Nau Ngluh Êjipt 2:3 - Nau Brah Ndu Ngơi 2023

³ Tơlah mâu hôm dơi pôn jŏ ôh, păng sŏk du mlâm bĭ ƀư ma tơm sut, mhĭng ma dak ƀlĭt ƀitumen jêh ri ma dak ƀlĭt n'ho ăn kon se nây tâm bĭ jêh ri nđuh dơm bĭ nây tâm nklang tơm sut ta meng kơh dak krong.

Nau Ngluh Êjipt 2:3 ပူးပေါင်းရင်းမြစ်များ

Nau Ntơm 11:3

Khân păng tâm lah ndrăng khân păng nơm: “Kay lŏng, ăn he ƀư ƀrĭk jêh ri gŭch kroh tâm ŭnh.” Rnôk nây, bu dŏng ƀrĭk ntrok ma lŭ, jêh ri dak chai ƀlĭt ƀitumen ntrok ma ndơ mon krêp.

Nau Ntơm 14:10

Tâm rlŭng Siđim geh âk ntu dâng dak chai blĭt; nôk tâm lơh dơi bu du nchuăt, hađăch ƀon Sôdôm jêh ri hađăch ƀon Gômôrơ tŭp tâm ntu nây, phung hôm e nchuăt du hao klơ yôk.

Nau Ntơm 6:14

Ăn may ƀư du mlâm kumpăn ma tơm si gôphê, pă jêng âk jrô jêh ri mhĭng đah dak ƀlĭt ƀitumen lĕ tâm trôm nđâp padih.

Nau Ngluh Êjipt 1:22

Pharaôn ntăm ma lĕ rngôch phung ƀon lan păng: “Ăn khân nơm klŭp lĕ rngôch kon bu klâu mhe deh phung Hêbrơ tâm dak krong, ƀiălah bu ur rong ăn păng rêh.”

Êsai 18:2

May njuăl nơm mbơh dŏng rkĭt ƀư ma rpho găn dak mƀŭt, Hăn ta klơ mpiăt dak! Ơ phung mbơh hăn ngăch, Hăn hom ta du bri dak geh phung mpôl jong jêh ri ntâu pler, Tât ma du phung ƀon lan êp ngai ăt bu klach, Du bri dak ktang jêh ri vay tŭn jot, Jêng bri dak geh âk dak krong tâm pă.

Êsai 19:6

Dak n'hong jê̆ mra plơ̆ jêng ƀâu ôm, N'hor dak ta bri Êjipt mra sơh mbrơi jêh ri kro; Treng jêh ri rpho kro klêu da dê.

Êsai 35:7

Choih duh mra jêng dak nglao, Neh sơh mra plơ̆ jêng dak n'hor. Ntŭk so bri gŭ Mra rgâl jêng ndrêch gơ̆, tơm rpho jêh ri treng.

Mathay 2:13

Jêh phung njêh sĭt jêh, geh du huê tông mpăr Kôranh Brah mpơl tâm nau mbơi ma Y-Yôsep jêh ri lah ma păng pô aơ: “Dâk hom may, djôt kon se jê̆ jêh ri mê̆ Păng hăn du ndĕ ta Êjipt! May mra gŭ ta nây kŏ tât gâp ngơi ma may, yorlah hađăch Hêrôt mra joi kon se jê̆ nây gay nkhĭt.”

Mathay 2:16

Tơlah hađăch Hêrôt gĭt ma phung njêh rlăm ma păng, păng ji nuih hâu ngăn, đă bu nkhĭt lơi lĕ rngôch phung kon se jê̆ bu klâu ntơm bơh jê̆ tât bar năm tâm ƀon Ƀêtlêhem jêh ri lam n'gor nây, tĭng di ngăn nar khay phung njêh mbơh ma Păng.

Kôranh Oh Mon 7:19

Hađăch nây dŏng nau ndơm đah phung mpôl băl he jêh ri tŭn jot phung chô yau he, gay nchâp khân păng mƀăr lơi phung kon mhe deh, mâu ăn khân păng gŭ rêh.