Nau Ngluh Êjipt 16:34 - Nau Brah Ndu Ngơi 2023

³⁴ Y-Arôn n'gân glah nây panăp Rlat Nau Tâm Rnglăp gay prăp păng tĭng nâm nau Brah Yêhôva hŏ ntĭnh ma Y-Môis.

Nau Ngluh Êjipt 16:34 ပူးပေါင်းရင်းမြစ်များ

I Phung Hađăch 8:9

Tâm Hip Nau Tâm Rnglăp mâu geh du ndô ndơ êng ôh knŏng bar plơp lŭ Y-Môis hŏ n'gân tâm nây dôl hôm gŭ ta Hôrep, jêng ntŭk Brah Yêhôva hŏ ƀư nau tâm rnglăp đah phung Israel, dôl khân păng mhe du luh bơh Êjipt.

Nau Ngluh Êjipt 25:16

Ăn may dơm tâm trôm hip Nau Tâm Rnglăp Gâp mra ăn ma may.”

Nau Ngluh Êjipt 25:21

Ăn may dơm ndrŭp nau yô̆ ta klơ hip jêh ri dơm tâm trôm nây Rlat Nau Tâm Rnglăp Gâp mra ăn ma may.

Nau Ngluh Êjipt 27:21

Tâm Ngih Bok Nau Tâm Rƀŭn mpeh padih bok panăp Hip Nau Tâm Rnglăp, Y-Arôn jêh ri phung kon bu klâu păng mra mât mray ŭnh kađen ăn ang mro tanăp Brah Yêhôva ntơm bôk măng tât ôi. Aơ mra jêng nau vay dăp n'ho ro ma lĕ rnôk rô̆ phung ƀon lan Israel.”

Nau Ngluh Êjipt 30:36

May sŏk djê̆ jêh ri juh jêng rnih jêh nây dơm panăp Hip Nau Tâm Rnglăp tâm Ngih Bok Nau Tâm Rƀŭn ta ntŭk Gâp mra tâm mâp đah khân may. Ndơ ƀâu kah aơ mra jêng kloh ueh ngăn ma khân may.

Nau Ngluh Êjipt 30:6

Ăn may n'gân nơng ƀư brah panăp bok nkŭm Hip Nau Tâm Rnglăp, tâm tra đah ndrŭp nau yô̆ gŭ ta klơ Nau Tâm Rnglăp, ntŭk Gâp mra tâm mâp đah may.

Nau Ngluh Êjipt 31:18

Lôch jêh ngơi đah Y-Môis ta yôk Sinai, Brah Yêhôva ăn ma păng bar Rlat Nau Tâm Rnglăp ma lŭ tă bơh nglau ti Brah Ndu nchih.

Nau Ngluh Êjipt 38:21

Aơ jêng rnoh kơp lĕ ndơ dŏng ma Ngih Bok, jêng Ngih Bok Nau Tâm Rnglăp, kơp tĭng nâm nau vay ntăm Y-Môis ntĭnh ăn ma phung Lêvi, tĭng nâm Y-Ithamar gai, păng jêng kon bu klâu kôranh ƀư brah Y-Arôn.

Nau Ngluh Êjipt 40:20

Păng sŏk Rlat Nau Tâm Rnglăp dơm tâm hip, nsro mâng tung, dơm ndrŭp nau yô̆ ta klơ

Nau Kơp Bunuyh 1:50

ƀiălah ntĭm hom ma phung Lêvi chiă uănh Ngih Bok Nau Tâm Rnglăp, lĕ rngôch ndơ dŏng jêh ri lĕ rngôch ndơ dŏng prăp tâm Ngih Bok nây. Khân păng mra trơn Ngih Bok jêh ri lĕ rngôch ndơ ta nây, tâm ban đŏng mât uănh jêh ri ndâk ngih bok gŭ jŭm Ngih Bok.

Nau Kơp Bunuyh 1:53

Ƀiălah phung Lêvi mra ndâk ngih bok gŭ jŭm Ngih Bok Nau Tâm Rnglăp gay nau ji nuih mâu nkhŭt ta phung ƀon lan Israel tâm rƀŭn. Phung Lêvi mra djôt kan chiă uănh Ngih Bok Nau Tâm Rnglăp.

Nau Kơp Bunuyh 17:10

Brah Yêhôva lah ma Y-Môis: “Sŏk tay hom mâng jra Y-Arôn dơm tay panăp Hip Nau Tâm Rnglăp gay prăp jêng du nau tâm mbên mbơh ma nau tâm rdâng. Ăn may ƀư mlo lĕ nau ngơi ƀrôk khân păng tâm rdâng đah Gâp, klach lah khân păng khĭt.”

Nau Vay Nkah Tay 10:5

Gâp jŭr sĭt bơh yôk jêh ri dơm bar plơp lŭ nây tâm hip gâp ƀư jêh; bar plơp nây hôm gŭ tĭng nâm Brah Yêhôva ntĭnh jêh ma gâp.”