Nau Ngluh Êjipt 13:5 - Nau Brah Ndu Ngơi 2023

⁵ Pôri, nôk Brah Yêhôva njŭn khân may lăp tâm n'gor phung Kanaan, phung Hitit, phung Amôrit, phung Hivit, jêh ri phung Jêbusit, jêng n'gor bêng ma dak toh jêh ri dak sŭt, Păng hŏ ton ma chô yau khân may mra ăn ma khân may, pôri lah tât khay aơ khân may kah gĭt prăp nau vay rƀŭn nây.

Nau Ngluh Êjipt 13:5 ပူးပေါင်းရင်းမြစ်များ

Nau Ntơm 26:3

Ăn may gŭ njưh tâm n'gor aơ, Gâp mra gŭ ndrel ma kon jêh ri ăn nau ueh uĭn ma kon; yorlah Gâp mra ăn ma may jêh ri ma noi deh kon lĕ nkual bri aơ jêh ri Gâp mra ƀư n'hêl nanê̆ nau Gâp ton jêh ma Y-Abraham, mbơ̆ may.

Nau Ntơm 50:24

Y-Yôsep ngơi ma phung nâu păng: “Gâp dăch khĭt, ƀiălah nanê̆ ngăn Brah Ndu mra khâl khân may, njŭn leo khân may luh bơh n'gor aơ gay plơ̆ sĭt ma n'gor Păng hŏ ton jêh ma Y-Abraham, ma Y-Isăk, jêh ri ma Y-Yakôb.”

I Nau Rêh Jêng 1:15

phung Hivit, phung Arkit, phung Sinit,

Nau Ngluh Êjipt 12:24

Djôt prăp hom nau rƀŭn aơ jêng nau ntăm n'ho ro ăn ma khân may jêh ri ma phung kon sau khân may.

Nau Ngluh Êjipt 13:10

Pôri tâm ăp năm, ăn khân may djôt prăp nau rƀŭn aơ di nôk yan hŏ nal jêh.”

Nau Ngluh Êjipt 13:11

“Lah Brah Yêhôva hŏ njŭn jêh khân may lăp ta n'gor Kanaan, tâm ban Păng hŏ ton jêh ma khân may jêh ri chô yau khân may, jêh ri lah Păng hŏ ăn jêh n'gor nây ma khân may,

Nau Ngluh Êjipt 3:17

Gâp ton ngăn Gâp mra ngluh khân may bơh nau rêh ni tâm n'gor Êjipt jêh ri djôt leo khân may lăp ta n'gor phung Kanaan, phung Hitit, phung Amôrit, phung Pêrisit, phung Hivit, jêh ri phung Jêbusit, jêng n'gor neh bêng ma dak toh jêh ri dak sŭt.’

Nau Ngluh Êjipt 3:8

Gâp jŭr gay ma tâm rklaih ƀon lan aơ bơh ti phung Êjipt, njŭn leo khân păng luh bơh n'gor nây, njŭn tât tâm du n'gor neh ueh jêh ri huy ngăn, ntŭk bêng ma dak toh jêh ri dak sŭt, jêng ta ntŭk gŭ phung Kanaan, phung Hitit, phung Amôrit, phung Pêrisit, phung Hivit jêh ri phung Jêbusit.

Nau Ngluh Êjipt 32:13

Dăn Kôranh Brah kah gĭt tay ma Y-Abraham, Y-Isăk jêh ri Y-Israel, jêng phung oh mon May, May hŏ sŏk amoh May nơm jêh ri ton jêh đah khân păng pô aơ: ‘Gâp mra ƀư ma noi deh khân may âk tâm ban bu mănh tâm trôk. Gâp mra ăn ma noi deh khân may lĕ n'gor aơ, jêng n'gor Gâp hŏ ngơi jêh ma khân may, jêh ri khân păng mra ndơn n'gor nây n'ho ro.’”

Nau Ngluh Êjipt 33:1

Yêhôva ngơi ma Y-Môis: “May jêh ri phung ƀon lan may ngluh jêh luh bơh n'gor Êjipt, hăn hom tă bơh ntŭk nây jêh ri hăn hom tât ta n'gor Gâp hŏ ton ma Y-Abraham, Y-Isăk, jêh ri Y-Yakôb pô aơ: ‘Gâp mra ăn n'gor nây ma phung kon sau khân may.’

