Nau Ngluh Êjipt 16:6 - Nau Brah Ndu Ngơi 2023

⁶ Pôri Y-Môis jêh ri Y-Arôn lah ma lĕ rngôch phung ƀon lan Israel: “Mhaơ aơ, khân may mra gĭt năl Brah Yêhôva hŏ njŭn leo khân may luh bơh n'gor Êjipt;

Nau Ngluh Êjipt 16:6 ပူးပေါင်းရင်းမြစ်များ

Nau Mprơ Ơm 77:20

May dŏng ti Y-Môis jêh ri Y-Arôn Gay ma njŭn leo phung ƀon lan May nâm bu du phung biăp.

Nau Mprơ Ơm 81:11

Ƀiălah phung ƀon lan Gâp mâu iăt bâr Gâp, Phung Israel mâu tông bâr Gâp ôh.

Nau Ngluh Êjipt 12:51

Nar nây ro, Brah Yêhôva leo phung ƀon lan Israel du luh bơh n'gor Êjipt tĭng nâm ndŭl mpôl.

Nau Ngluh Êjipt 16:3

Phung ƀon lan Israel lah ma bar hê khân păng: “Ueh lơn hên khĭt ma ti Brah Yêhôva tâm n'gor Êjipt, nôk hôm gŭ dăch glah puăch jêh ri sa ƀănh kŏ hơm! Ƀiălah khân may njŭn tay hên lăp tâm bri rdah aơ gay ăn lĕ rngôch phung ƀon lan aơ khĭt nau ji ngot.”

Nau Ngluh Êjipt 16:8

Y-Môis lah: “Mhaơ aơ Brah Yêhôva mra ăn puăch ma khân may sa, jêh ri kêng ôi ăn piăng let mra rmeh ler yorlah Brah Yêhôva hŏ tăng jêh nau khân may nduyh Păng. Bi ma hên mbu jêng? Mâu di ma hên ôh khân may nduyh, ƀiălah nduyh ma Brah Yêhôva ya.”

Nau Ngluh Êjipt 32:1

Lah phung ƀon lan saơ Y-Môis gŭ ta klơ yôk jŏ ngăn ê hŏ trŭnh, khân păng rƀŭn ndrel jŭm Y-Arôn jêh ri ngơi: “Kay lŏng! Ăn may ƀư ma he lĕ phung brah hăn panăp he, yorlah phung hên mâu gĭt ôh moh nau hŏ tât ma Y-Môis, nơm hŏ ngluh jêh he luh bơh n'gor Êjipt.”

Nau Ngluh Êjipt 32:11

Y-Môis kuăl vơl ma Yêhôva Brah Ndu păng: “Ơ Brah Yêhôva, mâm ƀư Brah Ndu hao nau ji nuih đah phung ƀon lan May, jêng phung ƀon lan May hŏ dŏng nau brah dŭt toyh jêh ri ti nau dăng ngluh khân păng luh bơh n'gor Êjipt?

Nau Ngluh Êjipt 32:7

Brah Yêhôva lah ma Y-Môis: “Jŭr hom, yorlah phung ƀon lan may ngluh jêh bơh n'gor Êjipt hŏ mhĭk jêh.

Nau Ngluh Êjipt 6:6

Yor nây, ăn may lah ma phung ƀon lan Israel: ‘Gâp jêng Brah Yêhôva, Gâp mra djôt khân may luh bơh kan jâk phung Êjipt jêh ri rklaih khân may bơh nau ƀư dĭk. Gâp mra yơr ti sŏng, dŏng nau phat dôih jâk jêr gay tâm chuai khân may.

Nau Ngluh Êjipt 6:7

Gâp mra dơn khân may jêng phung ƀon lan Gâp, jêh ri Gâp mra jêng Brah Ndu khân may. Khân may mra gĭt Gâp jêng Yêhôva Brah Ndu khân may, Nơm hŏ djôt khân may luh bơh kan jâk jêr tă bơh phung Êjipt.

Nau Kơp Bunuyh 16:28

Y-Môis lah: “Yor nau aơ, khân may mra gĭt năl ma Brah Yêhôva geh njuăl gâp ƀư lĕ kan aơ, jêh ri mâu di tĭng nâm gâp nơm ŭch ôh.

Nau Kơp Bunuyh 16:30

Ƀiălah tơlah Brah Yêhôva ƀư du nau mhe; tơlah neh hă mbung păng jêh ri rvăn khân păng ndrel ma lĕ rngôch ndơ prăp ma khân păng, jêh nây tơlah khân păng hôm dôl rêh ƀiălah hăn jŭr tâm ƀon phung khĭt, pôri khân may mra gĭt ma phung aơ hŏ ngơi jêh sưr ma Brah Yêhôva.”