Nau Ngluh Êjipt 2:20 - Nau Brah Ndu Ngơi 2023

²⁰ Mbơ̆ khân păng ôp tay: “Aƀaơ bunuyh nây mbah ntŭk? Mâm ƀư khân ay chalơi păng? Ăn khân ay jă bunuyh nây sĭt ta aơ jêh ri ăn sông sa.”

Nau Ngluh Êjipt 2:20 ပူးပေါင်းရင်းမြစ်များ

Nau Ntơm 18:5

Lĕ khân may hŏ lăn hăn tât ta ngih gâp jêh, ăn gâp hăn sŏk djê̆ piăng let gay khân may sông lĭr nuih jêh nây hăn n'hot jât năp.” Phung nây lah: “Ƀư hom kơt nau may lah.”

Nau Ntơm 29:13

Tơlah Y-Laban tăng nau nkoch bri tât ma Y-Yakôb, kon bu klâu oh bu ur păng, păng nchuăt ran tâm mâp, ut chŭm păng, jêh ri njŭn leo sĭt ta ngih păng. Y-Yakôb nkoch bri ma Y-Laban lĕ nau tât.

Nau Ntơm 31:54

jêh nây Y-Yakôb nhhơr mpa ƀư brah ta klơ yôk, jêh ri păng kuăl phung oh nâu păng sông sa. Jêh sông sa, khân păng rlu bê̆ch măng ta yôk nây.

Nau Ntơm 43:25

Khân păng ndrăp jêh ndơ nhhơr, dôl gŭ kâp Y-Yôsep văch ta nklang bôk nar, yorlah khân păng hŏ tăng jêh khân păng mra sông sa ta aơ.

Ndrom Samƀŭt bơh Yôp 31:32

Bu năch mâu geh ôh bê̆ch măng ta rŏ trong; Gâp hŏ pơk jêh mpông vơt bu năch trong ngai.

Ndrom Samƀŭt bơh Yôp 42:11

Lĕ rngôch oh nâu, oh nur jêh ri lĕ rngôch phung tâm bên đah Y-Yôp ntơm bơh saơm văch khâl da dê jêh ri sông sa ndrel ma păng tâm trôm ngih. Khân păng tâm mpơl nau yô̆ ma păng jêh ri bonh leng păng yor lĕ rngôch nau mhĭk Brah Yêhôva hŏ ăn jêh ma păng. Ăp nơm khân păng ăn da dê ma păng du glo prăk jêh ri du mlâm rgên mah.

Nau Ngluh Êjipt 2:19

Khân păng plơ̆ lah: “Geh du huê bunuyh Êjipt hŏ sâm rklaih hên bơh ti phung rmăk biăp, jêh ri sâm bâk dak ăn phung biăp hên nhêt đŏng.”

Nau Ngluh Êjipt 2:21

Y-Môis ŭch đŏng gŭ ndrel ma Y-Rêuel, jêh ri păng nđăp H'Sêpôra, kon bu ur păng, ƀư ur Y-Môis.

I Timôthê 5:10

ăn păng dơi geh nau bu rnê nau ueh tâm ban ntĭm nti jêh phung kon, vơt rom phung bu năch, rao jâng ma phung kloh ueh, kơl an phung rêh ni, jêh ri nsrôih ƀư ăp ntil kan ueh.

ហេឞ្រើ 13:2

Lơi chuêl mpơl nuih n'hâm gĭt rom bu năch, yorlah dôl ƀư nau nây, geh ƀaƀă rom jêh tông mpăr ƀiălah mâu gĭt năl khân păng ôh.