Nau Ngluh Êjipt 17:14 - Nau Brah Ndu Ngơi 2023

¹⁴ Brah Yêhôva lah ma Y-Môis: “Nchih hom nau aơ tâm ndrom samƀŭt gay ma ndray jêh ri nkoch ăn ma Y-Yôsuê gĭt nau aơ Gâp mra jut lĕ nau ndray ma phung Amalek tâm neh ntu aơ.”

Nau Ngluh Êjipt 17:14 ပူးပေါင်းရင်းမြစ်များ

II Samuel 1:1

Jêh Y-Sôl khĭt, Y-Đavit hŏ dơi jêh đah phung Amalek lĕ plơ̆ sĭt jêh ri gŭ ta Siklak bar nar.

II Samuel 8:12

Phung Aram, phung Môap, phung Ammôn, phung Philistin, jêh ri phung Amalek, jêh ri păng ƀư tâm ban lĕ ndô ndơ sŏk gro bơh Y-Hadadêser kon bu klâu Y-Rêhôp hađăch n'gor Sôba.

I Nau Rêh Jêng 4:42

Pakơi taơ, tâm noi deh Simêôn geh prăm rhiăng bunuyh hăn hao tât yôk Sêir; phung kôranh chiă uănh khân păng jêng Y-Pêlatia, Y-Nêaria, Y-Rêphaya, jêh ri Y-Usiêl, nây jêng phung kon bu klâu Y-Isi.

I Nau Rêh Jêng 4:43

Khân păng ƀư rai phung Amalek rklaih hôm e klen, jêh nây khân păng gŭ ta nây tât ma nar aơ.

Êsra 9:14

pôri mâm hên hôm ƀư tih lĕ nau vay ntăm bơh Kôranh Brah, gŭ sai ur jêh đah lĕ phung ntil mpôl bunuyh tĭng lĕ ndô̆ nau vay ƀơ̆ ƀơch aơ? Nau ji nuih bơh Kôranh Brah mâu mra nkhŭt ma hên, ƀư rai lơi hên kŏ tât mâu hôm klen đŏng ôh mâu lah nchuăt klaih lĕ?

Ndrom Samƀŭt bơh Yôp 18:17

Nau ndray tâm n'gor păng mâu mra hôm ôh, Padih n'gor amoh săk năm deh păng mâu geh ôh bunuyh nkah tay.

Ndrom Samƀŭt bơh Yôp 19:23

Ơ! Ŭch ma lĕ nau gâp ngơi dơi nchih tay, Dơi nchih tâm ndrom samƀŭt!

Nau Mprơ Ơm 9:6

Lĕ phung rlăng bu hŏ ƀư rai n'ho ro jêh; Kôranh Brah ƀư rlâm ƀon khân păng; Nau ndray kah gĭt ma khân păng ăt rai lôch jêh.

Nau Ngluh Êjipt 12:14

Nau aơ mra jêng du nau ndray ma khân may. Tâm lĕ rngôch rô̆ ăn khân may mât păng tâm ban du nar rƀŭn ma Brah Yêhôva, jêng nau ntăm djôt prăp n'ho ro.

Nau Ngluh Êjipt 13:9

Jêh ri mpeh ma khân may, nây mra jêng nâm bu du nau mbên ta ti khân may, du nau ndray ta vah vang bar ding măt khân may gay ma nau vay bơh Brah Yêhôva gŭ tâm trôm mbung khân may; yorlah Brah Yêhôva hŏ dŏng ti nau brah gay leo khân may du luh bơh n'gor Êjipt.

Nau Ngluh Êjipt 17:13

Y-Yôsuê sŏk đao dơi lơh hađăch Amalek jêh ri phung ƀon lan păng.

Nau Ngluh Êjipt 24:4

Y-Môis nchih tay lĕ nau ngơi Brah Yêhôva. Păng dâk ơm ôi, ndâk du mlâm nơng ƀư brah ta jâng yôk jêh ri ndâk jât ma bar n'gâng lŭ tâm ban ma jât ma bar ndŭl mpôl phung Israel.

