Nau Ngluh Êjipt 15:14 - Nau Brah Ndu Ngơi 2023

¹⁴ Lĕ phung ƀon lan tăng jêh nau nây klach râm sâr da dê, Nau klach krit lăp tâm phung Philistin.

Nau Ngluh Êjipt 15:14 ပူးပေါင်းရင်းမြစ်များ

Nau Vay Nkah Tay 2:25

Nar aơ Gâp ntơm ƀư ma lĕ phung ƀon lan tâm neh ntu aơ mra krit jêh ri klach ma khân may. Lah tăng nau bu nkoch bri ma khân may, lĕ phung ƀon lan nây mra râm sâr jêh ri krit tanăp măt khân may.’”

Êsai 14:31

Ơ mpông mpêr! Nhĭm nhhiăng hom! Ơ ƀon toyh, lŭng nter hom! Ơ lĕ phung Philistin, rai lôch hom! Yorlah geh du nau nhhŭk ŭnh tât tă bơh mpeh pa lơ, Mâu geh du huê chalơi phung tahan păng nơm.”

Nau Mprơ Ơm 48:6

Nau râm sâr văch tât nchueng khân păng. Khân păng geh nau ji ngăn tâm ban ma bu ur dôl ji deh.

Yôsuê 9:24

Khân păng plơ̆ lah ma Y-Yôsuê: “Yorlah phung oh mon may gĭt nanê̆ ngăn Yêhôva Brah Ndu khân may ntăm jêh ma Y-Môis, oh mon Păng, ăn lĕ n'gor aơ ma khân may, jêh ri ƀư rai lĕ rngôch bunuyh gŭ tâm bri nây. Yor nây, hên klach khân may khĭt nau rêh hên rĭ dĭng hên ƀư nâm pônây.

Nau Kơp Bunuyh 14:14

jêh ri khân păng mra mbơh nau nây ma phung ƀon lan n'gor khân păng nơm. Hơi Brah Yêhôva, phung ƀon lan Êjipt hŏ gĭt jêh ma Kôranh Brah gŭ ta nklang Phung ƀon lan Israel jêh ri tâm mpơl jêh ăn khân păng saơ. N'gâng tŭk Kôranh Brah gŭ ta klơ phung ƀon lan aơ jêh ri May hăn panăp khân păng, tâm n'gâng tŭk dôl nar jêh ri tâm meh n'gâng ŭnh dôl măng.

Êsai 14:29

“Ơ lĕ rngôch phung Philistin, lơi răm maak ndal ôh, Yorlah mâng rvĕ dong may lĕ nkê̆ch deh jêh, Yorlah tă bơh noi deh bêh mra luh du mlâm bêh vǐt, Jêh ri kon păng mra jêng du mlâm bêh ŭnh mpăr.

Nau Kơp Bunuyh 22:5

Hađăch prơh phung mbơh tât ma Y-Balaam, kon bu klâu Y-Bêôr ta ƀon Pêthôr, dăch dak krong Ơphrat, tâm n'gor phung kon sau Ammô, jêh ri lah: “Aơ, du phung ƀon lan hŏ du luh jêh bơh Êjipt, khân păng nkŭm lam klơ neh ntu jêh ri khân păng dôl ndâk ngih bok tâm tra đah gâp.

Yôsuê 10:2

hađăch nây klach ngăn, yorlah ƀon Gibêôn jêng ƀon toyh, tâm ban du rplay ƀon hađăch; ƀon nây toyh lơn ma ƀon Ai, jêh ri lĕ phung ƀon nây jêng phung janh ktang.

I Samuel 4:7

ri mơ phung Philistin klach, yorlah khân păng lah pô aơ: “Du ntil brah lĕ tât tâm pôih tahan.” Jêh nây nter lah: “Rêh ni ngăn ma he! Yorlah bơh saơm mâu mâp geh nau tât kơt aơ ôh!

I Nau Rêh Jêng 14:17

Nau lư n'găr Y-Đavit lam ăp ntŭk, jêh ri Brah Yêhôva ƀư ăn lĕ rngôch phung ntil mpôl bunuyh klach krit ma Y-Đavit.

Êsai 23:5

Tơlah nau mhe mhan nây tăng tât ta bri Êjipt, Lah tăng nau mhe mhan ma ƀon Tyre bu mra rngot ngăn.

Êsêkiêl 32:9

‘Gâp mra ƀư nuih n'hâm âk ntil mpôl bunuyh rŭng răng, Tơlah Gâp mbơh ma nau ƀư rai ma may tâm lĕ ntil mpôl bunuyh, Ta nklang lĕ bri dak may mâu hŏ mâp gĭt ôh.

Habakuk 3:7

Gâp saơ lĕ ngih bok phung Kusan geh nau rêh ni, Lĕ bok nching bri Madian n'găr n'gơ.

Yôsuê 2:11

Tơlah hên tăng jêh nau nây nuih n'hâm hên uh ah, tâm phung hên mâu hôm geh nơm nâp tanăp khân may; yorlah Yêhôva Brah Ndu khân may jêng Brah Ndu nơm gŭ klơ trôk dŭt prêh jêh ri gŭ tâm dâng neh aơ.

Yôsuê 9:9

Khân păng plơ̆ lah: “Phung oh mon may văch tă bơh du n'gor bri ngai ngăn, yor hên tăng ma amoh Brah Yêhôva jêng Brah Ndu khân may. Yorlah hên tăng lư jêh nau bu nkoch bri ma Păng, jêh ri lĕ nau Păng ƀư jêh tâm n'gor Êjipt;

I Samuel 4:8

Rêh ni ngăn ma he! Mbu moh dơi tâm rklaih he dơi rklaih bơh ti phung brah nau dơi nây? Aơ jêng phung brah lĕ tă rmal jêh phung Êjipt đah ăp ntil nau tât tâm bri rdah.

Nau Mprơ Ơm 48:7

Kôranh dong nchah lơi khân păng Tâm ban ma sial mpeh luh nar dong nchah kumpăn Tarsis.

Habakuk 3:6

Păng dâk, ƀư n'găr n'gơ rplay neh; Păng uănh, ƀư ma phung mpôl băl bunuyh râm sâr; Phung yôk ntơm bơh rnôk saơm chah rai da dê, Lĕ gôl yôk gŭ lĕ jŏ rnôk rlâm da dê. Trong Păng hôm tâm ban kăl e.