Nau Ngluh Êjipt 18:4 - Nau Brah Ndu Ngơi 2023

⁴ jêh ri amoh du huê Y-Êliêser, yorlah păng lah: “Brah Ndu chô yau gâp jêng nau kơl gâp, hŏ rklaih jêh gâp bơh đao Pharaôn.”

Nau Ngluh Êjipt 18:4 ပူးပေါင်းရင်းမြစ်များ

Nau Ntơm 49:25

Brah Ndu mbơ̆ may mra kơl may; Nơm Geh Lĕ Nau Brah mra ăn nau ueh uĭn ma may, Jêng nau ueh lăng bơh klơ trôk jŭr, Nđâp nau ueh lăng bơh dak jru tâm dâng hao dŭl klơ, Nau ueh lăng bơh toh me jêh ri bơh rsok rtat.

I Nau Rêh Jêng 23:15

Phung kon Y-Môis jêng Y-Gersôm jêh ri Y-Êliêser.

I Nau Rêh Jêng 23:17

Tâm phung kon Y-Êliêse geh Y-Rêhabia jêng kôranh; Y-Êliêser mâu geh ôh phung kon bu klâu, ƀiălah Y-Rêhabia geh âk ngăn kon bu klâu.

Nau Mprơ Ơm 18:1

Ơ Brah Yêhôva, May jêng nau ktang gâp, Gâp rŏng ma May.

Nau Mprơ Ơm 18:48

Păng tâm rklaih gâp bơh phung rlăng gâp; Ngăn yơh, Kôranh Brah nhhơk gâp prêh lơn ma phung tâm rdâng đah gâp, Jêh ri tâm rklaih gâp bơh phung janh ƀai.

Nau Mprơ Ơm 34:4

Gâp joi dăn jêh ma Brah Yêhôva jêh ri Păng plơ̆ lah ma gâp, Tâm rklaih gâp bơh lĕ nau klach.

Nau Mprơ Ơm 46:1

Brah Ndu jêng ntŭk mbe krap jêh ri nau ktang hên, Păng kơl tâm lĕ nau rêh ni.

Nau Ngluh Êjipt 10:28

Pharaôn lah: “Du hom, lơi hôm ăn măt gâp saơ may! Njrăng hom, lơi hôm ôh uănh măt gâp, yorlah ta nar may saơ măt gâp may mra khĭt!”

Nau Ngluh Êjipt 2:15

Lah Pharaôn tăng nau nây, păng joi nkhĭt Y-Môis. Ƀiălah Y-Môis du bơh Pharaôn. Păng du ndĕ tâm n'gor Madian jêh ri gŭ êp ta du mlâm ntu dak.

Nau Ngluh Êjipt 2:22

H'Sêpôra deh du huê kon bu klâu jêh ri Y-Môis tâm amoh Y-Gersôm, yorlah păng lah: “Gâp gŭ njưh tâm n'gor bu năch.”

Nau Ngluh Êjipt 4:20

Y-Môis n'hao ur păng jêh ri phung kon bu klâu păng hao klơ ndŭr kơi seh bri jêh ri hăn trong plơ̆ sĭt ta n'gor Êjipt. Păng djôt đŏng tâm ti păng mâng jra Brah Ndu.

Daniel 6:22

Brah Ndu gâp njuăl jêh tông mpăr Păng tât jêh ri rdêp lơi mbung yau mŭr yor ri khân păng mâu ƀư mhĭk ma gâp ôh, yorlah tanăp măt Păng dơi kơp gâp jêng mâu geh nau tih ôh. Ơ hađăch, tanăp măt may tâm ban lĕ gâp mâu mâp ƀư tih ôh.”

Kôranh Oh Mon 12:11

Y-Pêtrôs kah gĭt jêh ri lah: “Aƀaơ aơ gâp gĭt n'hêl nanê̆ Kôranh Brah njuăl tông mpăr Păng hăn rklaih gâp bơh ti hađăch Hêrôt jêh ri bơh lĕ nau phung Yuđa kâp gân.”

Kôranh Oh Mon 7:29

Y-Môis tăng jêh nau nây pô ri nchuăt du jêh ri tât gŭ tâm n'gor Madian. Ta nây păng geh bar hê kon bu klâu.

II Timôthê 4:17

Ƀiălah Kôranh Brah dâk êp meng gâp jêh ri ăn nau dơi ma gâp, gay gâp dơi mbơh nkoch Nau Mhe Mhan Ueh tâm nau ƀư rĭng ma lĕ rngôch phung bu năch tăng, jêh ri gâp geh nau rklaih bơh trôm mbung yau mŭr.

ហេឞ្រើ 11:34

nhhât lơi jêh ŭnh hit, klaih bơh mpiăt đao, dơi đah nau ji, jêng janh ktang tâm nau tâm lơh, ƀư ăn phung tahan rlăng nchuăt du.

ហេឞ្រើ 13:6

Pôri, he dơi janh lah: “Kôranh Brah kơl gâp, gâp mâu mra klach ôh. Moh bunuyh dơi ƀư ma gâp.”