Nau Ngluh Êjipt 14:7 - Nau Brah Ndu Ngơi 2023

⁷ Păng djôt prao rhiăng ndeh seh dŭt ueh jêh ri lĕ rngôch ndeh seh êng tâm n'gor Êjipt; ăp ndeh seh geh phung kôranh tahan chiă uănh ncho da dê.

Nau Ngluh Êjipt 14:7 ပူးပေါင်းရင်းမြစ်များ

Nau Ntơm 50:9

Rlau ma nây geh ndeh seh jêh ri phung rmăk ndeh seh hăn ndrel ma păng đŏng. Khân păng jêng du mpôl bunuyh âk ngăn.

Nau Mprơ Ơm 20:7

Bunuyh aơ rnơm nsing ma ndeh, bunuyh êng rnơm nsing ma seh, Ƀiălah he rnơm nsing ma amoh Brah Yêhôva jêng Brah Ndu he.

Nau Mprơ Ơm 68:17

Ndeh Brah Ndu âk rbăn, âk rmưn, mâu dơi kơp; Kôranh Brah gŭ tâm nklang lĕ ndeh nây, Bơh yôk Sinai chuat lăp tâm ntŭk kloh ueh.

Nau Ngluh Êjipt 14:23

Phung Êjipt hăn tĭng khân păng. Lĕ rngôch seh, ndeh seh jêh ri phung tahan ncho seh Pharaôn tĭng khân păng trŭnh tâm dak mƀŭt da dê.

Nau Ngluh Êjipt 14:6

Pharaôn ndrăp ndeh seh jêh ri leo phung tahan hăn.

Nau Ngluh Êjipt 14:8

Brah Yêhôva ƀư dăng nuih Pharaôn, hađăch Êjipt jêh ri păng hăn tĭng phung ƀon lan Israel, tâm nôk phung ƀon lan Israel hăn du luh ma nau janh.

Nau Ngluh Êjipt 15:4

Păng hŏ mƀăr jêh ndeh seh jêh ri lĕ phung tahan Pharaôn tâm dak mƀŭt; Phung kôranh tahan toyh păng săch hŏ ngâm jêh tâm Dak Mƀŭt Chăng,

Êsai 37:24

May prơh jêh phung oh mon may mưch rmot ma Kôranh Brah, May lah: “Ma ndeh seh gâp âk ir, Gâp hao lĕ ta klơ n'gơn yôk prêh, Tât n'gơn yôk prêh lơn tâm bri Liban. Gâp mra kăl lĕ tơm si sêdar prêh lơn, Jêh ri lĕ tơm si chiprơ dŭt ueh lơn. Gâp mra tât ta ntŭk ngai Tâm bri krŏng tơm si dŭt pŭm.

Phung Kôranh Phat Dôih 4:15

Brah Yêhôva ƀư ma Y-Sisêra jêh ri lĕ rngôch ndeh seh loih nđâp ma lĕ phung tahan păng du nchuăt rŭng răng panăp măt đao Y-Barak. Y-Sisêra jŭr tă bơh ndeh seh jêh ri nchuăt du.

Phung Kôranh Phat Dôih 4:3

Yorlah Y-Jabin geh jêh sĭn rhiăng ndeh seh ma loih jêh ri păng tŭn jot phung Israel ma nau djơh tâm bar jât năm, pônây, phung ƀon lan Israel nter dăn ma Brah Yêhôva.