Nau Ngluh Êjipt 19:5 - Nau Brah Ndu Ngơi 2023

⁵ Pôri aƀaơ, tơlah khân may tông bâr Gâp jêh ri djôt prăp nau tâm rnglăp Gâp, khân may mra jêng drăp ndơ êng ma Gâp nơm ta nklang lĕ rngôch ƀon lan; nđâp lah lĕ neh ntu jêng ndơ Gâp.

Nau Ngluh Êjipt 19:5 ပူးပေါင်းရင်းမြစ်များ

Nau Ntơm 17:9

Brah Ndu lah ma Y-Abraham: “May nơm yơh jêh ri noi deh may djôt prăp nau Gâp tâm rnglăp ntơm bơh rô̆ aơ tât rô̆ êng.

I Phung Hađăch 8:53

Hơi Kôranh Brah jêng Brah Yêhôva! Kôranh Brah hŏ prăp êng phung Israel luh tă bơh lĕ rngôch phung ƀon lan klơ neh ntu, gay ma khân păng jêng drăp ndơn May, tĭng nâm May mbơh jêh ma bâr mbung Y-Môis jêng oh mon May, dôl May ngluh phung chô yau hên du luh bơh Êjipt.”

I Nau Rêh Jêng 17:22

Kôranh Brah hŏ ƀư ăn ma phung ƀon lan Israel rlơ̆ jêng phung ƀon lan ma May nơm kŏ tât ƀaƀơ n'ho ro. Bi May, Hơi Brah Yêhôva, May jêng Brah Ndu khân păng.

Ndrom Samƀŭt bơh Yôp 41:11

Tă tâm trôm muh păng luh thŭl nhhŭk, Nâm bu khuh dak glah dôl sĭnh đah rpho treng.

Ndrom Samƀŭt bơh Yôp 41:3

Gâp mra ngơi ma lĕ kô̆ săk jăn păng, Ma n'hâm suan jêh ri nau ueh săk jăn păng.

Nau Mprơ Ơm 135:4

Yorlah Brah Yêhôva hŏ săch jêh Yakôb ma Păng nơm, Sŏk phung Israel jêng drăp ndơn êng ma Păng.

Nau Mprơ Ơm 24:1

Neh jêh ri lĕ rngôch ndơ ta klơ neh, Neh ntu jêh ri lĕ bunuyh gŭ tâm nây jêng ndơ Brah Yêhôva da dê.

Nau Mprơ Ơm 25:10

Lĕ rngôch trong Brah Yêhôva jêng nau ueh da dê jêh ri nau nanê̆ ngăn Ma phung djôt prăp nau tâm rnglăp jêh ri nau ntĭnh bơh May.

Nau Ngluh Êjipt 15:26

Brah Ndu lah: “Tơlah khân may gŭ iăt nanê̆ bâr Yêhôva Brah Ndu khân may, ƀư nau di tanăp măt Gâp, rkêng tôr iăt lĕ nau vay ntăm jêh ri djôt prăp dĭng lĕ nau vay dăp bơh Gâp, pôri Gâp mâu mra ăn tât ôh ma khân may du ntil nau ji tâm lĕ ntil nau ji Gâp hŏ ƀư jêh ma phung Êjipt. Gâp jêng Brah Yêhôva, Nơm ƀư bah nau ji khân may.”

Nau Ngluh Êjipt 23:22

Ƀiălah tơlah may iăt nau tông bâr păng jêh ri ƀư tĭng lĕ nau Gâp ntĭnh ntăm, pôri Gâp mra jêng phung rlăng đah phung rlăng kon, jêh ri nơm rdâng đah phung tâm rdâng đah kon.

Nau Ngluh Êjipt 24:7

Păng djôt ndrom samƀŭt nau tâm rnglăp jêh ri răk ăn ma phung ƀon lan tăng. Khân păng lah: “Hên mra tĭng ƀư jêh ri djôt prăp lĕ nau Brah Yêhôva hŏ ntăm jêh.”

Nau Ngluh Êjipt 34:9

Păng ngơi: “Ơ Kôranh Brah! Tơlah gâp geh nau yô̆ tanăp măt Kôranh Brah, dăn Kôranh Brah hăn ndrel hên. Nđâp lah aơ jêng phung ƀon lan dăng ko, dăn Kôranh Brah yô̆ an ma nau djơh mhĭk jêh ri nau tih hên jêh ri dơn hên jêng drăp ndơn Kôranh Brah.”

