Nau Ngluh Êjipt 2:23 - Nau Brah Ndu Ngơi 2023

²³ Jŏ jêh nây, hađăch Êjipt khĭt. Phung ƀon lan Israel vơh vơl, kuăl nter yor nau ƀư dĭk bu, nau khân păng lŭng nter tăng tât ma Brah Ndu.

Nau Ngluh Êjipt 2:23 ပူးပေါင်းရင်းမြစ်များ

Nau Ntơm 16:11

Tông mpăr lah tay ma păng: “Aơ, ay dôl ntreo jêh ri mra deh kon bu klâu, Ntơ amoh păng jêng Y-Ismaêl, Yorlah Brah Yêhôva lĕ tăng jêh nau ay vơl dăn.

Nau Ntơm 4:10

Brah Yêhôva ôp: “Moh nau may ƀư pônây? Nteh mham oh may tă bơh neh hŏ nter tât ma Gâp.

Nêhêmi 9:9

Kôranh Brah hŏ saơ jêh nau rêh ni phung chô yau hên ta n'gor bri Êjipt, Hŏ tăng jêh bâr khân păng kuăl dăn ta meng Dak Mƀŭt Chăng.

Ndrom Samƀŭt bơh Yôp 35:9

Geh âk ir nau tŭn jot ƀư ma bu lŭng nter, Yor phung djơh tŭn jot dĭng bu kuăl kơl rklaih.

Nau Mprơ Ơm 102:1

Ơ Brah Yêhôva, iăt hom nau gâp mbơh sơm, Ăn nau gâp nter sâm rklaih hao tât ta May.

Nau Mprơ Ơm 102:2

Tâm nar rêh ni, Lơi pôn ôh măt May ma gâp; Rkêng tôr iăt ma gâp; Tâm nar gâp kuăl dăn, gơnh oi mplơ̆ lah nau gâp.

Nau Mprơ Ơm 12:5

Yorlah bu tŭn jot phung rêh ni jêh ri phung pưt kƀah rđêng nđor, Yor ri Brah Yêhôva lah: “Aƀaơ Gâp mra dâk, Dơm khân păng ta ntŭk đăp mpăn ntŭk khân păng gŭ kâp.”

Nau Mprơ Ơm 18:6

Tâm nau rêh ni gâp mbơh sơm ma Brah Yêhôva, Gâp kuăl ma Brah Ndu gâp. Bơh ngih brah, Păng tăng bâr gâp Jêh ri bâr gâp kuăl gay rklaih tât ta tôr Păng.

Nau Ngluh Êjipt 1:14

ƀư ma nau rêh khân păng ntop nđêh nji đah âk kan jâk jêr nâm bu plên neh, ƀư ƀrĭk, jêh ri ăp ntil kan tâm mir. Ăp ntil kan phung Êjipt nchâp phung Israel kan tâm nau hŏt rgănh ngăn.

Nau Ngluh Êjipt 4:19

Brah Yêhôva hŏ lah ma Y-Môis tâm n'gor Madian: “Plơ̆ sĭt hom ta n'gor Êjipt yorlah lĕ rngôch bunuyh joi gay ƀư mhĭk nau rêh may hŏ khĭt lĕ jêh.”

Nau Ngluh Êjipt 6:5

Gâp hŏ tăng đŏng nau phung ƀon lan Israel nter yor phung Êjipt nhŭp khân păng ƀư dĭk jêh ri kah gĭt tay nau Gâp tâm rnglăp.

Nau Ngluh Êjipt 6:9

Y-Môis ngơi lĕ rngôch nau nây ma phung ƀon lan Israel ƀiălah khân păng mâu iăt ôh nau Y-Môis yor nau khân păng rdja nuih jêh ri nau ƀư dĭk dŭt hŏt ngăn.

Nau Ngluh Êjipt 7:7

Nôk tâm mâp đah Pharaôn, Y-Môis hŏ pham jât năm jêh, bi ma Y-Arôn pham jât mpe năm.

Êsai 19:20

Nĕ jêng nau mbên jêh ri nau mbơh ma Brah Yêhôva ma phung tahan tâm bri Êjipt. Dôl khân păng kuăl dăn ma Brah Yêhôva yor bu tŭn jot, Păng mra njuăl ma khân păng du huê nơm sâm rklaih tât gay king n'gang jêh ri rklaih khân păng.

Êsai 5:7

Đang play Brah Yêhôva ma phung tahan Jêng ngih Israel, Bi ma phung Yuđa Jêng lĕ tơm si Păng răm maak tăm. Păng kâp gân gay saơ nau sŏng, Ƀiălah knŏng saơ nau mhĭk; Păng kâp gân ma nau sŏng srăng, Ƀiălah knŏng geh nau nter nđêng!

Nau Kơp Bunuyh 20:16

Hên nter ma Brah Yêhôva; Păng hŏ tăng bâr hên jêh ri prơh du huê tông mpăr njŭn hên du luh bơh n'gor Êjipt. Aơ, hên dôl gŭ ta Kadês jêng du ƀon ta n'har đah nkual hađăch.

Kôranh Oh Mon 7:30

Puăn jât năm jêh nây, du huê tông mpăr tâm mpơl ma păng tâm mpiăt ŭnh tâm pŭm lok dôl ŭnh hit ta bri rdah yôk Sinai.

Nau Vay Nkah Tay 24:15

Ăn khân may nkhôm prăk pah kan ma păng ăp nar, êlor nhâp nar, yorlah bunuyh jêng o ach, jêh ri knŏng gĭt kâp gân ma nau nkhôm nây. Tơlah mâu, bunuyh nây mra nter lŭng ma Brah Yêhôva yor ma khân may jêh ri khân may geh nau tih.

Yakơ 5:4

Aơ, prăk nkhôm phung rek ba nkhôm tâm lôk mir khân may, khân may ntŭng prăp ma khân may nơm, dôl lŭng nter; jêh ri bâr nteh phung rek nây hao tât ta tôr Kôranh Brah geh lĕ nau brah.

Phung Kôranh Phat Dôih 4:3

Yorlah Y-Jabin geh jêh sĭn rhiăng ndeh seh ma loih jêh ri păng tŭn jot phung Israel ma nau djơh tâm bar jât năm, pônây, phung ƀon lan Israel nter dăn ma Brah Yêhôva.

I Samuel 12:8

Jêh Y-Yakôb tât ta n'gor bri Êjipt, chô yau khân may vơl dăn ma Brah Yêhôva, Păng prơh Y-Môis jêh ri Y-Arôn hăn njŭn leo chô yau khân may du luh tă bơh n'gor bri Êjipt, jêh ri ăn ma khân păng gŭ tâm ntŭk aơ.

I Samuel 9:16

“Ôi taơ, di ta mông aơ, Gâp mra prơh du huê bunuyh gŭ ta n'gor Benjamin tât ma may jêh ri may mra mhĭng dak ƀâu kah ma păng gay păng jêng kôranh chiă uănh phung ƀon lan Israel Gâp. Păng mra tâm rklaih phung ƀon lan Gâp tă bơh ti phung Philistin, yorlah Gâp uănh treng jêh phung ƀon lan Gâp, yorlah nau khân păng nter vơl tât jêh ma Gâp.”