Nau Ngluh Êjipt 15:16 - Nau Brah Ndu Ngơi 2023

¹⁶ Nau klach jêh ri nau krit tât ma khân păng; Ơ Brah Yêhôva! Yor ti nau brah May, Khân păng jêng mlo nâm bu lŭ, kŏ tât phung ƀon lan May rgăn jêh; Kŏ tât phung ƀon lan May sâm chuai rgăn lăn jêh.

Nau Ngluh Êjipt 15:16 ပူးပေါင်းရင်းမြစ်များ

Nau Ntơm 35:5

Rnăk vâl Y-Yakôb hăn trong. Brah Ndu ăn nau klach ta lĕ rngôch ƀon jŭm nây, pôri mâu geh ôh du huê nuyh tâm phung nây nănh tĭng phung kon Y-Yakôb.

II Samuel 7:23

Ta klơ neh ntu, moh phung ƀon lan tâm ban ma phung ƀon lan Israel May, jêng phung ƀon lan Brah Ndu tâm rklaih jêh gay ƀư phung ƀon lan May nơm jêh ri tâm amoh ma khân păng? May hŏ ƀư yor ma May nơm jêh ri n'gor bri May, rĭ dĭng May ƀư lĕ nau kan toyh khư ma bu klach, tơlah May hŏ mprơh jêh âk mpôl băl bunuyh êng jêh ri phung brah khân păng tă bơh tanăp măt May, jêng phung ƀon lan May hŏ sâm chuai khân păng du luh bơh Êjipt gay prăp ma May nơm.

Nau Mprơ Ơm 105:38

Phung Êjipt maak tơlah khân păng luh hăn, Yorlah nau krit phung Israel ƀư jêh ta khân păng.

Nau Mprơ Ơm 74:2

Ăn May kah gĭt ma phung ƀon lan May hŏ ndâk jêh ntơm bơh kăl e, Phung May tâm chuai jêh gay ƀư jêng drăp ndơn May; Ăn May kah gĭt ma yôk Siôn jêng ntŭk May tă gŭ jêh.

Nau Mprơ Ơm 89:14

Nau sŏng srăng jêh ri nau di jêng ntur ma sưng hađăch May; Nau ueh jêh ri nau nanê̆ ngăn hăn tanăp May.

Nau Ngluh Êjipt 11:7

Ƀiălah, tâm phung ƀon lan Israel, nđâp ma so mâu mra groh ma bunuyh mâu lah mpô mpa, gay ma khân may gĭt Brah Yêhôva tâm nkhah phung Êjipt êng đah phung Israel.’

Nau Ngluh Êjipt 15:13

Ma nau May rŏng may têk ndrêng phung ƀon lan may hŏ chuai jêh; May hŏ njŭn khân păng ma nau brah May tât ma ntŭk kloh ueh May gŭ.

Nau Ngluh Êjipt 15:5

Ntŭk jru hŏ brôi jêh khân păng; Khân păng ngâm jêh tâm dâng dak mƀŭt nâm bu du mlâm lŭ.

Nau Ngluh Êjipt 15:6

Ơ Brah Yêhôva! Ti ma May chrat ang nau rnam. Ơ Brah Yêhôva! Ti ma May ƀư rai jêh phung rlăng.

Nau Ngluh Êjipt 18:8

Y-Môis nkoch tay ma po păng lĕ rngôch nau Brah Yêhôva hŏ ƀư jêh ma Pharaôn jêh ri ma phung Êjipt yor phung Israel, lĕ rngôch nau hŏt rgănh tât ta ma khân păng rŏ trong, jêh ri mâm nau Brah Yêhôva tâm rklaih khân păng.

Nau Ngluh Êjipt 20:2

“Gâp jêng Yêhôva Brah Ndu khân may, Nơm hŏ ngluh jêh khân may tă bơh n'gor Êjipt, tă bơh ngih dĭk bu.

Nau Ngluh Êjipt 23:20

“Aơ, Gâp njuăl du huê tông mpăr hăn panăp kon gay mât mơh kon tâm trong hăn jêh ri leo kon lăp ta ntŭk Gâp hŏ nkra jêh.

Nau Ngluh Êjipt 23:22

Ƀiălah tơlah may iăt nau tông bâr păng jêh ri ƀư tĭng lĕ nau Gâp ntĭnh ntăm, pôri Gâp mra jêng phung rlăng đah phung rlăng kon, jêh ri nơm rdâng đah phung tâm rdâng đah kon.

Nau Ngluh Êjipt 23:27

Gâp mra ăn nau klach krit jêh ri ƀư uh ah ma mbu phung ƀon lan ntŭk may bơi tât. Gâp mra ăn phung rlăng may nchuăt du bơh tra năp măt may.

Nau Ngluh Êjipt 6:7

Gâp mra dơn khân may jêng phung ƀon lan Gâp, jêh ri Gâp mra jêng Brah Ndu khân may. Khân may mra gĭt Gâp jêng Yêhôva Brah Ndu khân may, Nơm hŏ djôt khân may luh bơh kan jâk jêr tă bơh phung Êjipt.

Êsai 51:10

Mâu di May hĕ ƀư suăt jêh dak mƀŭt, Ƀư suăt lơi lĕ tu dak brŏng toyh; Ƀư du mlâm trong tâm dak mƀŭt jru Gay ma phung may tâm chuai jêh dơi hăn rgăn?

