Nau Ngluh Êjipt 14:10 - Nau Brah Ndu Ngơi 2023

¹⁰ Lah Pharaôn tât dăch, phung ƀon lan Israel n'gơr uănh saơ phung Êjipt dôl hăn tĭng. Khân păng klach hâu ngăn, nter lŭng ma Brah Yêhôva.

Nau Ngluh Êjipt 14:10 ပူးပေါင်းရင်းမြစ်များ

Nau Mprơ Ơm 107:6

Rnôk nây, tâm nau rêh ni, khân păng vah vơl ma Brah Yêhôva, Jêh ri tâm rklaih khân păng bơh nau rêh ni,

Nau Mprơ Ơm 34:17

Phung sŏng srăng nter kuăl, Brah Yêhôva iăt, Jêh ri tâm rklaih nơm nây bơh lĕ nau rêh ni.

Nêhêmi 9:9

Kôranh Brah hŏ saơ jêh nau rêh ni phung chô yau hên ta n'gor bri Êjipt, Hŏ tăng jêh bâr khân păng kuăl dăn ta meng Dak Mƀŭt Chăng.

Yôsuê 24:7

Rnôk nây, tơlah phung chô yau khân păng nter dăn ma Brah Yêhôva, Gâp ăn tât nau ngo klĕng jŭr vah vang khân may đah phung Êjipt, ăn dak mƀŭt tâp brôi lĕ khân păng. Măt phung chô yau khân păng hŏ saơ jêh nau Gâp ƀư ma phung Êjipt. Jêh nau nây, khân may gŭ tâm bri rdah jŏ jêh.

Nau Mprơ Ơm 106:44

Nđâp tơlah pônây, Brah Ndu ăt tăng nau khân păng dăn, Jêh ri mêt uănh khân păng tâm rnôk khân păng rêh ni.

Nau Mprơ Ơm 53:5

Ntŭk mâu geh nau klach krit, Ƀiălah khân păng klach krit hâu ngăn. Yorlah Brah Ndu srih nting phung hăn tâm lơh đah phung ƀon lan Păng; Jêh ri khân păng mra geh nau bêk prêng, yorlah Brah Ndu chalơi khân păng.

II Nau Rêh Jêng 18:31

Lah phung kôranh tahan ƀĭt ndeh seh saơ Y-Jôsaphat, khân păng lah: “Aơ jêng hađăch Israel!” Khân păng plơ̆ ro hăn lơh hađăch. Y-Jôsaphat kuăl rklaih jêh ri Brah Yêhôva rklaih păng. Brah Ndu ƀư ăn phung rlăng du tă bơh păng,

I Yôhan 4:18

Mâu geh nau klach tâm nau rŏng, ƀiălah nau rŏng nŭm rĭng mƀăr lơi nau klach. Yorlah nau klach geh tât ma nau tâm rmal, jêh ri mbu nơm klach mâu dơi nŭm rĭng tâm nau rŏng.

Yêrêmi 22:23

May jêng nơm gŭ ta nklang bri Liban Gŭ đăp mpăn tâm lĕ ngih toyh ma tơm si sêdar, Dôl nau ji tât ta may, may mra rđêng nđor, Ji kruăt nâm bu du huê bu ur dôl deh kon!”

Êsai 26:16

Ơ Brah Yêhôva, tâm nau rêh ni, Khân păng joi May; Tơlah May nkra, khân păng kuăl mbơh sơm lĕ nuih n'hâm ma May.

Êsai 7:2

Tơlah bu mbơh ma ngih Y-Đavit pô aơ: “Phung Aram tâm rnglăp jêh đah phung Êphraim,” nuih n'hâm hađăch Ahas nđâp ma phung ƀon lan râm nsâr tâm ban ma tơm si tâm krŏng n'goh n'gơ tanăp sial.

Nau Mprơ Ơm 107:28

Rnôk nây, tâm nau rêh ni, khân păng vah vơl ma Brah Yêhôva, Jêh ri Brah Yêhôva tâm rklaih khân păng nau rêh ni.

Nau Mprơ Ơm 107:19

Rnôk nây, tâm nau rêh ni khân păng vah vơl ma Brah Yêhôva, Jêh ri Păng tâm rklaih khân păng bơh nau rêh ni.

Nau Mprơ Ơm 107:13

Rnôk nây, tâm nau rêh ni khân păng vah vơl ma Brah Yêhôva, Jêh ri Păng tâm rklaih khân păng bơh nau rêh ni.

Nau Ngluh Êjipt 15:25

Y-Môis kuăl dăn ma Brah Yêhôva. Brah Yêhôva ntĭm ma păng du n'gâng tơm si, păng nklăch tơm si nây tâm dak jêh ri dak jêng ueh. Ta aơ Brah Yêhôva ăn jêh nau vay dăp jêh ri nau vay dăp ma phung ƀon lan, jêh ri ta aơ đŏng Brah Yêhôva rlong uănh nuih n'hâm khân păng.

Nau Vay Nkah Tay 9:7

“Ăn khân may kah gĭt, lơi ta chuêl, tâm bri rdah khân may hŏ nsônh jêh nau ji nuih Yêhôva Brah Ndu kơt nĕ. Tă bơh nar khân may du luh bơh n'gor Êjipt kŏ tât ta ntŭk aơ, khân may hŏ tâm rdâng ƀaƀơ jêh đah Brah Yêhôva.

Nau Mprơ Ơm 81:7

“Tâm nau rêh ni, may kuăl pôri Gâp mra tâm rklaih may, Bơh ntŭk ndâp nglaih gŭ, Gâp mplơ̆ lah nau may. Jêh ri rlong uănh may ta dak n'hor Mêriba. (Sêla)

Nau Ngluh Êjipt 13:17

Nôk Pharaôn ăn phung ƀon lan Israel hăn du luh, Brah Ndu mâu njŭn leo ôh khân păng hăn rŏ trong găn n'gor Philistin, nđâp lah trong nây dăch lơn, yorlah Brah Ndu lah: “Klach lah phung ƀon lan saơ nau tâm lơh, khân păng mra rgâl nau mĭn jêh ri plơ̆ sĭt tay ta n'gor Êjipt.”

Yôsuê 24:6

Gâp djôt leo phung chô yau khân may du luh bơh Êjipt jêh ri hăn tât ma dak mƀŭt. Phung Êjipt tĭng phung chô yau khân may ma ndeh seh jêh ri phung tahan ncho seh tât ma Dak Mƀŭt Chăng.