Nau Ngluh Êjipt 18:8 - Nau Brah Ndu Ngơi 2023

⁸ Y-Môis nkoch tay ma po păng lĕ rngôch nau Brah Yêhôva hŏ ƀư jêh ma Pharaôn jêh ri ma phung Êjipt yor phung Israel, lĕ rngôch nau hŏt rgănh tât ta ma khân păng rŏ trong, jêh ri mâm nau Brah Yêhôva tâm rklaih khân păng.

Nau Ngluh Êjipt 18:8 ပူးပေါင်းရင်းမြစ်များ

Nau Ntơm 44:34

Ngăn, mâm ƀư gâp dơi sĭt ma mbơ̆ gâp lah ndăm jê̆ nây mâu sĭt ôh ndrel ma gâp? Mâu, gâp mâu ŭch saơ ôh nau mhĭk tât ma mbơ̆ gâp!”

Nêhêmi 9:32

Pôri aƀaơ, hơi Brah Ndu hên, jêng Brah Ndu dŭt toyh, nơm brah, geh nau klach yơk, Djôt prăp nau tâm rnglăp jêh ri nuih n'hâm ueh, Dăn lơi uănh n'gơch nau rêh ni hŏ ăn tât ma hên, Ma phung hađăch, ma phung kôranh chiă uănh, ma phung kôranh ƀư brah, ma phung nơm mbơh lor, ma phung chô yau hên, Jêh ri ma lĕ rngôch phung ƀon lan Kôranh Brah tă bơh rnôk phung hađăch Asiri kŏ tât ta nar aơ.

Nau Mprơ Ơm 106:10

Păng tâm rklaih khân păng bơh ti phung tâm rmot ma khân păng, Jêh ri tâm chuai khân păng bơh ti phung rlăng.

Nau Mprơ Ơm 106:8

Nđâp tơlah pônây, Păng ăt tâm rklaih khân păng yor amoh Păng, Gay ma tâm mpơl nau brah Păng.

Nau Mprơ Ơm 107:2

Phung Brah Yêhôva tâm chuai jêh bơh ti phung rlăng Lah hom pônây;

Nau Mprơ Ơm 66:16

Ơ lĕ rngôch phung klach yơk mbah ma Brah Ndu, văch iăt hom, Gâp mra nkoch nau Păng ƀư jêh ma huêng gâp.

Nau Mprơ Ơm 81:7

“Tâm nau rêh ni, may kuăl pôri Gâp mra tâm rklaih may, Bơh ntŭk ndâp nglaih gŭ, Gâp mplơ̆ lah nau may. Jêh ri rlong uănh may ta dak n'hor Mêriba. (Sêla)

Nau Ngluh Êjipt 15:16

Nau klach jêh ri nau krit tât ma khân păng; Ơ Brah Yêhôva! Yor ti nau brah May, Khân păng jêng mlo nâm bu lŭ, kŏ tât phung ƀon lan May rgăn jêh; Kŏ tât phung ƀon lan May sâm chuai rgăn lăn jêh.

Nau Ngluh Êjipt 15:6

Ơ Brah Yêhôva! Ti ma May chrat ang nau rnam. Ơ Brah Yêhôva! Ti ma May ƀư rai jêh phung rlăng.

Nau Ngluh Êjipt 16:3

Phung ƀon lan Israel lah ma bar hê khân păng: “Ueh lơn hên khĭt ma ti Brah Yêhôva tâm n'gor Êjipt, nôk hôm gŭ dăch glah puăch jêh ri sa ƀănh kŏ hơm! Ƀiălah khân may njŭn tay hên lăp tâm bri rdah aơ gay ăn lĕ rngôch phung ƀon lan aơ khĭt nau ji ngot.”

Nau Ngluh Êjipt 18:1

Y-Jêtrô, kôranh ƀư brah Madian jêh ri jêng po Y-Môis, tăng lĕ rngôch nau Brah Ndu hŏ ƀư an jêh ma Y-Môis jêh ri ma phung Israel Păng tâm ban đŏng Păng ngluh jêh phung Israel luh bơh n'gor Êjipt.

Nau Ngluh Êjipt 2:25

Brah Ndu treng uănh phung ƀon lan Israel jêh ri gĭt nanê̆ ngăn nau tât ma khân păng.

Nau Ngluh Êjipt 23:23

Yorlah tông mpăr Gâp mra hăn panăp kon, njŭn kon mŭt tâm n'gor phung Amôrit, Hitit, Pêrisit, Kanaan, Hivit jêh ri Jêbusit; jêh ri Gâp mra ƀư rai lơi khân păng.

Nau Ngluh Êjipt 4:23

Rĭ dĭng Gâp lah ma may: Ăn kon Gâp hăn hom, gay ma păng dơi pah kan ma Gâp. Tơlah may dun mâu ăn ôh păng hăn, aơ, gâp mra nkhĭt kon bu klâu may deh dak bôk.’”

Nau Ngluh Êjipt 7:4

Pharaôn mâu mra iăt ôh nau khân may. Gâp mra yơr ti gay rmal n'gor Êjipt ma nau jâk jêr gay djôt leo phung tahan Gâp, jêng phung ƀon lan Israel, luh bơh n'gor nây.

Nau Ngluh Êjipt 7:5

Lah Gâp yơr ti tâm rdâng đah phung Êjipt gay djôt phung ƀon lan Israel luh bơh nây rĭ mơ phung Êjipt mra gĭt Gâp jêng Brah Yêhôva.”

Nau Kơp Bunuyh 20:14

Tă bơh Kadês, Y-Môis prơh phung mbơh hăn tâm mâp đah hađăch n'gor Êđôm, lah pô aơ: “Israel jêng oh hađăch, păng lah: Hađăch gĭt jêh lĕ nau rêh ni hŏ tât ma hên