Nau Ngluh Êjipt 6:7

Gâp mra dơn khân may jêng phung ƀon lan Gâp, jêh ri Gâp mra jêng Brah Ndu khân may. Khân may mra gĭt Gâp jêng Yêhôva Brah Ndu khân may, Nơm hŏ djôt khân may luh bơh kan jâk jêr tă bơh phung Êjipt.

Nau Ngluh Êjipt 8:22

Ƀiălah tâm nar nây, Gâp mra prăp êng n'gor Gôsen jêng ntŭk phung ƀon lan Gâp gŭ; ntŭk nây mâu mra geh rhuay ôh gay ma may gĭt Gâp jêng Brah Yêhôva hôm gŭ ta nklang n'gor aơ.

Nau Ngluh Êjipt 9:29

Y-Môis lah: “Lah gâp luh jêh bơh ƀon, gâp mra yơr ti gâp ma Brah Yêhôva; nglaih mra nsrŭng, mih tŭp pler mra bah ro gay ma may gĭt n'gor aơ jêng ndơ Brah Yêhôva.

Nau Mprơ Ueh 8:12

Hơi hađăch Y-Salômôn, du rbăn glo prăk jêng ndơ hađăch, Bar rhiăng jêng ndơ phung kan nkhôm. Bi đang krăk ƀâu gâp jêng ndơ gâp yơh.

Êsai 1:19

Tơlah khân may ŭch jêh ri tông bâr, Khân may mra dơi sa play kao ueh lơn tâm bri.

Êsai 41:8

Ƀiălah ơ phung Israel, khân may jêng oh mon Gâp, Ơ Yakôb, jêng nơm Gâp hŏ săch jêh, Khân may jêng noi deh Y-Abraham, mĭt jiăng Gâp.

Êsai 43:1

Aƀaơ Brah Yêhôva lah: Ơ phung Yakôb! Nơm hŏ rhăk njêng jêh khân may, Ơ phung Israel! Nơm hŏ rhăk njêng khân may, lah: “Lơi klach ôh, yorlah Gâp hŏ chuai jêh may. Gâp hŏ kuăl jêh amoh may jêh ri may jêng ndơ Gâp.

Êsai 56:4

Yorlah pô aơ Brah Yêhôva lah tâm ban pônây: “Ma phung kôranh bu char djôt prăp nar Saƀat Gâp, Săch nau ƀư maak ma Gâp, Djôt prăp nâp nau Gâp tâm rnglăp,

Yêrêmi 10:16

Drăp ndơn Y-Yakôb mâu nâm bu pônây ôh, Yorlah Păng yơh jêng Nơm hŏ rhăk njêng jêh lĕ rngôch ndô ndơ, Jêh ri Israel jêng mpôl băl drăp ndơn Păng. Amoh Păng jêng Brah Yêhôva ma phung tahan.”

Yêrêmi 13:11

Brah Yêhôva lah tay: “Yorlah, nâm bu rse rêt nâp mâm ta bŭt bu, pôri yơh Gâp ăt rêt nâp lĕ rngôch ngih Israel jêh ri lĕ rngôch ngih Yuđa đah Gâp kơt nây lĕ, gay ma khân păng ƀư du phung ƀon lan, du amoh, du nau tâm rnê, du nau chrêk rmah ăn ma Gâp; Ƀiălah khân păng mâu ŭch iăt ôh.

Yêrêmi 7:23

Ƀiălah aơ jêng nau ntăm Gâp hŏ mbơh ăn khân păng: ‘Iăt hom nau Gâp pôri Gâp mra ƀư Brah Ndu khân may jêh ri khân may mra ƀư phung ƀon lan Gâp. Nhuat tĭng hom lĕ trong Gâp nti, ma khân may, gay khân may geh nau ueh maak.’

Êsêkiêl 16:8

Tơlah Gâp hăn rgăn jêh ri uănh ma ay, saơ ay lĕ toyh, tât năm gĭt tâm rŏng jêh. Gâp sŏk ao padih nkŭm ta klơ ay gay ma ndâp nau rhôk ay. Di yơh, Gâp lĕ ton jêh ma ay, ƀư tâm rnglăp đah ay jêh ri ay jêng ndơ Gâp jêh,’ Kôranh Brah Yêhôva lah pônây.

