrom Samƀŭt bơh Ôsê 12:10

Gâp jêng Yêhôva Brah Ndu may Ntơm ƀơh may du tă bơh n'gor bri Êjipt, Gâp mra ăn may gŭ đŏng tâm dâng lĕ ngih bok Nâm bu tâm lĕ nar tâm Rƀŭn.

Ndrom Samƀŭt bơh Ôsê 13:4

Gâp yơh jêng Yêhôva Brah Ndu may Nơm njŭn leo may du luh tă bơh n'gor bri Êjipt; Padih Gâp, may lơi sŏk dơn brah êng ôh, Mâu geh ôh Nơm Tâm Rklaih êng, knŏng êng Gâp!

Kan Lêvi 11:45

Yorlah Gâp jêng Yêhôva, Nơm hŏ djôt jêh khân may luh bơh n'gor Êjipt, gay jêng Brah Ndu khân may; pôri khân may ăn kloh ueh hom, yorlah Gâp nơm jêng kloh ueh.

Kan Lêvi 19:36

Ăn khân may dŏng njing di, rplay njing jâk ăn di, ê-pha jêh ri hin ăn di. Gâp jêng Yêhôva Brah Ndu khân may, Nơm hŏ njŭn leo khân may luh jêh bơh n'gor Êjipt.

Kan Lêvi 23:43

gay ma lĕ rngôch rnôk khân may dơi gĭt Gâp djôt leo jêh phung ƀon lan Israel luh bơh Êjipt, Gâp hŏ ăn jêh khân păng gŭ tâm lĕ ngih bok. Gâp jêng Yêhôva Brah Ndu khân may.’”

Kan Lêvi 25:38

Gâp jêng Yêhôva Brah Ndu khân may, Nơm ngluh khân may luh bơh bri Êjipt, gay ăn ma khân may neh Kanaan jêh ri ƀư Brah Ndu khân may.’

Kan Lêvi 25:42

Yorlah khân păng jêng phung oh mon Gâp, phung Gâp hŏ ngluh jêh bơh bri Êjipt, bu mâu dơi tăch khân păng tâm ban ma tăch dĭk ôh.

Kan Lêvi 25:55

Yorlah phung ƀon lan Israel jêng phung oh mon Gâp, phung Gâp ngluh jêh bơh bri Êjipt. Gâp jêng Yêhôva Brah Ndu khân may.’ ”

Kan Lêvi 26:1

“‘Khân may mâu dơi ƀư ôh lĕ rup brah mâu lah ndâk rup trah mâu lah meh lŭ; mâu dơi đŏng ndâk tâm n'gor du mlâm lŭ geh rup gay chon mon yơk mbah tanăp ndơ nây, yorlah Gâp jêng Brah Yêhôva, Brah Ndu khân may.

Kan Lêvi 26:13

Gâp jêng Yêhôva Brah Ndu khân may, Nơm hŏ ngluh jêh khân may luh bơh Êjipt gay ma khân may mâu hôm đŏng ƀư dĭk. Gâp hŏ nkê̆ch lơi jêh mâng mbăk ma khân may gay ma ăn khân may n'gơr prêh bôk gay hăn sŏng.’

Amôt 2:10

Gâp hŏ ngluh jêh khân may tă bơh n'gor bri Êjipt, Jêh ri njŭn khân may gŭ tâm bri rdah puăn jât năm Gay ăn khân may sŏk pit bri phung Amôrit ƀư drăp ndơn.

Samƀŭt Pôl Njuăl Ăn Ma Phung Nsing Ta Ƀon Rôm 10:12

Mâu geh kơp rnglah êng ta nklang phung Yuđa jêh ri phung Grek, yorlah nsum ndrel nguay Kôranh Brah jêng Kôranh Brah ma lĕ rngôch bunuyh, Nơm ăn nau yô̆ âk rmeh ma lĕ rngôch bunuyh kuăl Păng.

Samƀŭt Pôl Njuăl Ăn Ma Phung Nsing Ta Ƀon Rôm 3:29

Mâu lah Brah Ndu knŏng jêng Brah Ndu ma phung Yuđa dơm? Mâu di hĕ Păng jêng Brah Ndu ma phung bu năch tâm ban lĕ? Di ngăn, Păng ăt jêng Brah Ndu phung bu năch lĕ;

Nau Vay Nkah Tay 13:10

Ăn khân may klŭp păng ma lŭ tât khĭt, yorlah păng lĕ joi nau gay têk khân may hăn teng ngai đah Yêhôva Brah Ndu khân may, jêng Nơm hŏ njŭn leo jêh khân may luh bơh n'gor Êjipt, rklaih bơh vâl dĭk.

Nau Vay Nkah Tay 15:15

Kah gĭt hom khân may lĕ tă ƀư dĭk jêh tâm n'gor Êjipt jêh ri Yêhôva Brah Ndu khân may tâm chuai jêh khân may. Yor nây nar aơ gâp ntĭnh ma khân may nau aơ.

Nau Vay Nkah Tay 20:1

“Lah hăn tâm lơh đah phung rlăng, tơlah khân may saơ khân păng geh âk seh, âk ndeh seh jêh ri phung tahan âk lơn ma khân may, lơi klach ôh, yorlah Yêhôva Brah Ndu khân may jêng Nơm hŏ njŭn leo jêh khân may luh bơh n'gor Êjipt, mra gŭ ndrel ma khân may.

Nau Vay Nkah Tay 5:15

Ăn kah gĭt hom may hŏ jêng jêh dĭk nă tâm n'gor Êjipt, jêh ri Yêhôva Brah Ndu may yơr ti bêng nau brah Păng djôt leo may du luh jêh bơh ntŭk nây. Yor ri, Yêhôva Brah Ndu may hŏ ntĭm nti jêh ma may ăn djôt prăp nar rlu.

Nau Vay Nkah Tay 5:6

‘Gâp jêng Yêhôva Brah Ndu may, Nơm hŏ ngluh jêh may luh bơh n'gor bri Êjipt jêng phung dĭk nă.

Nau Vay Nkah Tay 7:8

Ƀiălah yorlah Brah Yêhôva rŏng ma khân may jêh ri gay djôt prăp nau ton Păng ton jêh ma phung chô yau khân may, Brah Yêhôva hŏ dŏng jêh ti nau dơi gay leo khân may du luh, chuai khân may bơh vâl dĭk bu jêh ri bơh ti Pharaôn, hađăch n'gor Êjipt.

Phung Kôranh Phat Dôih 2:1

Tông mpăr Brah Yêhôva hăn hao bơh Gilgal tât ta Bôkim jêh ri lah pô aơ: “Gâp hŏ leo jêh khân may du luh bơh n'gor Êjipt, njŭn leo khân may lăp tâm n'gor Gâp sơm ton ăn ma phung chô yau khân may. Gâp hŏ lah: ‘Gâp mâu mra chalơi ôh nau tâm rnglăp Gâp hŏ rdâk jêh đah khân may,

Phung Kôranh Phat Dôih 6:10

Gâp lah ma khân may: ‘Gâp jêng Yêhôva Brah Ndu ma khân may, lơi ta klach yơk ôh ma brah phung Amôrit tâm n'gor khân păng ntŭk khân may dôl gŭ.’ Ƀiălah khân may mâu ŭch iăt ôh bâr Gâp!”