Nau Ngluh Êjipt 14:4 - Nau Brah Ndu Ngơi 2023

⁴ Gâp mra ƀư dăng nuih n'hâm Pharaôn, jêh ri păng mra hăn tĭng phung ƀon lan nây. Ƀiălah Gâp mra dơi geh nau tâm rnê yor Pharaôn jêh ri lĕ rngôch phung tahan păng; phung Êjipt mra gĭt Gâp jêng Brah Yêhôva.” Phung ƀon lan Israel hŏ ƀư di kơt nây.

Nau Ngluh Êjipt 14:4 ပူးပေါင်းရင်းမြစ်များ

Nêhêmi 9:10

Păng ƀư mpơl nau mbên âk ntil jêh ri nau mbên mha tâm rdâng đah Pharaôn, Jêh ri phung oh mon păng jêh ri lĕ rngôch phung ƀon lan tâm bri dak, Yorlah Kôranh Brah gĭt khân păng hŏ ƀư djơh rlau keh ir ma chô yau hên. Kôranh Brah ƀư ăn lư n'găr amoh Kôranh Brah tât nâm bu ta nar aơ.

Nau Ngluh Êjipt 10:2

jêh ri gay may dơi nkoch tay ma kon sau khân may lĕ nau kan Gâp hŏ ƀư jêh ma phung Êjipt, tâm ban đŏng lĕ nau mbên khlay Gâp hŏ ƀư mpơl jêh ta nklang khân păng, tă bơh nây khân may dơi gĭt Gâp jêng Brah Yêhôva.”

Nau Ngluh Êjipt 10:27

Ƀiălah Brah Yêhôva ƀư dăng nuih n'hâm Pharaôn, păng mâu ăn ôh phung Israel dâk hăn.

Nau Ngluh Êjipt 12:28

Jêh iăt, phung ƀon lan Israel kŭnh bôk yơk mbah, jêh nây khân păng hăn jêh ri ƀư tĭng nâm Brah Yêhôva hŏ ntăm jêh ma Y-Môis jêh ri Y-Arôn.

Nau Ngluh Êjipt 14:23

Phung Êjipt hăn tĭng khân păng. Lĕ rngôch seh, ndeh seh jêh ri phung tahan ncho seh Pharaôn tĭng khân păng trŭnh tâm dak mƀŭt da dê.

Nau Ngluh Êjipt 14:25

Brah Ndu doh jâng ndeh seh khân păng, ƀư ăn khân păng ƀĭt ndeh seh hŏt rgănh. Phung Êjipt tâm lah ndrăng khân păng nơm. “Ăn he nchuăt bơh phung Israel, yorlah Brah Yêhôva tâm tang an ma ƀon lan nây tâm lơh đah phung Êjipt.”

Nau Ngluh Êjipt 14:3

Yorlah Pharaôn mra lah ma phung Israel pô aơ: ‘Phung ƀon lan nây dôl nsong mblêng tâm n'gor; bri rdah hŏ nchueng jêh jŭm khân păng.’

Nau Ngluh Êjipt 14:5

Lah bu mbơh ma hađăch Êjipt phung ƀon lan Hêbrơ du jêh, nuih n'hâm Pharaôn jêh ri phung oh mon păng đah phung ƀon lan nây tâm rgâl ro, khân păng lah: “Moh nau he hŏ ƀư kơt nây, mƀơk phung Israel hăn du, gay ma mâu hôm ăn khân păng pah kan ma he đŏng ƀơh?”

Nau Ngluh Êjipt 14:8

Brah Yêhôva ƀư dăng nuih Pharaôn, hađăch Êjipt jêh ri păng hăn tĭng phung ƀon lan Israel, tâm nôk phung ƀon lan Israel hăn du luh ma nau janh.

Nau Ngluh Êjipt 18:11

Aƀaơ gâp gĭt jêh Brah Yêhôva toyh lơn ma lĕ rngôch brah, yorlah dôl phung Êjipt ƀư mhĭk ma phung ƀon lan Păng ma nau dŭt sưr yor ri Păng dơi lơh khân păng.”

Nau Ngluh Êjipt 6:7

Gâp mra dơn khân may jêng phung ƀon lan Gâp, jêh ri Gâp mra jêng Brah Ndu khân may. Khân may mra gĭt Gâp jêng Yêhôva Brah Ndu khân may, Nơm hŏ djôt khân may luh bơh kan jâk jêr tă bơh phung Êjipt.

Nau Ngluh Êjipt 7:17

Yor ri, Brah Yêhôva ngơi: ‘Ma nau aơ may mra gĭt Gâp jêng Brah Yêhôva.’ Aơ, gâp mra sŏk mâng jra tâm ti gâp mbang tâm dak krong, jêh ri dak nây mra jêng mham;

Nau Ngluh Êjipt 7:3

Ƀiălah Gâp mra ƀư dăng nuih n'hâm Pharaôn, jêh ri nđâp lah Gâp ăn lơ n'hao âk nau mbên khlay tâm n'gor Êjipt

Nau Ngluh Êjipt 7:5

Lah Gâp yơr ti tâm rdâng đah phung Êjipt gay djôt phung ƀon lan Israel luh bơh nây rĭ mơ phung Êjipt mra gĭt Gâp jêng Brah Yêhôva.”

