Nau Ngluh Êjipt 14:8 - Nau Brah Ndu Ngơi 2023

⁸ Brah Yêhôva ƀư dăng nuih Pharaôn, hađăch Êjipt jêh ri păng hăn tĭng phung ƀon lan Israel, tâm nôk phung ƀon lan Israel hăn du luh ma nau janh.

Nau Ngluh Êjipt 14:8 ပူးပေါင်းရင်းမြစ်များ

Nau Mprơ Ơm 105:43

Tâm ban pônây, Păng njŭn phung ƀon lan Păng du luh ma nau răm maak, Leo phung Păng săch du luh tâm nau maak.

Nau Mprơ Ơm 86:13

Yorlah nuih n'hâm ueh May toyh ngăn ma gâp; May tâm rklaih jêh huêng gâp bơh brŏng jru ƀon phung khĭt.

Nau Ngluh Êjipt 10:27

Ƀiălah Brah Yêhôva ƀư dăng nuih n'hâm Pharaôn, păng mâu ăn ôh phung Israel dâk hăn.

Nau Ngluh Êjipt 13:16

Nây mra jêng du nau mbên ta ti jêh ri ndơ kât klơ ndăr kleng ta nklang bar ding măt khân may, gay ma nkah pô aơ Brah Yêhôva hŏ dŏng ti nau brah Păng djôt hên du luh bơh n'gor Êjipt.”

Nau Ngluh Êjipt 13:18

Rĭ dĭng Brah Ndu njŭn leo phung ƀon lan hăn ndăch tĭng trong tâm bri rdah, sĭt let Dak Mƀŭt Chăng. Nôk luh bơh n'gor Êjipt, phung ƀon lan Israel geh ndrăp jêh ndơ gay tâm lơh.

Nau Ngluh Êjipt 13:9

Jêh ri mpeh ma khân may, nây mra jêng nâm bu du nau mbên ta ti khân may, du nau ndray ta vah vang bar ding măt khân may gay ma nau vay bơh Brah Yêhôva gŭ tâm trôm mbung khân may; yorlah Brah Yêhôva hŏ dŏng ti nau brah gay leo khân may du luh bơh n'gor Êjipt.

Nau Ngluh Êjipt 14:17

Gâp mra ƀư dăng nuih n'hâm phung Êjipt gay ma khân păng tĭng phung Israel trŭnh tâm dak mƀŭt; Gâp mra geh nau tâm rnê yor Pharaôn, yor lĕ rngôch phung tahan, ndeh seh, jêh ri lĕ rngôch phung tahan ncho seh păng.

Nau Ngluh Êjipt 14:4

Gâp mra ƀư dăng nuih n'hâm Pharaôn, jêh ri păng mra hăn tĭng phung ƀon lan nây. Ƀiălah Gâp mra dơi geh nau tâm rnê yor Pharaôn jêh ri lĕ rngôch phung tahan păng; phung Êjipt mra gĭt Gâp jêng Brah Yêhôva.” Phung ƀon lan Israel hŏ ƀư di kơt nây.

Nau Ngluh Êjipt 14:7

Păng djôt prao rhiăng ndeh seh dŭt ueh jêh ri lĕ rngôch ndeh seh êng tâm n'gor Êjipt; ăp ndeh seh geh phung kôranh tahan chiă uănh ncho da dê.

Nau Ngluh Êjipt 15:9

Phung rlăng lah: ‘Gâp hăn tĭng, gâp mra ban; Gâp mra tâm pă ndơ pit sŏk. Nau gâp kơnh mra dơi mpay. Gâp tŏk đao; ti gâp mra ƀư rai khân păng.’

Nau Ngluh Êjipt 4:21

Brah Yêhôva lah ma Y-Môis: “Lah may plơ̆ sĭt ta n'gor Êjipt, ăn may ƀư lĕ rngôch nau mbên khlay Gâp hŏ jao jêh tâm ti may gay ƀư tanăp Pharaôn. Ƀiălah Gâp mra ƀư ăn hađăch Êjipt dăng nuih n'hâm, mâu ăn ôh phung ƀon lan hăn.

Nau Ngluh Êjipt 6:1

Brah Yêhôva lah ma Y-Môis: “Aƀaơ may mra saơ lĕ nau Gâp mra ƀư ma Pharaôn. Nanê̆, yor tă bơh mpang ti nau brah Gâp, hađăch nây mra ăn phung Israel hăn luh; yor tă bơh mpang ti nau brah Gâp, hađăch nây mra mprơh khân păng luh bơh n'gor păng.”

Nau Ngluh Êjipt 9:12

Brah Yêhôva ƀư dăng nuih n'hâm Pharaôn, mâu iăt ôh nau Y-Môis jêh ri Y-Arôn, di tĭng nâm nau Brah Yêhôva lah jêh ma Y-Môis.

Nau Nhĭm Vơl 3:65

Ăn ma nuih n'hâm khân păng dăng ktang, Jêh ri ăn nau rak rtăp ta khân păng.

Kan Lêvi 26:13

Gâp jêng Yêhôva Brah Ndu khân may, Nơm hŏ ngluh jêh khân may luh bơh Êjipt gay ma khân may mâu hôm đŏng ƀư dĭk. Gâp hŏ nkê̆ch lơi jêh mâng mbăk ma khân may gay ma ăn khân may n'gơr prêh bôk gay hăn sŏng.’

Nau Kơp Bunuyh 33:3

Phung ƀon lan Israel Hăn ntơm bơh Ramsê tâm ta nar jât ma prăm tâm khay nguay, jêng nar pakơi jêh Rƀŭn Nau Găn. Khân păng hăn du luh tâm nau janh nuih tanăp măt phung Êjipt.

Kôranh Oh Mon 13:17

Brah Ndu phung Israel săch jêh phung chô yau he, ƀư ăn phung ƀon lan aơ chăt jêng dôl gŭ njưh tâm n'gor Êjipt; Păng sŏk ti nau brah njŭn leo khân păng luh tă bơh n'gor nây.

Nau Vay Nkah Tay 26:8

Brah Yêhôva hŏ yơr dĭ ti nau brah, ƀư mpơl nau mbên jêh ri nau mbên mha dŭt toyh jêh ri krit ngăn, gay njŭn leo hên du luh bơh n'gor Êjipt,

Nau Vay Nkah Tay 32:27

Ƀiălah Gâp klach phung rlăng nsônh, Phung rlăng mĭn vĭ, Lah pô aơ: ‘Dơi tâm lơh tă bơh ti he, Brah Yêhôva mâu mâp ƀư ôh lĕ rngôch nau nây!’

Yôsuê 11:20

Yorlah Brah Yêhôva ƀư ma phung hađăch nây dăng nuih n'hâm tâm rdâng đah phung Israel, gay ma khân păng mra rai lĕ, mâu dơi geh nau yô̆ nđach ôh, di nâm Brah Yêhôva ntăm jêh ma Y-Môis.

Phung Kôranh Phat Dôih 4:7

Gâp mra ƀư ăn Y-Sisêra, kôranh chiă uănh toyh tahan hađăch Jabin, djôt leo ndeh seh jêh ri phung tahan văch tâm lơh đah may ta dak n'hor Kisôn, jêh ri Gâp mra jao păng tâm ti may.’”