Êsai 63:12

Nơm ƀư ăn ti nau chrêk rmah Păng Hăn pa ma Y-Môis, Jêng Nơm hŏ nkhah jêh dak tanăp khân păng, Gay amoh lư n'găr n'ho ro;

Yêrêmi 31:11

Yorlah Brah Yêhôva sâm chuai jêh Yakôb, Rklaih jêh khân păng tă bơh ti nơm dăng ktang lơn.

Êsêkiêl 16:8

Tơlah Gâp hăn rgăn jêh ri uănh ma ay, saơ ay lĕ toyh, tât năm gĭt tâm rŏng jêh. Gâp sŏk ao padih nkŭm ta klơ ay gay ma ndâp nau rhôk ay. Di yơh, Gâp lĕ ton jêh ma ay, ƀư tâm rnglăp đah ay jêh ri ay jêng ndơ Gâp jêh,’ Kôranh Brah Yêhôva lah pônây.

Kôranh Oh Mon 20:28

Khân may njrăng hom ma khân may nơm jêh ri ma lĕ rngôch phung biăp Brah Huêng Ueh hŏ njêng jêh khân may jêng nơm mât uănh, gay chiăp leo Phung Ngih Brah Ndu Kôranh Brah, rvăt jêh ma mham Kon Păng nơm.

Nau Vay Nkah Tay 11:25

Mâu geh ôh du huê nuyh mra dơi tâm rdâng đah khân may. Yêhôva Brah Ndu khân may mra dơm nau bu klach jêh ri nau bu krit tâm lam n'gor khân may mra hăn rgăn, tĭng nâm Păng hŏ lah jêh ma khân may.

Nau Vay Nkah Tay 2:25

Nar aơ Gâp ntơm ƀư ma lĕ phung ƀon lan tâm neh ntu aơ mra krit jêh ri klach ma khân may. Lah tăng nau bu nkoch bri ma khân may, lĕ phung ƀon lan nây mra râm sâr jêh ri krit tanăp măt khân may.’”

Nau Vay Nkah Tay 2:4

Ăn may ntĭnh ma phung ƀon lan: Khân may hăn dăch rgăn n'gor phung oh nâu khân may jêng phung kon sau Y-Êsau, gŭ tâm n'gor Sêir. Khân păng mra klach ma khân may, ƀiălah ăn khân may njrăng.

Nau Vay Nkah Tay 32:6

Hơi phung ƀon lan rluk jêh ri mâu geh nau blau mĭn ôh, Khân may mplơ̆ sĭt tay nau yô̆ ma Brah Yêhôva tâm ban pônây bơh? Mâu di ƀơh Păng jêng Mbơ̆, jêng Nơm rhăk njêng, Hŏ rhăk njêng jêh ri ndâk njêng khân may jêng du phung ƀon lan?

Nau Vay Nkah Tay 32:9

Yorlah kô̆ prăp ma Brah Yêhôva jêng phung ƀon lan Păng, Y-Yakôb jêng drăp ndơn prăp ma Păng.

Titus 2:14

jêng Nơm hŏ sân săk jêh yor ma he gay tâm chuai he bơh lĕ nau djơh mhĭk, jêh ri ƀư kloh he jêng du phung ƀon lan knŏng êng ma Păng nơm, jêng phung ƀon lan geh nau duh nđơr ƀư lĕ nau kan ueh.

Yôsuê 2:9

jêh ri lah ma khân păng: “Gâp gĭt Brah Yêhôva hŏ ăn n'gor aơ ma khân may; bu klach ngăn yorlah khân may hŏ trŭnh ndal ta hên kŏ tât lĕ rngôch phung ƀon lan tâm n'gor rdja nuih n'hâm nau mĭn tanăp khân may.

Yôsuê 4:24

Pônây, lĕ rngôch phung bunuyh ta neh ntu dơi gĭt mpang ti nau dơi Brah Yêhôva, jêh ri khân may tâm ban đŏng klach yơk ma Yêhôva Brah Ndu khân may ƀaƀơ.”

I Pêtrôs 2:9

Ƀiălah khân may jêng phung Brah Ndu săch jêh, jêng phung kôranh ƀư brah ta ngih hađăch, jêng phung mpôl kloh ueh, jêng phung ƀon lan sŏk prăp ma Brah Ndu, gay ma khân may mbơh nkoch nau ueh dŭt toyh Nơm kuăl jêh khân may luh bơh ntŭk ngo, njŭn lăp ntŭk ang khlay Păng.

II Pêtrôs 2:1

Ƀiălah geh jêh âk phung mbơh lor nklă mpơl tâm phung ƀon lan, jêh ri mra geh đŏng kôranh nti nklă tâm khân may; khân păng mra mbơh nkoch ndâp lĕ nau chroh nklă blau hâu ngăn, dun ma Kôranh Brah jêng Nơm tâm chuai jêh khân păn nơm, sŏk dơn nau ƀư rai gơnh ro ma khân păng nơm.

I Samuel 2:9

Păng mra mât mray lĕ nhuat jâng phung gŭ răp jăp đah Păng; Bi ma phung mhĭk djơh Păng mra ƀư rai khân păng tâm ntŭk ngo klĕng; Yorlah bunuyh mâu mra dơi ôh đah nau ktang.

I Samuel 25:37

Ang ôi taơ, tơlah Y-Nabal lĕ kah rngăl aih nhŭl ndrănh, ur păng nkoch bri lĕ nau nây ƀư ăn ma play nuih Y-Nabal mâu hôm mpât ôh, păng jêng dăng nâm bu lŭ.