Kan Lêvi 20:24

Gâp hŏ ntăm jêh ma khân may: “Khân may mra dơn n'gor khân păng, Gâp mra ăn khân may n'gor nây jêng drăp ndơn khân may; nây jêng du n'gor bêng ma dak toh jêh ri dak sŭt.” Gâp jêng Yêhôva Brah Ndu khân may, hŏ tâm nkhah jêh khân may luh bơh phung ƀon lan êng.

Amôt 3:2

Gâp knŏng gĭt khân may dơm Tâm lĕ rngôch phung băl mpôl bunuyh ta neh ntu; Yor nây, Gâp mra tâm rmal khân may Yor lĕ nau kue khân may.

Amôt 6:1

Rêh ni ngăn ma phung gŭ mpay êng nơm tâm ƀon Siôn, Jêh ri phung gŭ đăp rmên ta yôk Samari! Rêh ni ngăn ma phung ndrŏng, phung kôranh ƀư bôk lĕ bri dak, Jêng phung ngih Israel văch kuăl rklaih!

Malachi 3:17

Brah Yêhôva ma phung tahan lah: “Khân păng mra jêng ndơ Gâp, ƀư drăp ndơn êng ma Gâp tâm nar Gâp pah kan. Gâp mra yô̆ nđach ma khân păng nâm bu du huê mbơ̆ yô̆ nđach ma kon bu klâu păng pah kan ma păng.

I Kôrintô 10:26

Yorlah: “Neh ntu jêng ndơ Kôranh Brah jêh ri lĕ rngôch ndơ tâm Păng.”

I Kôrintô 10:28

Ƀiălah, tơlah du huê lah ma khân may: “Aơ jêng ndơ nhhơr jêh ma brah,” lơi ta khân may sa ndơ nây ôh. Yor nơm nây mbơh jêh, jêh ri yor nuih n'hâm sŏng.

Nau Vay Nkah Tay 10:14

Aơ, trôk jêh ri lĕ ndâr trôk dŭt prêh, neh ntu jêh ri lĕ rngôch mpa klơ neh jêng ndơ Yêhôva Brah Ndu khân may.

Nau Vay Nkah Tay 11:27

Khân may mra dơn nau ueh lăng, tơlah khân may tông lĕ nau vay Yêhôva Brah Ndu ntăm khân may gâp ntĭnh jêh ma khân may nar aơ;

Nau Vay Nkah Tay 14:2

yorlah khân may jêng du phung ƀon lan kloh ueh ma Yêhôva Brah Ndu khân may. Brah Yêhôva hŏ săch jêh khân may tă bơh ta nklang phung ƀon lan klơ neh gay khân may dơi jêng du phung ƀon lan jêng ndơ ma Păng.

Nau Vay Nkah Tay 14:21

Lơi ta sa ôh puăch du mlâm mpa lĕ khĭt jêh. Khân may dơi djôt păng ma phung bu năch gŭ tâm ƀon toyh khân may, gay ăn khân păng sa, mâu lah khân may dơi tăch păng ma phung bu năch. Yorlah khân may jêng du phung ƀon lan kloh ueh ma Yêhôva Brah Ndu khân may. Lơi ôh gâm puăch be kon tâm dak toh me păng.”

Nau Vay Nkah Tay 26:18

Nar aơ, Brah Yêhôva mbơh jêh ma khân may jêng du phung ƀon lan prăp ma Păng nơm, tĭng nâm Păng hŏ lah jêh ma khân may, jêh ri khân may mra mât mray lĕ rngôch nau vay Păng ntăm,

Nau Vay Nkah Tay 26:19

Păng ƀư ma khân may dơi geh nau tâm rnê, nau lư n'găr jêh ri nau yơk, rlau lơn lĕ rngôch ntil mpôl băl Păng hŏ rhăk njêng jêh, jêh ri khân may mra jêng du phung ƀon lan kloh ueh prăp ăn ma Yêhôva Brah Ndu khân may, tĭng nâm Păng hŏ lah jêh.”

