Nau Ngluh Êjipt 2:11 - Nau Brah Ndu Ngơi 2023

¹¹ Du nar, lah Y-Môis hŏ toyh jêh, păng hăn luh padih, joi phung ƀon lan păng jêh ri saơ nau kan hŏt rgănh. Păng saơ đŏng du huê bunuyh Êjipt dong du huê bunuyh Hêbrơ jêng oh nâu păng.

Nau Ngluh Êjipt 2:11 ပူးပေါင်းရင်းမြစ်များ

Nau Ngluh Êjipt 1:11

Yor ri, phung Êjipt dơm phung kôranh uănh kan gay ƀư rêh ni phung Israel ma nau kan jâk jêr, nchâp đă khân păng ƀư ƀon toyh Pithôm jêh ri ƀon Ramsê gay ma ƀư ntŭk prăp drăp khlay ăn ma Pharaôn.

Nau Ngluh Êjipt 3:7

Brah Yêhôva lah: “Gâp hŏ saơ nanê̆ ngăn nau rêh ni phung ƀon lan Gâp tâm n'gor Êjipt jêh ri gâp hŏ tăng jêh nau khân păng lŭng nter yor phung kôranh uănh kan khân păng. Di ngăn, Gâp gĭt jêh nau nđêh nji khân păng.

Nau Ngluh Êjipt 5:14

Phung kôranh mbŭch bunuyh Israel tă bơh phung kôranh uănh kan Pharaôn săch gay uănh nđôi lĕ phung Israel ƀaƀă jêng phung lĕ bu hŏ dong mbang jêh ri ôp khân păng: “Mâm ƀư nđaơ jêh ri nar aơ khân may mâu ƀư nŭm ôh rnoh ƀrĭk hŏ jao jêh nâm bu lor?”

Nau Ngluh Êjipt 5:4

Hađăch Êjipt lah: “Ơ Y-Môis jêh ri Y-Arôn, mâm ƀư khân may nsŭk phung ƀon lan chalơi kan? Hăn hom ƀư nau kan khân may nơm!”

Nau Ngluh Êjipt 5:5

Pharaôn lah tay: “Aơ, phung ƀon lan tâm n'gor aƀaơ jêng bĭk âk ngăn, ƀiălah bar hê khân may ŭch ăn khân păng rlu ƀư kan ƀơh!”

Nau Ngluh Êjipt 5:9

Ăn jao ntop kan jâk lơn ma phung nây gay yor âk ir nau kan, rĭ mơ khân păng mâu hôm mĭn rvê ma lĕ nau ngơi mƀruh nây.”

Nau Ngluh Êjipt 6:6

Yor nây, ăn may lah ma phung ƀon lan Israel: ‘Gâp jêng Brah Yêhôva, Gâp mra djôt khân may luh bơh kan jâk phung Êjipt jêh ri rklaih khân may bơh nau ƀư dĭk. Gâp mra yơr ti sŏng, dŏng nau phat dôih jâk jêr gay tâm chuai khân may.

Nau Ngluh Êjipt 6:7

Gâp mra dơn khân may jêng phung ƀon lan Gâp, jêh ri Gâp mra jêng Brah Ndu khân may. Khân may mra gĭt Gâp jêng Yêhôva Brah Ndu khân may, Nơm hŏ djôt khân may luh bơh kan jâk jêr tă bơh phung Êjipt.

Êsai 58:6

Mâu di hĕ nau ât sông sa Gâp săch, nây jêng: Doh lơi lĕ rse rvăk nau ƀai, Doh lơi rse kât mâng mbăk, Ăn jêng kon me phung bu tŭn jot, Jêh ri nkê̆ch lơi ăp mâng mbăk?

Mathay 11:28

Hơi lĕ rngôch bunuyh rgănh jêh ri anh jâk, văch hom ta Gâp, Gâp mra ăn khân may rlu.

Luka 4:18

“Brah Huêng Ueh Brah Kôranh Brah gŭ ta klơ Gâp, Yorlah Păng tŏ jêh dak ƀâu kah ma Gâp gay mbơh nkoch Nau Mhe Mhan Ueh ma phung o ach.