Nau Ngluh Êjipt 15:10 - Nau Brah Ndu Ngơi 2023

¹⁰ May hŏ nsôr jêh n'hâm, dak mƀŭt rdŭl bŭk khân păng; Khân păng ngâm nâm bu rchuăl ndrak tâm n'hong dak ktang.

Nau Ngluh Êjipt 15:10 ပူးပေါင်းရင်းမြစ်များ

Nau Ntơm 8:1

Brah Ndu kah gĭt ma Y-Nôê nđâp ma lĕ rngôch mpa bri jêh ri mpô mpa rong gŭ ndrel ma păng tâm kumpăn, yor ri Păng ƀư ăn geh sial khôm klơ neh jêh ri dak hŭch.

II Samuel 18:8

Nau tâm lơh lam n'gor bri nây; tâm nar nây, geh âk bunuyh khĭt roh tâm bri âk lơn đah nau khĭt ma tak đao.

Nêhêmi 9:11

Kôranh Brah tâm nkhah dak mƀŭt tanăp măt phung ƀon lan May Gay ăn khân păng hăn rgăn ta klơ neh sơh ta nklang dak mƀŭt. Bi ma phung hăn tĭng pakơi, Kôranh Brah klŭp khân păng tâm dâng brŏng jru Nâm bu klŭp lŭ tâm dak toyh.

Nau Mprơ Ơm 135:7

Păng ăn ndâr tŭk hao bơh nglĕ dŭt rplay neh, Ƀư lơp nglaih ndrel ma mih, Ăn sial khôm luh tă bơh lĕ jay Păng prăp drăp ndơ khlay.

Nau Mprơ Ơm 147:18

Păng ntrŭnh nau ntăm, pler nđik lêk ro, Păng ƀư ăn sial khôm jêh ri dak hoch.

Nau Ngluh Êjipt 14:21

Y-Môis yơr ti ta klơ dak mƀŭt; tâm măng nây, Brah Yêhôva ƀư ăn sial tă bơh lơ khôm dăng ngăn gay ma nsŭn dak mƀŭt. Brah Ndu ƀư ma dak tâm nkhah bar ding, dak mƀŭt jêng neh sơh.

Nau Ngluh Êjipt 15:5

Ntŭk jru hŏ brôi jêh khân păng; Khân păng ngâm jêh tâm dâng dak mƀŭt nâm bu du mlâm lŭ.

Nau Hôr 30:4

Mbu nơm hŏ hao klơ trôk jêh jŭr tay? Mbu nơm hŏ rgum sial tâm mpang ti? Mbu nơm hŏ nklâm dak tâm ao? Mbu nơm ndâk n'har neh ntu? Mâm amoh Nơm nây, Jêh ri amoh săk kon bu klâu Nơm nây? Tơlah may gĭt, nkoch hom!

Êsai 11:15

Brah Yêhôva mra ƀư suăt kro dak mƀŭt bri Êjipt; Rtuh ti ta klơ Dak Krong Me ma sial duh, Păng pă dak krong nây jêng pơh dak n'hor, Jêh ri ƀư ăn bunuyh dơi hăn rgăn ma jâng mâu bĕ ntâu jot.

Yêrêmi 10:13

Tơlah Păng ngơi, lĕ tu dak ta klơ trôk drơu drơu; Păng ƀư n'hôl dak hao bơh ntơm nglĕ dŭt rplay neh. Ƀư ăn lơp nglaih tâm mih, Pơk sail luh bơh lĕ jay prăp drăp ndơ khlay Păng.

Yêrêmi 46:17

Ta nây, bu lah Pharaôn, hađăch bri Êjipt, Jêng ‘Nơm uh ah hŏ ƀư roh jêh mông găl.’”

Amôt 4:13

N'hêl nanê̆ Păng hŏ njêng jêh yôk jêh ri rhăk njêng sial; Păng yơh mpơl nau bunuyh mĭn tâm nuih n'hâm. Păng rgâl luh nar luh jêng ngo Jêh ri hăn tâm lĕ ntŭk prêh ta neh ntu. Amoh Păng jêng Yêhôva Brah Ndu ma phung tahan.

Mathay 8:27

Phung oh mon hih rhâl hâu ngăn, ôp ndrăng khân păng: “Mbu moh bunuyh aơ nđâp ma sial jêh ri dak mƀŭt tông nau Păng ntrŭnh da dê?”

Nau Vay Nkah Tay 11:4

tâm ban đŏng lĕ nau Păng hŏ ƀư jêh ma phung tahan, ma seh jêh ri ma ndeh seh Êjipt, nôk khân păng tĭng lơh khân may. Yêhôva Brah Ndu hŏ dŏng dak bơh Dak Mƀŭt Chăng ƀư ngâm jêh ri ƀư rai khân păng kŏ tât ta nar aơ.