Nau Ngluh Êjipt 14:12 - Nau Brah Ndu Ngơi 2023

¹² Mâu di hên hŏ lah jêh ma may ta n'gor Êjipt pô aơ: ‘Kđôi phung hên, ăn hên pah kan ma phung Êjipt’ di bơh? Yorlah hên ƀư dĭk ta nây jêng ueh lơn hên khĭt tâm bri rdah!”

Nau Ngluh Êjipt 14:12 ပူးပေါင်းရင်းမြစ်များ

Nau Mprơ Ơm 106:7

Dôl phung chô yau hên gŭ tâm bri Êjipt, Khân păng mâu gĭt rbăng lĕ nau mbên khlay May, Mâu lĕ kah gĭt nuih n'hâm ueh May rmeh ler, Ƀiălah ƀư nau tâm rdâng ta kơh dak mƀŭt, nây jêng Dak Mƀŭt Chăng.

Nau Ngluh Êjipt 13:17

Nôk Pharaôn ăn phung ƀon lan Israel hăn du luh, Brah Ndu mâu njŭn leo ôh khân păng hăn rŏ trong găn n'gor Philistin, nđâp lah trong nây dăch lơn, yorlah Brah Ndu lah: “Klach lah phung ƀon lan saơ nau tâm lơh, khân păng mra rgâl nau mĭn jêh ri plơ̆ sĭt tay ta n'gor Êjipt.”

Nau Ngluh Êjipt 3:9

Aơ, nau phung Israel nter lŭng hŏ hao tât ta Gâp; Gâp hŏ saơ nau phung Êjipt tŭn jot khân păng.

Nau Ngluh Êjipt 5:21

Phung kôranh mbŭch ngơi: “Bar hê khân may hŏ ƀư ma hên jêng ndơ ƀơ̆ bơch tanăp măt pharaôn jêh ri phung oh mon păng, hŏ ndơ̆ jêh đao gưm tâm ti khân păng gay ma nkhĭt hên. Dăn Brah Yêhôva sek uănh jêh ri phat dôih khân may!”

Nau Ngluh Êjipt 6:9

Y-Môis ngơi lĕ rngôch nau nây ma phung ƀon lan Israel ƀiălah khân păng mâu iăt ôh nau Y-Môis yor nau khân păng rdja nuih jêh ri nau ƀư dĭk dŭt hŏt ngăn.

Ndrom Samƀŭt bơh Ôsê 4:17

Êphraim tâm rnglăp đah rup brah, Lơi kđôi păng!

Yônais 4:3

Ơ Brah Yêhôva, aƀaơ aơ gâp vơl dăn ma May sŏk hom nau rêh gâp, yorlah ma gâp, khĭt ueh lơn đah hôm rêh!”

Yônais 4:8

Tơlah luh nar, Brah Ndu rơm ăn sial duh khôm tă mpeh luh nar jêh ri nar jŭr nđat ta klơ bôk Y-Yôna kŏ tât păng huơi jêh ri păng dăn dơi khĭt jêh ri lah pô aơ: “Bi ma gâp, khĭt ueh lơn đah hôm rêh!”

Markôs 1:24

nter huy: “Ơ Brah Yêsu bunuyh ƀon Nasaret, moh nau hên geh đah May? May văch gay ƀư rai hên ƀơh? Gâp gĭt jêh mbu May jêng, jêng Nơm Kloh Ueh tă bơh Brah Ndu.”

Markôs 5:7

jêh ri kuăl huy: “Ơ Brah Yêsu, Kon Brah Ndu Nơm Dŭt Prêh, moh nau gâp geh đah May? Tâm amoh Brah Ndu gâp vơh vơl ma May lơi ƀư mhĭk ma gâp ôh.”