Nau Ngluh Êjipt 18:10 - Nau Brah Ndu Ngơi 2023

¹⁰ Y-Jêtrô lah: “Khư tâm rnê Brah Yêhôva, jêng Nơm hŏ tâm rklaih jêh khân may bơh ti phung Êjipt jêh ri ti Pharaôn, jêh ri rklaih đŏng phung ƀon lan bơh nau dơi phung Êjipt.

Nau Ngluh Êjipt 18:10 ပူးပေါင်းရင်းမြစ်များ

Nau Ntơm 14:20

Tâm rnê ma Brah Ndu Dŭt Prêh Nơm hŏ jao phung rlăng tâm ti may!” Y-Abram nhhơr ma hađăch du kô̆ tâm jât lĕ ndơ sŏk jêh.

Nau Ntơm 24:27

jêh ri lah: “Lah ueh ma Brah Yêhôva, jêng Brah Ndu Y-Abraham jêng kôranh gâp! May geh nau ueh mro jêh ri răp jăp đah kôranh gâp! Bi ma gâp, Brah Yêhôva hŏ njŭn leo trong gâp tât ta ngih oh nâu kôranh gâp.”

II Samuel 18:28

Y-Ahimas nter huy jêh ri mbơh ma hađăch: “Lĕ rngôch nau jêng ueh!” Jêh nây păng păn muh măt ta neh panăp hađăch, jêh ri lah tay: “Mât ton ma Yêhôva Brah Ndu hađăch, jêng Nơm hŏ rklaih ma hađăch luh bơh phung yơr ti tâm rdâng đah hađăch jêng kôranh gâp!”

I Phung Hađăch 8:15

Hađăch lah: “Tâm rnê ngăn ma Yêhôva Brah Ndu phung Israel, Nơm hŏ ton jêh ma Y-Đavit, mbơ̆ gâp, jêh ri sŏk ti Păng nơm ƀư tât di ngăn lĕ rngôch nau nây. Păng lah pô aơ:

I Phung Hađăch 8:56

“Mât ton ma Brah Yêhôva, Nơm ăn jêh ma phung ƀon lan Israel Păng geh nau rlu tĭng nâm lĕ rngôch nau Păng hŏ ntăm jêh! Tâm lĕ rngôch nau ton ueh Păng hŏ ntăm jêh ma Y-Môis, oh mon Păng, mâu geh ôh du bâr ngơi mâu hoch.

Nau Mprơ Ơm 41:13

Mât ton ma Brah Yêhôva Brah Ndu phung Israel, Ntơm bơh rnôk n'ho ro tât rnôk n'ho ro Amen! Amen!

Luka 1:68

“Tâm rnê ma Kôranh Brah, jêng Brah Ndu Israel, Yorlah Păng hŏ khâl jêh ri tâm chuai jêh phung ƀon lan Păng,

Êphêsô 1:3

Tâm rnê ma Brah Ndu, Mbơ̆ Kôranh Brah he jêng Brah Yêsu Krist, Păng ăn ma he tâm Brah Krist ăp ntil nau ueh maak tâm nau rêh huêng gŭ tâm lĕ ntŭk klơ trôk.

I Têsalônik 3:9

Mâm dĭng hên dơi tŏng nau gay lah ueh ma Brah Ndu yor khân may, ma lĕ rngôch nau răm maak bơh khân may hên geh tanăp Brah Ndu he?

I Pêtrôs 1:3

Mât ton ma Brah Ndu, Mbơ̆ Kôranh Brah he jêng Brah Yêsu Krist! Yor nuih n'hâm yô̆ nđach rmeh ler tă bơh Păng, phung he dơi deh mhe tay gay geh nau kâp gân rêh, yor nau dâk rêh tay Brah Yêsu Krist tă bơh nau khĭt,

I Samuel 15:6

Y-Sôl lah ma phung Kênit: “Du rŭch hom khân may, tâm nkhah hom luh bơh phung Amalek, klach lah gâp ƀư rai khân may nđâp ma khân păng. Yorlah khân may hŏ ƀư nau yô̆ ma lĕ rngôch phung Israel tơlah khân păng du luh tă bơh Êjipt.” Pônây, phung Kênit tâm nkhah luh bơh phung Amalek.

I Samuel 25:32

Y-Đavit lah ma H'Abigêl: “Tâm rnê ngăn ma Yêhôva Brah Ndu phung Israel, yorlah nar aơ Păng prơh hăn jêh ay hăn tât tâm mâp đah gâp!