Nau Ngluh Êjipt 16:7 - Nau Brah Ndu Ngơi 2023

⁷ jêh ri ôi taơ, khân may mra saơ nau chrêk ma lơp Brah Yêhôva, yorlah Păng hŏ tăng jêh nau khân may nduyh Păng. Bi hên mbu nơm jêng, dĭng khân may nduyh ma hên?”

Nau Ngluh Êjipt 16:7 ပူးပေါင်းရင်းမြစ်များ

Nau Ngluh Êjipt 16:10

Dôl Y-Arôn hôm ngơi ma lĕ rngôch phung Israel tâm rƀŭn, khân păng uănh mpeh let bri rdah jêh ri saơ ro nau chrêk ma lơp Brah Yêhôva tâm mpơl tâm ndâr tŭk.

Nau Ngluh Êjipt 16:12

“Gâp hŏ tăng jêh nau phung ƀon lan Israel nduyh. Yor ri, ăn may lah ma khân păng pô aơ: ‘Kêng mhaơ khân may mra sa puăch, kêng ôi khân may mra sa piăng let kŏ tât hơm; jêh ri khân may mra gĭt Gâp jêng Yêhôva Brah Ndu khân may.’”

Nau Ngluh Êjipt 16:8

Y-Môis lah: “Mhaơ aơ Brah Yêhôva mra ăn puăch ma khân may sa, jêh ri kêng ôi ăn piăng let mra rmeh ler yorlah Brah Yêhôva hŏ tăng jêh nau khân may nduyh Păng. Bi ma hên mbu jêng? Mâu di ma hên ôh khân may nduyh, ƀiălah nduyh ma Brah Yêhôva ya.”

Nau Ngluh Êjipt 24:10

khân păng saơ Brah Ndu Israel. Tâm dâng jâng Păng geh du ntil ndơ tâm ban ma du ndơl lŭ saphir rsang nâm bu trôk nđôch.

Nau Ngluh Êjipt 24:16

Nau chrêk ma lơp Brah Yêhôva gŭ klơ yôk Sinai. Tâm prao nar, tŭk nkŭm yôk; tât nar tal pơh Brah Yêhôva kuăl Y-Môis tă bơh nklang ndâr tŭk.

Nau Ngluh Êjipt 40:34

Jêh nây geh du ndâr tŭk nkŭm Ngih Bok Nau Tâm Rƀŭn jêh ri nau chrêk rmah Brah Yêhôva bêng Ngih Bok.

Êsai 35:2

Păng mra geh kao âk jêh ri hâk maak, Răm maak ma nau mprơ. Bu mra ăn ma păng nau chrêk rmah bri Liban, Nđâp ma nau ueh yôk Karmel jêh ri bri Sarôn. Khân păng mra saơ nau chrêk rmah Brah Yêhôva Jêh ri nau chrêk rmah Brah Ndu he.

Êsai 40:5

Aƀaơ, nau chrêk rmah Brah Yêhôva mra tâm mpơl, Jêh ri lĕ rngôch bunuyh mra saơ da dê nau nây, Yorlah Brah Yêhôva hŏ ngơi jêh nau nây.”

Kan Lêvi 9:6

Y-Môis lah: “Aơ jêng nau Brah Yêhôva ntĭnh ntăm jêh ăn ma khân may ƀư gay nau chrêk rmah Brah Yêhôva mra tâm mpơl ma khân may.”

Nau Kơp Bunuyh 14:10

Nôk nây lĕ rngôch phung tâm rƀŭn ŭch klŭp khân păng ma lŭ, ƀiălah nau chrêk rmah Brah Yêhôva tâm mpơl tanăp măt phung ƀon lan Israel.

Nau Kơp Bunuyh 14:27

“Ndah hŏ jŏ phung tâm rƀŭn janh ƀai aơ ăt njang mbung đah Gâp? Gâp hŏ tăng jêh nau phung ƀon lan Israel njang mbung, ngơi ƀrôk Gâp.

Nau Kơp Bunuyh 16:11

Yor ri, may jêh ri lĕ rngôch phung hăn tĭng ma may rgum gay ŭch tâm rdâng đah Brah Yêhôva! Mbu Y-Arôn jêng kŏ tât khân may ngơi ƀrôk tâm rdâng đah păng?”

Nau Kơp Bunuyh 16:42

Tơlah phung ƀon lan dôl tâm rƀŭn ŭch tâm rdâng đah Y-Môis jêh ri Y-Arôn, phung tâm rƀŭn uănh ma Ngih Bok Nau Tâm Rƀŭn, saơ ndâr tŭk nkŭm Ngih Bok jêh ri nau chrêk rmah Brah Yêhôva tâm mpơl.

Nau Kơp Bunuyh 17:5

Tơlah mâng jra bunuyh Gâp săch, mâng păng mra luh kao. Kơt nĕ, Gâp mra ƀư mlo lĕ nau ngơi ƀrôk phung ƀon lan Israel tâm rdâng đah may.”

Yôhan 11:4

Ƀiălah dôl Brah Yêsu tăng nau nây Păng lah: “Nau ji nây mâu ir tât khĭt ôh, ƀiălah gay geh nau chrêk rmah ma Brah Ndu, gay ma Kon Brah Ndu geh nau tâm rnê yor nau nây.”

Yôhan 11:40

Brah Yêsu lŏ lah: “Gâp mâu hŏ mâp lah ma ay hĕ, lah ay chroh mra saơ nau chrêk rmah Brah Ndu?”