Nau Ngluh Êjipt 20:12 - Nau Brah Ndu Ngơi 2023

¹² Yơk hom ma mê̆ mbơ̆ may, gay ma may dơi gŭ rêh jŏ klơ neh Yêhôva Brah Ndu ăn ma may.

Nau Ngluh Êjipt 20:12 ပူးပေါင်းရင်းမြစ်များ

Nau Ntơm 48:12

Y-Yôsep sŏk pư bar hê kon bu klâu păng luh bơh kômâk mbơ̆ păng, jêh nây păn muh măt ta neh.

Nau Ntơm 50:12

Pôri, phung kon bu klâu Y-Yakôb hŏ ƀư jêh tĭng nâm nau păng ntĭnh.

I Phung Hađăch 2:19

Pônây H'Batsêba hăn mâp hađăch Salômôn gay mbơh ma hađăch lĕ nau Y-Adônija ŭch. Hađăch dâk chuă vơt jêh ri kŭnh mbah panăp păng, jêh nây păng gŭ ta sưng hađăch păng nơm. Hađăch ntăm đă bu dơm du rnơl gŭ đŏng ma mê̆ hađăch gay păng gŭ mpeh pa ma hađăch.

II Phung Hađăch 2:12

Y-Êlisê uănh saơ nau nây jêh ri nter huy: “Mbơ̆ gâp! Mbơ̆ gâp! Ndeh seh jêh ri seh ndơ tâm lơh phung Israel!” Jêh nây păng mâu hôm saơ Y-Êli ôh. Păng kuăn ta ao păng nơm khêk jêng bar nchroi.

Nau Ngluh Êjipt 21:15

Mbu dong mbơ̆ mâu lah me păng, bu mra nkhĭt lơi păng.

Nau Ngluh Êjipt 21:17

Mbu nơm rtăp rak mbơ̆ mâu lah me păng nơm, mra nkhĭt lơi păng.

Nau Hôr 15:5

Bunuyh rluk tâm rmot nau mbơ̆ păng ntĭm nti, Ma mbu nơm iăt nau nduyh nkra jêng nau blau ngăn.

Nau Hôr 17:6

Đon hađăch ma phung bu ranh, nây jêng phung kon sau, Bi nau mƀrơn phung kon sau, nây jêng phung chô yau.

Nau Hôr 20:20

Ŭnh kađen phung rak rtăp mê̆ mbơ̆ păng, Mra nhhât ta klong măng ngo klĕng.

Nau Hôr 28:24

Mbu nơm ntŭng ndơ mbơ̆ mâu lah mê̆ păng nơm, Jêh ri ngơi pô aơ: “Mâu di jêng tih ôh,” Nơm nây jêng băl đah nơm ƀư rai.

Nau Hôr 3:16

Ti ma nau blau mĭn djôt kuăn nau rêh jong, Bi ti chiau geh nau ndrŏng kuăng jêh ri lư n'găr.

Nau Hôr 30:11

Geh ntil bunuyh rak rtăp mbơ̆ păng nơm Mâu lĕ ăn nau ueh uĭn ma mê̆ păng nơm.

Nau Hôr 30:17

Măt mưch ma mbơ̆, Mưch ma nau tông bâr mê̆, Mra geh phung nđak tâm rlŭng chôk rloch, Jêh ri klang kon sa păng.

Yêrêmi 35:18

Bi ma ngih phung Rêkap, Y-Yêrêmi lah: “Brah Yêhôva ma phung tahan, Brah Ndu Israel, lah: ‘Yorlah khân may hŏ tông jêh nau phung chô yau khân may ntăm jêng Y-Jêhônadap, djôt prăp lĕ rngôch nau vay păng, jêh ri ƀư tĭng lĕ rngôch nau păng ntăm ma khân may.’

Yêrêmi 35:7

ăt mâu lĕ ndâk ngih, lơi ta srih ntil, lơi ta tăm mâu lah rvăt đang krăk ƀâu, ƀiălah ăn khân may gŭ tâm vâl bok lĕ nar khân may gŭ rêh gay ma khân may gŭ rêh jŏ nar tâm bri khân may gŭ njơh ƀât lât.’

Êsêkiêl 22:7

Ta ntŭk may, bu tâm rmot mê̆ mbơ̆; ta ntŭk may, bu tŭn jot ma nơm njơh ƀât lât; ta ntŭk may, bu tŭn jot ma phung kon đơi ndrel phung ndrô.

Kan Lêvi 19:3

Ăp nơm bunuyh ăn yơk ma mbơ̆ mê̆ jêh ri kah gĭt prăp nar saƀat Gâp. Gâp jêng Yêhôva Brah Ndu khân may.

Kan Lêvi 19:32

Ăn khân may dâk tanăp măt phung sŏk ndra, yơk ma phung bu ranh, jêh ri ăn khân may klach yơk ma Brah Ndu khân may. Gâp jêng Brah Yêhôva.

Malachi 1:6

Brah Yêhôva ma phung tahan lah đah khân may: “Hơi phung kôranh ƀư brah tâm rmot amoh Gâp! Kon bu klâu yơk ma mbơ̆ păng nơm, nơm dĭk nă yơk ma kôranh păng nơm. Pôri, tơlah Gâp jêng Mbơ̆ mbah ntŭk nau yơk ăn ma Gâp? Jêh ri tơlah Gâp jêng Kôranh hŏ geh nau klach yơk ăn ma Gâp?” Khân may lah đŏng pô aơ: “Ta ntŭk hên rmot hŏ amoh May?”

Mathay 19:19

Yơk hom ma mê̆ mbơ̆ may jêh ri rŏng hom ma phung chiau meng nâm bu săk jăn may nơm.”

