Nau Ngluh Êjipt 16:4 - Nau Brah Ndu Ngơi 2023

⁴ Brah Yêhôva lah ma Y-Môis: “Aơ, gay rlong uănh khân păng hăn tĭng nau trŭnh Gâp mâu lah mâu. Gâp mra ăn piăng let bơh trôk nâm bu tŭp dak mih ma khân may jêh ri ăp nar, ăn phung ƀon lan mra hăn dônh piăng let tŏng ma nar nây.

Nau Ngluh Êjipt 16:4 ပူးပေါင်းရင်းမြစ်များ

Nêhêmi 11:23

Geh đŏng nau ntrŭnh tă bơh hađăch tât ma phung mprơ, jêh ri lĕ tâm nal nau kan ăp nar ma khân păng.

Nêhêmi 9:15

Tă bơh klơ trôk Kôranh Brah ăn jêh piăng let nôk khân păng ji ngot, Ƀư ăn lŭ rdŭl dak nôk khân păng ji hir, Ntăm khân păng lăp sŏk bri Kôranh Brah hŏ ton ăn jêh ma khân păng.

Nêhêmi 9:20

Kôranh Brah hŏ ăn jêh Brah Huêng ueh bơh Kôranh Brah, gay ntĭm nti khân păng. Kôranh Brah mâu dun ăn mana ma trôm mbung khân păng jêh ri ăn dak nhêt nôk khân păng ji hir.

Nau Mprơ Ơm 105:40

Tơlah khân păng dăn, Yêhôva ăn phung sĭm gôi văch, Jêh ri sŏk ƀănh bơh trôk ăn păng sa hơm raơm.

Nau Mprơ Ơm 78:23

Ƀiălah, Păng ntăm ăn ma lĕ ndâr tŭk prêh ta klơ Jêh ri pơk lĕ mpông ta klơ trôk,

Nau Ngluh Êjipt 15:25

Y-Môis kuăl dăn ma Brah Yêhôva. Brah Yêhôva ntĭm ma păng du n'gâng tơm si, păng nklăch tơm si nây tâm dak jêh ri dak jêng ueh. Ta aơ Brah Yêhôva ăn jêh nau vay dăp jêh ri nau vay dăp ma phung ƀon lan, jêh ri ta aơ đŏng Brah Yêhôva rlong uănh nuih n'hâm khân păng.

Nau Ngluh Êjipt 16:15

Saơ kơt nây, phung ƀon lan Israel tâm ôp ndrăng nơm: “Moh ndơ nây?” Yorlah khân păng mâu gĭt ôh moh ndơ nây jêng. Y-Môis lah ma phung ƀon lan: “Ndơ nây jêng piăng let Brah Yêhôva ăn ma khân may gay ƀư ndơ sa.”

Nau Hôr 30:8

Dăn ăn nau mhĭk jêh ri nau mƀruh du ngai đah gâp; Lơi ăn gâp o ach mâu lah kuăng ndrŏng, Dăn ăn gâp ndơ sông sa tŏng ma dŏng;

Mathay 6:11

Ăn ma hên ndơ sông sa nar aơ ăn tŏng;

Luka 11:3

Dăn ăn ma hên ndơ sông sa moh nar tŏng ma nar nây.

I Kôrintô 10:3

lĕ rngôch khân păng sa ndrel du ntil ndơ sông sa brah;

Nau Vay Nkah Tay 8:16

Tâm bri rdah Păng ăn ma khân may sa mana, ndơ sa phung chô yau khân may ê hŏ tă gĭt ôh, gay ma khân may dơn nau rêh ni ji ngot jêh ri nau rlong uănh, gay nglĕ dŭt ăn ma nau ueh uĭn ma khân may.

Nau Vay Nkah Tay 8:2

Ăn khân may kah gĭt tay tâm du njăr trong tâm bri rdah Yêhôva Brah Ndu hŏ njŭn leo khân may hăn puăn jât năm aơ, Păng n'hŭch khân may jêh ri rlong uănh khân may gay gĭt rah vah tâm nuih n'hâm khân may, gĭt lah geh djôt prăp nau vay Păng ntăm mâu lah mâu.

Yôsuê 24:15

Tơlah khân may mâu ŭch pah kan ma Brah Yêhôva ôh, nar aơ săch hom ma mbu nơm khân may ŭch pah kan, mâu lah phung brah phung chô yau khân may hŏ pah kan jêh ta kơh đah ri dak krong, mâu lah brah phung Amôrit tâm bri khân may gŭ. Ƀiălah gâp jêh ri phung tâm ngih gâp mra pah kan ma Brah Yêhôva.”