Nau Ngluh Êjipt 20:11 - Nau Brah Ndu Ngơi 2023

¹¹ Yorlah tâm prao nar Brah Yêhôva hŏ rhăk njêng trôk, neh ntu, dak mƀŭt, jêh ri lĕ rngôch mpa gŭ tâm nây, ƀiălah Păng rlu tâm nar pơh. Yor ri, Brah Yêhôva ăn nau ueh uĭn ma nar rlu jêh ri ƀư kloh ueh nar nây.

Nau Ngluh Êjipt 20:11 ပူးပေါင်းရင်းမြစ်များ

Nau Ngluh Êjipt 31:17

Nau nây jêng du nau tâm mbên n'ho ro ta nklang Gâp jêh ri phung ƀon lan Israel, yorlah Brah Yêhôva hŏ rhăk njêng jêh trôk jêh ri neh ntu tâm prao nar, tât nar tal pơh Păng mâu hôm kan jêh ri gŭ rlu.’”

Kôranh Oh Mon 20:7

Nar nguay tâm pơh, dôl hên tâm rƀŭn gay nkê̆ch piăng let. Y-Pôl mbơh nkoch ma phung oh mon; yorlah păng hăn trong nar ôi taơ, pôri păng mbơh nkoch tât klong măng.

Nau Ntơm 1:28

Brah Ndu ăn nau ueh uĭn ma bunuyh jêh ri lah: “Ăn khân may deh kon, ăn bĭk rơ̆ âk râk jêh ri ƀư ăn bêng neh; ƀư hom ăn neh tông bâr, chiă uănh hom ntil ka tâm dak mƀŭt, ntil sĭm mpăr klơ trôk jêh ri lĕ rngôch mpa vơr ta neh.”

Kôranh Oh Mon 4:24

Jêh tăng, khân păng du nuih n'hâm mbơh sơm nteh ma Brah Ndu pô aơ: “Ơ Kôranh Brah, jêng Nơm rhăk njêng trôk, neh ntu, dak mƀŭt, jêh ri lĕ rngôch mpa tâm nây,

Kôranh Oh Mon 14:15

“Hơi phung bunuyh! Mâm ƀư khân may ƀư pônây? Hên knŏng jêng kon bunuyh, tâm ban ma khân may lĕ. Hên mbơh nkoch Nau Mhe Mhan Ueh gay ma khân may chalơi phung brah dơm dam ri jêh ri plơ̆ sĭt ma Brah Ndu rêh mro mrăng, jêng Nơm rhăk njêng trôk, neh ntu, dak mƀŭt, jêh ri lĕ rngôch mpa tâm nây.

ហេឞ្រើ 4:4

Yorlah tâm du ntŭk Păng ngơi jêh ma nar rơh pơh, “Nar tal pơh, Brah Ndu rlu lĕ nau kan Păng.”

Nau Tâm Mpơl 10:6

sŏk amoh Nơm gŭ rêh n'ho ro, Nơm rhăk njêng trôk jêh ri lĕ rngôch ndơ klơ trôk, neh ntu jêh ri lĕ rngôch ndơ klơ neh ntu, dak mƀŭt jêh ri lĕ rngôch ndơ tâm dak mƀŭt, jêh ri sơm ton pô aơ: “Mâu mra hôm mbrĕ mbrơi ôh!

Nau Ngluh Êjipt 8:22

Ƀiălah tâm nar nây, Gâp mra prăp êng n'gor Gôsen jêng ntŭk phung ƀon lan Gâp gŭ; ntŭk nây mâu mra geh rhuay ôh gay ma may gĭt Gâp jêng Brah Yêhôva hôm gŭ ta nklang n'gor aơ.

Nau Ngluh Êjipt 9:29

Y-Môis lah: “Lah gâp luh jêh bơh ƀon, gâp mra yơr ti gâp ma Brah Yêhôva; nglaih mra nsrŭng, mih tŭp pler mra bah ro gay ma may gĭt n'gor aơ jêng ndơ Brah Yêhôva.

Nau Vay Nkah Tay 5:15

Ăn kah gĭt hom may hŏ jêng jêh dĭk nă tâm n'gor Êjipt, jêh ri Yêhôva Brah Ndu may yơr ti bêng nau brah Păng djôt leo may du luh jêh bơh ntŭk nây. Yor ri, Yêhôva Brah Ndu may hŏ ntĭm nti jêh ma may ăn djôt prăp nar rlu.

Êsai 42:10

Mprơ hom ma Brah Yêhôva du nau mprơ mhe, Nau mprơ tâm rnê ma Păng bơh ntŭk dŭt rplay neh! Ơ phung hăn ta dak mƀŭt, nđâp ma lĕ rngôch mpa tâm păng, Lĕ gôl dak mƀŭt ndrel phung gŭ tâm păng, Rđuh ngrông hom.

Êsai 48:13

Ti Gâp nơm dơm jêh mbon rplay neh, Ti ma Gâp ling jêh lĕ ndâr trôk; Lah Gâp kuăl, Trôk jêh ri neh ntu dâk da dê.

Nau Ntơm 1:31

Brah Ndu saơ lĕ ntil ndơ Păng hŏ njêng jêh; ri, ueh ngăn ngên! Pôri, geh mhaơ jêh ri ôi. Nây jêng nar tal prao.