Nau Ngluh Êjipt 17:6 - Nau Brah Ndu Ngơi 2023

⁶ Aơ, Gâp mra gŭ tanăp may, ta klơ lŭ tâm yôk Hôrep ri. Ăn may dong lŭ jêh ri dak mra hoch luh bơh lŭ nây, gay ma ăn phung ƀon lan nhêt.” Y-Môis ƀư kơt nây tanăp măt phung bu ranh Israel.

Nau Ngluh Êjipt 17:6 ပူးပေါင်းရင်းမြစ်များ

Nêhêmi 9:15

Tă bơh klơ trôk Kôranh Brah ăn jêh piăng let nôk khân păng ji ngot, Ƀư ăn lŭ rdŭl dak nôk khân păng ji hir, Ntăm khân păng lăp sŏk bri Kôranh Brah hŏ ton ăn jêh ma khân păng.

Nau Mprơ Ơm 105:41

Păng plah lŭ, dak luh dŭl ro Nâm bu du n'hor dak krong hoch tâm bri rdah.

Nau Mprơ Ơm 114:8

Nơm tâm rgâl lŭ klêr jêng dak nglau, Rgâl lŭ kranh jêng tu dak.

Nau Mprơ Ơm 46:4

Geh du n'hor dak krong, dak păng ƀư maak ma ƀon Brah Ndu, Jêng ntŭk kloh ueh, ntŭk gŭ Nơm Dŭt Prêh.

Nau Mprơ Ơm 74:15

May ăn n'hor dak jêh ri tu dak luh dak, Jêh ri ƀư ma lĕ dak krong toyh mra suăt sơh.

Nau Mprơ Ơm 78:18

Khân păng ndra ma rlong uănh Brah Ndu, Gay ma geh ndơ sông sa tĭng nâm khân păng ŭch.

Nau Mprơ Ơm 78:20

Nđâp tơlah Păng dong jêh lŭ toyh Ăn luh dak rdŭl luh jêng dak n'hor, Dơi lĕ Păng ăn ƀănh? Jêh ri ăn puăch ma phung ƀon lan Păng lĕ?”

Nau Mprơ Ơm 81:7

“Tâm nau rêh ni, may kuăl pôri Gâp mra tâm rklaih may, Bơh ntŭk ndâp nglaih gŭ, Gâp mplơ̆ lah nau may. Jêh ri rlong uănh may ta dak n'hor Mêriba. (Sêla)

Nau Ngluh Êjipt 14:16

Bi may, djôt leo hom mâng jra, nto ti may ta klơ n'ha dak mƀŭt jêh ri tâm nkhah dak bar ding gay ma phung ƀon lan Israel hăn ta neh sơh rgăn dak mƀŭt.

Nau Ngluh Êjipt 16:10

Dôl Y-Arôn hôm ngơi ma lĕ rngôch phung Israel tâm rƀŭn, khân păng uănh mpeh let bri rdah jêh ri saơ ro nau chrêk ma lơp Brah Yêhôva tâm mpơl tâm ndâr tŭk.

Êsai 48:21

Lah Păng njŭn khân păng găn bri rdah, khân păng mâu ji hir ôh; Yorlah Păng hŏ ăn dak hoch luh ma khân păng bơh lŭ toyh, Păng rlah lŭ toyh, jêh ri dak hoch luh du padih.

Nau Kơp Bunuyh 20:8

“Sŏk hom mâng, jêh nây may jêh ri nâu may jêng Y-Arôn kuăl rgum phung tâm rƀŭn. Ngơi hom ma lŭ toyh tanăp măt phung tâm rƀŭn gay ma păng luh dak. May mra ƀư ăn dak luh tă bơh lŭ toyh hoch ăn phung tâm rƀŭn jêh ri mpô mpa rong khân păng nhêt.”

Yôhan 4:10

Brah Yêsu plơ̆ lah: “Tơlah ay gĭt ndơ Brah Ndu ăn, jêh ri Păng dôl ngơi đah ay: ‘Ăn Gâp dăn nhêt dak’ jêng mbu nơm pôri n'hêl nanê̆ ay mra vơl dăn ma Păng, jêh ri Păng mra ăn dak rêh ma ay.”

Yôhan 4:14

ƀiălah mbu nơm nhêt dak Gâp mra ăn, mâu hôm ji hir đŏng ôh. Dak Gâp ăn mra plơ̆ jêng tu dak tâm bunuyh nây, bêng ler tât nau rêh n'ho ro.”

I Kôrintô 10:4

lĕ rngôch khân păng nhêt ndrel du ndơ nhêt brah; yorlah khân păng nhêt jêh dak ta lŭ toyh nau brah hăn ndrel ma khân păng; lŭ toyh nây jêng Brah Krist.

Nau Vay Nkah Tay 1:2

Geh jât ma nguay nar hăn tă bơh Hôrep rŏ trong yôk Sêir tât ta Kadês Barnê.

Nau Vay Nkah Tay 8:15

Păng hŏ njŭn leo jêh khân may hăn rgăn bri rdah dŭt toyh dŭt krit kir, nkual neh nđang mâu geh dak, bêng ma bêh ŭnh jêh ri ndŭr vơng. Păng ƀư ăn dak luh bơh lŭ kranh ngăn hoch ma khân may.

Nau Tâm Mpơl 22:17

Brah Huêng Ueh jêh ri Ƀăn lah ndrel: “Văch hom!” Mbu nơm tăng lah đŏng: “Văch hom!” Mbu nơm ji hir, văch hom! Mbu nơm ŭch, văch hom jêh ri sŏk dơn dak nau rêh ăn dơm dam.