Nau Ngluh Êjipt 2:25 - Nau Brah Ndu Ngơi 2023

²⁵ Brah Ndu treng uănh phung ƀon lan Israel jêh ri gĭt nanê̆ ngăn nau tât ma khân păng.

Nau Ngluh Êjipt 2:25 ပူးပေါင်းရင်းမြစ်များ

II Samuel 16:12

Klăp lah Brah Yêhôva mra uănh nau rêh ni gâp, jêh ri mra sŏk nau ueh lăng mplơ̆ sĭt ma gâp ntrok ma nau rak rtăp păng nar aơ.”

Ndrom Samƀŭt bơh Yôp 33:27

Bunuyh nây mra mprơ tanăp kon bunuyh pô aơ: ‘Gâp hŏ ƀư tih jêh ri nkê̆ch ăn kue nau sŏng, Ƀiălah mâu geh ôh nau rmal nâm bu nau gâp mra dơn.

Nau Mprơ Ơm 1:6

Yorlah Brah Yêhôva gĭt trong phung sŏng srăng, Ƀiălah trong bunuyh mhĭk mra rai yot.

Nau Mprơ Ơm 10:14

Ƀiălah, Kôranh Brah hŏ saơ jêh! Kôranh Brah uănh kŏ tât nau rêh ni jêh ri ji ngăn; Păng sek uănh gay yơr ti ƀư. Phung rêh ni jao khân păng nơm ma Kôranh Brah; May jêng Nơm kơl phung kon đơi.

Nau Mprơ Ơm 31:8

Kôranh Brah mâu jao gâp tâm ti phung rlăng ôh, Ƀiălah dơm jâng gâp tâm ntŭk huy.

Nau Mprơ Ơm 55:22

Jao hom nau may anh jâk ma Brah Yêhôva, Păng mra kơl rdâng may; Păng mâu mra ăn phung sŏng srăng geh nau mpât n'gơ.

Nau Ngluh Êjipt 1:8

Nôk nây geh du huê hađăch mhe hao klơ sưng hađăch chiă uănh n'gor Êjipt, mâu gĭt năl Y-Yôsep ôh.

Nau Ngluh Êjipt 18:8

Y-Môis nkoch tay ma po păng lĕ rngôch nau Brah Yêhôva hŏ ƀư jêh ma Pharaôn jêh ri ma phung Êjipt yor phung Israel, lĕ rngôch nau hŏt rgănh tât ta ma khân păng rŏ trong, jêh ri mâm nau Brah Yêhôva tâm rklaih khân păng.

Nau Ngluh Êjipt 3:9

Aơ, nau phung Israel nter lŭng hŏ hao tât ta Gâp; Gâp hŏ saơ nau phung Êjipt tŭn jot khân păng.

Nau Ngluh Êjipt 4:31

Phung ƀon lan rnơm. Dôl khân păng tăng Brah Yêhôva hŏ khâl jêh phung ƀon lan Israel nđâp hŏ saơ jêh nau rêh ni khân păng, khân păng kŭnh bôk jêh ri yơk mbah.

Mathay 7:23

Mông nây, Gâp mra lah rah vah ma khân păng: ‘Hơi phung ƀư mhĭk, du hom tă bơh Gâp, Gâp mâu mâp gĭt năl khân may ôh!’ ”

Luka 1:25

“Kôranh Brah hŏ ăn nau yô̆ ma gâp. Tâm lĕ nar nây, Păng yô̆ nđach gâp jêh ri sŏk lơi nau prêng gâp ta nklang lĕ rngôch bunuyh.”

Kôranh Oh Mon 7:34

Gâp saơ jêh nau rêh ni phung ƀon lan Gâp tâm n'gor Êjipt jêh ri hŏ tăng jêh nau khân păng nter rĭ dĭng Gâp jŭr văch gay ma tâm rklaih khân păng. Aƀaơ aơ, văch hom, Gâp mra njuăl may hăn tât ta n'gor Êjipt.’

Nau Vay Nkah Tay 26:7

Nôk nây, hên hŏ kuăl jêh ma Yêhôva Brah Ndu phung chô yau hên. Brah Yêhôva hŏ tăng jêh bâr hên jêh ri uănh saơ nau rêh ni, nau hŏt rơah jêh ri nau bu tŭn jot hên.

I Samuel 1:11

Păng mbơh sơm: “Ơ Brah Yêhôva ma phung tahan, tơlah nanê̆ ngăn May mra uănh treng ma nau rêh ni oh mon bu ur May, kah gĭt tay ma gâp jêh ri mâu chuêl ôh ăn ma oh mon bu ur May du huê kon bu klâu, pôri gâp mra nhhơr lôch nau rêh păng ma Brah Yêhôva, jêh ri bu mâu poih ôh bôk sŏk păng ma pêh.”