Nau Ngluh Êjipt 32:33

Brah Yêhôva lah ma Y-Môis: “Mbu nơm ƀư tih jêh tâm rdâng đah Gâp, Gâp mra jut lơi păng bơh ndrom samƀŭt Gâp.

Nau Ngluh Êjipt 34:27

Brah Yêhôva ngơi đŏng Y-Môis: “Nchih hom nau aơ yorlah bơh nâm lĕ nau ngơi aơ dĭng Gâp ƀư nau tâm rnglăp đah may jêh ri đah phung Israel.”

Nau Hôr 10:7

Nau ndray ma bunuyh sŏng srăng geh nau tâm rnê, Bi amoh phung djơh mhĭk mra ôm rai.

Yêrêmi 30:2

“Yêhôva Brah Ndu Israel lah: ‘Nchih hom lĕ rngôch nau gâp ngơi ma may ta du drôm samƀŭt.’

Yêrêmi 36:2

“May sŏk hom du ndrom samƀŭt jêh ri nchih ta nây lĕ rngôch nau Gâp hŏ lah jêh đah may ma phung Israel, phung Yuđa, jêh ri ma lĕ rngôch bri dak, ntơm bơh nar Gâp lah jêh ma may bơh rnôk Y-Jôsia kŏ tât nar aơ.

Nau Kơp Bunuyh 24:20

Y-Balaam saơ ma phung ƀon lan Y-Amalek jêh ri ngơi mpơl lor pô aơ: “Amalek jêng mrô nguay tâm lĕ bri dak, Ƀiălah nau lôch dŭt păng mra rai lôch lĕ.”

Nau Kơp Bunuyh 33:2

Y-Môis tông bâr nau ntăm Brah Yêhôva nchih tay nau hăn trong phung ƀon lan tĭng ăp trong. Jêh ri aơ jêng lĕ ăp trong nkoch tĭng nâm lĕ ntŭk ntơm hăn:

Nau Vay Nkah Tay 31:9

Y-Môis nchih jêh nau vay aơ jêh ri jao ăn ma phung kôranh ƀư brah phung kon sau Lêvi, jêng phung tung Hip Nau Tâm Rnglăp Brah Yêhôva, tâm ban đŏng jao ăn ma lĕ rngôch phung kôranh bu ranh Israel.

Yôsuê 4:7

khân may plơ̆ lah hom pô aơ: Dak ta dak krong Yurdan suăt tăch grăl tanăp Hip Nau Tâm Rnglăp Brah Yêhôva. Lah Hip Nau Tâm Rnglăp rgăn dak krong Yurdan dak krong tâm rnglah jêh ri lĕ rplay lŭ aơ jêng ndơ ndray n'ho ro ma phung ƀon lan Israel.”

I Samuel 15:18

Brah Yêhôva prơh jêh may hăn nđâp ma nau ntăm: ‘Hăn hom, ƀư rai lĕ rngôch phung tih mhĭk nây, jêng phung Amalek, jêh ri tâm lơh đah khân păng kŏ tât nôk may ƀư rai lĕ khân păng.’

I Samuel 30:1

Pe nar pakơi nĕ, tơlah Y-Đavit jêh ri phung tĭng ndô̆ păng hŏ tât jêh ta Siklak, phung Amalek hŏ lăp lơh jêh nkual Nêgep jêh ri ƀon Siklak, rduh lăp su ƀon Siklak ma ŭnh.

I Samuel 30:17

Y-Đavit lơh nkhĭt khân păng ntơm bơh ƀhit ang ôi nar nây kŏ tât kêng măng nar ôi taơ. Knŏng phung ndăm puăn rhiăng nuyh ncho seh samô lĕ nchuăt du, ƀaƀă mâu geh du huê dơi klaih ôh.