Markôs 10:19

Nanê̆ may lĕ gĭt jêh nau vay ntăm: ‘Lơi nkhĭt bunuyh; lơi ƀư tih nau văng tĭr; lơi ntŭng; lơi ngơi mƀruh; lơi ndơm; yơk hom ma mê̆ mbơ̆ may.’ ”

Markôs 7:10

Yorlah Y-Môis lah jêh: ‘Yơk hom ma mê̆ mbơ̆ khân may’ jêh ri, ‘Mbu nơm rak rtăp ma mê̆ mbơ̆ păng nơm, bu mra nkhĭt lơi păng’;

Luka 18:20

Nanê̆ may gĭt jêh nau vay ntăm nây: ‘Lơi ƀư tih nau văng tĭr, lơi nkhĭt bunuyh, lơi ntŭng, lơi ngơi mƀruh, yơk hom ma mê̆ mbơ̆ may.’ ”

Êphêsô 5:21

Yor klach yơk ma Brah Krist, tâm tông hom ndrăng nơm.

Nau Vay Nkah Tay 11:8

Pôri, ăn khân may djôt prăp lĕ rngôch nau vay ntăm bơh gâp ntĭnh ma khân may nar aơ, gay ma khân may tŏng nau dăng tâm lơh dơi pit sŏk n'gor, khân may dăch pit sŏk,

Nau Vay Nkah Tay 11:9

jêh ri gay ma khân păng dơi rêh jŏ tâm n'gor Yêhôva ton jêh ăn ma phung chô yau khân may jêh ri ma noi deh khân păng, jêng n'gor bêng ma dak toh jêh ri dak sŭt.

Nau Vay Nkah Tay 21:18

“Tơlah mbu nơm du huê bunuyh geh kon dăng bôk jêh ri vay tâm rdâng, mâu ŭch tông bâr mê̆ mbơ̆, jêh ri nđâp lah mê̆ mbơ̆ geh nkra păng, ƀiălah păng mâu iăt ôh,

Nau Vay Nkah Tay 25:15

Ƀiălah ăn khân may knŏng dŏng du ntil rplay njing jêh ri du ndơ njing ăn di jêh ri sŏng, gay ma khân may dơi rêh jŏ năm tâm n'gor Yêhôva Brah Ndu ăn ma khân may.

Nau Vay Nkah Tay 27:16

‘Di ma rak rtăp ma nơm ƀư bêk mê̆ mbơ̆ păng nơm!’ Ăn lĕ rngôch phung ƀon lan mra plơ̆ lah: ‘Amen!’

Nau Vay Nkah Tay 32:47

Yorlah aơ mâu di ôh jêng nau mâu khlay ma khân may, ƀiălah păng jêng nau rêh khân may. Bơh nau nây khân may mra dơi rêh jŏ năm tâm bri neh khân may dăch pit sŏk lah jêh rgăn dak krong Yurdan.”

Nau Vay Nkah Tay 4:26

pôri nar aơ gâp kuăl trôk jêh ri neh ntu gay mbơh pô aơ, khân may mra gơnh roh lĕ bơh n'gor khân may bơi dơn jêng drăp ndơn đah ri dak krong Yurdan; khân may mâu mra dơi gŭ jŏ ta nây ôh ƀiălah bu mra nkhĭt khân may lĕ ƀhiau.

Nau Vay Nkah Tay 4:40

Djôt prăp hom lĕ nau vay Păng dăp jêh ri nau vay Păng ntăm, gâp ăn jêh ma khân may nar aơ gay ma khân may jêh ri ma phung kon sau khân may pakơi taơ geh nau ueh uĭn, jêh ri dơi gŭ jŏ nar tâm n'gor Yêhôva Brah Ndu khân may ăn jêh ma khân may n'ho ro.”

Nau Vay Nkah Tay 5:16

Yơk hom ma mê̆ mbơ̆ may, tĭng nâm Yêhôva Brah Ndu may hŏ ntĭm nti jêh, gay ma may dơi rêh jŏ năm jêh ri dơn nau ueh uĭn klơ neh Yêhôva Brah Ndu may hŏ ăn jêh ma may.

Nau Vay Nkah Tay 5:33

Ƀiălah ăn khân may hăn di tâm lĕ trong Yêhôva Brah Ndu hŏ ntĭm nti jêh gay ma khân may dơi rêh, dơn nau ueh lăng jêh ri dơi rêh jŏ năm tâm n'gor khân may mra dơn jêng drăp ndơn.”

Nau Vay Nkah Tay 6:2

Bơh nây, gay khân may, phung kon sau khân may du njăr rêh mra klach yơk ma Yêhôva Brah Ndu khân may, djôt prăp lĕ nau vay dăp jêh ri nau vay ntăm bơh Păng jêng nau gâp ntĭnh ma khân may, gay ma khân may dơi rêh jŏ năm.

Kôlôh 3:20

Hơi phung kon, tông hom ma mê̆ mbơ̆ khân may nơm tâm lĕ ntil nau, yorlah nau aơ ueh nuih n'hâm Kôranh Brah.

Bu ur Rut 3:6

Pônây păng hăn ma ntŭk mprah ba jêh ri ƀư di tĭng nâm po păng hŏ ntĭnh jêh.

I Samuel 22:3

Ntơm bơh ntŭk nây, Y-Đavit hăn tât Mispê, tâm n'gor Môap, păng lah ma hađăch n'gor Môap: “Dăn ăn mê̆ mbơ̆ gâp gŭ ndrel ma khân may kŏ tât gâp gĭt nau Brah Ndu mra ƀư ma gâp.”