Nau Ngluh Êjipt 15:6 - Nau Brah Ndu Ngơi 2023

⁶ Ơ Brah Yêhôva! Ti ma May chrat ang nau rnam. Ơ Brah Yêhôva! Ti ma May ƀư rai jêh phung rlăng.

Nau Ngluh Êjipt 15:6 ပူးပေါင်းရင်းမြစ်များ

Nau Mprơ Ơm 17:7

Ơ Nơm tâm rklaih mbu nơm gŭ nde krap tâm ti ma May, Klaih bơh phung rlăng khân păng, Dăn tâm mpơl nau ueh khlay ngăn ngên May.

Nau Mprơ Ơm 2:9

Kon dŏng mâng tăk jra loih mbang nchah khân păng, Ƀư khân păng nchah lơi nâm bu yăng neh chah rai.”

Nau Mprơ Ơm 24:8

Mbu jêng hađăch chrêk rmah aơ? Aơ jêng Brah Yêhôva yơh bêng nau ktang jêh ri nau brah, Brah Yêhôva ktang tâm nau tâm lơh.

Nau Mprơ Ơm 44:3

Yorlah mâu yor ma đao khân păng dơi geh n'gor, Mâu lĕ yor ma ti khân păng dơi jêh, Ƀiălah yor ti ma May, Nting tur ti jêh ri ma nau ang muh măt May yơh, Yorlah May rŏng ma khân păng.

Nau Mprơ Ơm 44:4

May yơh jêng Hađăch jêh ri Brah Ndu gâp. Dăn ăn nau ntrŭnh tâm rklaih ma Yakôb.

Nau Mprơ Ơm 60:5

Gay ma nơm May rŏng dơi geh nau tâm rklaih. Dăn May mplơ̆ lah nau hên dăn jêh ri sŏk ti ma May tâm rklaih hên.

Nau Mprơ Ơm 74:11

Mâm ƀư May rhuăt lơi ti, nây jêng ti ma May? Ăn yơr hom ti jêh ri ƀư rai lơi khân păng!

Nau Mprơ Ơm 77:10

Gâp lah, “Nau rêh ni gâp jêng: Ti ma Nơm Dŭt Prêh hŏ rgâl jêng.”

Nau Mprơ Ơm 89:14

Nau sŏng srăng jêh ri nau di jêng ntur ma sưng hađăch May; Nau ueh jêh ri nau nanê̆ ngăn hăn tanăp May.

Nau Mprơ Ơm 98:1

Mprơ hom ma Brah Yêhôva nau mprơ mhe, Yorlah Păng ƀư jêh nau mbên khlay. Ti ma jêh ri nting tur kloh ueh Păng Djôt jêh nau dơi ma Păng.

Nau Ngluh Êjipt 15:11

Ơ Brah Yêhôva! Tâm phung brah, mbu moh jêng tâm ban ma May? Mbu dơi jêng nâm bu May, chrêk rmah tâm nau kloh ueh, Khư ma nau klach yơk jêh ri tâm rnê, Ƀư lĕ nau kan khlay ir?

Nau Ngluh Êjipt 15:12

May nto jêh ti ma may, Neh hŏ rvăn jêh khân păng.

Nau Ngluh Êjipt 15:16

Nau klach jêh ri nau krit tât ma khân păng; Ơ Brah Yêhôva! Yor ti nau brah May, Khân păng jêng mlo nâm bu lŭ, kŏ tât phung ƀon lan May rgăn jêh; Kŏ tât phung ƀon lan May sâm chuai rgăn lăn jêh.

Nau Ngluh Êjipt 18:8

Y-Môis nkoch tay ma po păng lĕ rngôch nau Brah Yêhôva hŏ ƀư jêh ma Pharaôn jêh ri ma phung Êjipt yor phung Israel, lĕ rngôch nau hŏt rgănh tât ta ma khân păng rŏ trong, jêh ri mâm nau Brah Yêhôva tâm rklaih khân păng.

Nau Ngluh Êjipt 3:20

Yor ri, Gâp mra yơr ti rmal n'gor Êjipt đah lĕ nau mbên mha Gâp mra ƀư tâm n'gor nây, jêh nây khân păng mra ăn khân may hăn.

Nau Ngluh Êjipt 6:1

Brah Yêhôva lah ma Y-Môis: “Aƀaơ may mra saơ lĕ nau Gâp mra ƀư ma Pharaôn. Nanê̆, yor tă bơh mpang ti nau brah Gâp, hađăch nây mra ăn phung Israel hăn luh; yor tă bơh mpang ti nau brah Gâp, hađăch nây mra mprơh khân păng luh bơh n'gor păng.”

Êsai 30:14

Păng mra nchah hăch tâm ban ma glah uk bu nchah lơi ăn hăch, Nchah hăch jêng âk rngơl mâu nhhuach ôh; Kŏ tât bu mâu dơi joi du rsong uk ôh Gay ŭch sŏk ŭnh bơh năk, Mâu lah bâk dak bơh nglau.”

Êsai 51:9

Ơ nting tur Brah Yêhôva Kah rngăl hom, kăl rngăl hom, nsoh hom nau ktang! Kah rngăl hom tâm ban ma rnôk kăl e Tâm ban ma rnôk saơm! Mâu di hĕ May yơh hŏ koh hăch Rahap, Nơm ntâp jêh mpa djơh dak mƀŭt?

Êsai 52:10

Brah Yêhôva tâm mpơl jêh nting tur kloh ueh Păng Tanăp măt lĕ rngôch bri dak; Lĕ rngôch dŭt bri dŭt neh Saơ da dê nau Brah Ndu he tâm rklaih!

Êsai 63:12

Nơm ƀư ăn ti nau chrêk rmah Păng Hăn pa ma Y-Môis, Jêng Nơm hŏ nkhah jêh dak tanăp khân păng, Gay amoh lư n'găr n'ho ro;

Yêrêmi 13:14

Brah Yêhôva lah: ‘Gâp mra ƀư ma bunuyh aơ tâm djrel đah bunuyh ri, mbơ̆ tâm tom đah kon. Gâp mra ti mâu djân, mâu yô̆, mâu nhhuach nôk Gâp ƀư rai khân păng.’”

Mathay 6:13

Lơi ta njŭn leo hên tâm nau ndơm ôh, Ƀiălah ăn May rklaih hên bơh nơm tih mhĭk! [Yor ma ƀon bri hađăch, nau brah, nau chrêk rmah jêng ndơ mbơ̆ n'ho ro. Amen.]’

Nau Tâm Mpơl 2:27

păng mra chiă uănh lĕ bri dak ma mâng jra loih, jêh ri mbang nchah khân păng nâm bu ndơ neh uk, tâm ban đŏng Gâp hŏ dơn jêh nau dơi nây bơh Mbơ̆ Gâp.

I Samuel 2:10

Mbu nơm rdâng đah Brah Yêhôva mra chah rai! Tă bơh klơ trôk nđôch, Brah Yêhôva mra nkhŭt nglaih dah khân păng. Păng mra phat dôih lĕ rngôch bunuyh ƀon lan ta klơ neh ntu, Ăn nau dơi ma nơm Păng săch jêng hađăch, Jêh ri ăn nau dăng ktang rmeh ler ma nơm Păng tŏ dak ƀâu kah.”