Nau Ngluh Êjipt 9:16

Ƀiălah mâm ƀư Gâp ăn may rêh gay ma ăn may saơ nau brah Gâp, jêh ri bu mbơh nkoch lam bri neh ntu.

Êsêkiêl 20:9

Ƀiălah Gâp ƀư yor ma amoh Gâp nơm, gay ăn amoh nây bu mâu mưch ôh tanăp măt lĕ phung bu năch, ntŭk khân păng dôl gŭ. Tanăp măt phung ndŭl mpôl nây, Gâp mpơl jêh Gâp nơm ma khân păng gĭt dôl leo khân păng du luh tă bơh n'gor bri Êjipt.

Êsêkiêl 28:22

May ngơi hom: Kôranh Brah Yêhôva lah: ‘Hơi ƀon Sidôn, aơ Gâp tâm rdâng đah may; Gâp ŭch ƀư ang amoh Gâp ta nklang may. Khân păng mra gĭt Gâp jêng Brah Yêhôva Tơlah Gâp mra ƀư nau phat dôih, Jêh ri mpơl nau kloh ueh Gâp ta nklang păng.

Êsêkiêl 32:15

‘Tơlah Gâp ăn bri Êjipt jêng ntŭk rngol, Jêh ri nau âk rmeh ơm geh tâm bri nây bu sŏk lĕ rngôch; Tơlah Gâp lơh lĕ rngôch phung ƀon lan gŭ ta nây, Pôri khâng păng gĭt Gâp jêng Brah Yêhôva.

Êsêkiêl 38:16

Hơi Y-Gôk! May mra hăn tât lơh ƀon lan Israel Gâp nâm bu du ndâr tŭk nkŭm lĕ bri. N'hêl nanê̆, tâm rnôk nglĕ dŭt, Gâp mra ăn may lơh bri Gâp gay ma phung mpôl băl bunuyh uănh gĭt năl Gâp tơlah Gâp dŏng may gay mpơl nau kloh ueh Gâp tanăp măt khân păng.’

Êsêkiêl 38:23

Nâm pônây, Gâp mra tâm mpơl nau toyh jêh ri nau kloh ueh Gâp, jêh ri Gâp mra dơi gĭt năl tra năp măt âk mpôl băl bunuyh. Khân păng mra gĭt Gâp jêng Brah Yêhôva.’”

Êsêkiêl 39:13

Lĕ rngôch phung ƀon lan gŭ tâm n'gor mra tâp khân păng. Nây jêng du nar toyh ăn ma phung ƀon lan Israel, nây jêng du nar Gâp mra tâm mpơl nau chrêk rmah, Kôranh Brah Yêhôva lah pônây.

Kan Lêvi 10:3

Jêh nây Y-Môis lah ma Y-Arôn: “Aơ jêng nau Brah Yêhôva hŏ ntăm jêh: ‘Ta nklang phung văch dăch Gâp Gâp mra mpơl nau kloh ueh Gâp; Jêh ri tanăp lĕ rngôch bunuyh ƀon lan Gâp mra dơi tâm rnê.’” Y-Arôn gŭ rklăk.

Samƀŭt Pôl Njuăl Ăn Ma Phung Nsing Ta Ƀon Rôm 11:8

nâm bu nau bu nchih jêh pô aơ: “Brah Ndu ăn jêh ma khân păng huêng nuih n'hâm rluk mâl, Măt chieh, jêh ri tôr tê̆k, tât ta nar aơ.”

Samƀŭt Pôl Njuăl Ăn Ma Phung Nsing Ta Ƀon Rôm 9:17

Yorlah Nau Brah Ndu Ngơi lah đŏng ma Pharaôn pô aơ: “Gâp hŏ dâk jêh may gay mpơl nau brah Gâp tâm may, gay ma amoh Gâp bu mbơh nkoch lam bri neh ntu.”

Samƀŭt Pôl Njuăl Ăn Ma Phung Nsing Ta Ƀon Rôm 9:18

Nâm bu pônây, Brah Ndu ŭch yô̆ nđach ma mbu nơm Păng yô̆ nđach, Mbu nơm Păng ŭch ƀư dăng nuih n'hâm Păng mra ƀư.

Yôsuê 11:20

Yorlah Brah Yêhôva ƀư ma phung hađăch nây dăng nuih n'hâm tâm rdâng đah phung Israel, gay ma khân păng mra rai lĕ, mâu dơi geh nau yô̆ nđach ôh, di nâm Brah Yêhôva ntăm jêh ma Y-Môis.

Phung Kôranh Phat Dôih 4:7

Gâp mra ƀư ăn Y-Sisêra, kôranh chiă uănh toyh tahan hađăch Jabin, djôt leo ndeh seh jêh ri phung tahan văch tâm lơh đah may ta dak n'hor Kisôn, jêh ri Gâp mra jao păng tâm ti may.’”