Nau Vay Nkah Tay 28:1

“Tơlah khân may lĕ nuih n'hâm rkêng iăt ngăn nau Yêhôva Brah Ndu khân may lah, njrăng hom ƀư tĭng kơt lĕ rngôch nau vay Păng ntăm, jêng nau gâp ntăm ma khân may nar aơ ri mơ Yêhôva Brah Ndu khân may mra n'hao ma khân may rlau lơn lĕ rngôch phung ndŭl mpôl ta neh ntu aơ.

Nau Vay Nkah Tay 28:9

Tơlah khân may djôt prăp lĕ nau vay Yêhôva Brah Ndu ntăm ma khân may jêh ri hăn tâm trong Păng, ri mơ Brah Yêhôva mra ƀư ăn khân may jêng du phung ƀon lan kloh ueh ma Păng nơm, nâm bu Păng hŏ ton jêh ma khân may.

Nau Vay Nkah Tay 4:20

Bi khân may, Brah Yêhôva hŏ săch jêh ri njŭn leo khân may luh tă bơh ŭnh năk loih ri, jêng n'gor Êjipt, gay khân may jêng du phung ƀon lan êng Păng nơm, jêng drăp ndơn Păng, tâm ban khân may jêng nar aơ.

Nau Vay Nkah Tay 5:2

Yêhôva Brah Ndu he hŏ ƀư jêh du nau tâm rnglăp đah he ta Yôk Hôrep.

Nau Vay Nkah Tay 7:6

Yorlah khân may jêng du phung ƀon lan kloh ueh ma Yêhôva Brah Ndu. Tâm lĕ rngôch phung ƀon lan tâm neh ntu aơ, Yêhôva Brah Ndu hŏ săch jêh khân may gay jêng phung ƀon lan Păng, jêng drăp ndơn êng Păng.

Nau Vay Nkah Tay 9:29

Ƀiălah khân păng jêng phung ƀon lan May, jêng drăp ndơn dĭng May hŏ dŏng jêh nau rnam toyh jêh ri yơr ti dŭt dăng gay djôt leo khân păng luh bơh Êjipt.’”

Titus 2:14

jêng Nơm hŏ sân săk jêh yor ma he gay tâm chuai he bơh lĕ nau djơh mhĭk, jêh ri ƀư kloh he jêng du phung ƀon lan knŏng êng ma Păng nơm, jêng phung ƀon lan geh nau duh nđơr ƀư lĕ nau kan ueh.

ហេឞ្រើ 11:8

Yor ma nau chroh, Y-Abraham tông bâr Brah Ndu kuăl, hăn tât ta n'gor êng păng nơm mra dơn jêng drăp ndơn; păng hăn ƀiălah mâu gĭt ôh mbah ntŭk păng mra hăn.

ហេឞ្រើ 8:9

Mâu di nâm bu nau tâm rnglăp Gâp ƀư jêh đah phung chô yau khân păng ôh, Tâm nar Gâp kuăn ti khân păng têk njŭn du luh tă bơh n'gor Êjipt. Yorlah khân păng mâu răp jăp djôt prăp nau tâm rnglăp Gâp, Pôri Gâp chalơi khân păng,” Kôranh Brah lah pônây:

Yôsuê 24:24

Phung ƀon lan lah ma Y-Yôsuê: “Hên mra pah kan ma Yêhôva Brah Ndu hên, jêh ri hên mra tông bâr Păng.”

I Pêtrôs 2:9

Ƀiălah khân may jêng phung Brah Ndu săch jêh, jêng phung kôranh ƀư brah ta ngih hađăch, jêng phung mpôl kloh ueh, jêng phung ƀon lan sŏk prăp ma Brah Ndu, gay ma khân may mbơh nkoch nau ueh dŭt toyh Nơm kuăl jêh khân may luh bơh ntŭk ngo, njŭn lăp ntŭk ang khlay Păng.

I Samuel 15:22

Y-Samuel lah: “Brah Yêhôva mâu prot maak ma ndơ ƀư brah gŭch jêh ri ma lĕ mpa ƀư brah, Ban nau tông bâr Brah Yêhôva? Pôri, nau tông bâr jêng ueh lơn đah mpa ƀư brah, Ma nau iăt tĭng jêng ueh lơn đah ngi biăp nkuăng.