Nau Ngluh Êjipt 34:11

Njrăng hom ma nau gâp ntĭnh ma may nar aơ. Aơ, Gâp mra nsot tă bơh tanăp khân may phung Amôrit, phung Kanaan, phung Hitit, phung Pêrisit, phung Hivit, jêh ri phung Jêbusit.

Nau Ngluh Êjipt 6:4

Gâp hŏ ƀư jêh nau tâm rnglăp đah khân păng gay ăn n'gor Kanaan, jêng n'gor khân păng hŏ gŭ njưh nâm phung bu năch.

Nau Ngluh Êjipt 6:8

Gâp mra djôt khân may lăp tâm n'gor Gâp hŏ ton jêh ăn ma Y-Abraham, Y-Isăk, Y-Yakôb, jêh ri ăn n'gor nây jêng drăp ndơn ma khân may: Gâp jêng Brah Yêhôva.’”

Yêrêmi 11:5

Pôri, Gâp dơi ƀư nau ton jêh Gâp hŏ ton ma phung chô yau khân may, jêng ăn ma khân păng du n'gor bri bêng ma dak toh jêh ri dak sŭt, nâm bu hŏ geh jêh nar aơ.’” Gâp plơ̆ lah: “Ơ Brah Yêhôva! Amen!”

Yêrêmi 32:22

May ăn jêh ma khân păng bri aơ, du mlâm bri geh ndơ sông sa rmeh ler, May hŏ ton jêh ăn ma phung chô yau khân păng.

Êsêkiêl 20:6

Tâm nar nây, Gâp ton ma khân păng pô aơ Gâp mra djôt leo luh tă bơh n'gor bri Êjipt gay ma lăp tâm du n'gor bri Gâp joi rơm ndrăp ăn ma khân păng, du n'gor bri, jêng bri geh dak toh jêh ri dak sŭt, bri ueh lơn tâm lĕ rngôch bri.

Kan Lêvi 20:24

Gâp hŏ ntăm jêh ma khân may: “Khân may mra dơn n'gor khân păng, Gâp mra ăn khân may n'gor nây jêng drăp ndơn khân may; nây jêng du n'gor bêng ma dak toh jêh ri dak sŭt.” Gâp jêng Yêhôva Brah Ndu khân may, hŏ tâm nkhah jêh khân may luh bơh phung ƀon lan êng.

Nau Kơp Bunuyh 11:12

Gâp hĕ bă ntreo ma lĕ rngôch phung ƀon lan aơ? Gâp hĕ deh ma khân păng, May lah ma gâp: ‘Chông hom phung ƀon lan aơ ta ntang ntơh may nâm bunuyh sâm mpu chông kon se hôm e pu, kŏ tât nôk khân păng lăp tâm n'gor May hŏ sơm ton jêh gay ăn ma phung chô yau khân păng?’

Nau Kơp Bunuyh 13:27

Khân păng nkoch ăn ma Y-Môis pô aơ: “Hên hăn tât jêh ma n'gor khân may hŏ prơh hên hăn. Nây jêng du n'gor bêng ma dak toh jêh ri dak sŭt; aơ jêng kao play tă bơh n'gor nây.

Nau Kơp Bunuyh 14:16

‘Brah Yêhôva mâu dơi ôh njŭn phung ƀon lan aơ ma mŭt ta n'gor Păng hŏ sơm ton ăn jêh ma khân păng; yor nây Păng hŏ nkhĭt khân păng tâm bri rdah.’

Nau Kơp Bunuyh 14:30

mâu mra dơi lăp ôh tâm n'gor Gâp hŏ ton jêh ăn ma khân may, knŏng Y-Kalep kon bu klâu Y-Jêphunê jêh ri Y-Yôsuê, kon bu klâu Y-Nun.

Nau Kơp Bunuyh 32:11

‘Phung bunuyh du luh jêh tă bơh n'gor Êjipt, ntơm bơh bar jât năm leo klơ mâu mra saơ n'gor Gâp hŏ ton jêh gay ăn ma Y-Abraham, ma Y-Isăk, jêh ri ma Y-Yakôb, yorlah khân păng mâu lĕ nuih n'hâm hăn tĭng Gâp,

Nau Vay Nkah Tay 12:29

Lah Yêhôva Brah Ndu lĕ ƀư rai jêh bơh khân may đơ phung ndŭl mpôl, khân may mra hăn lăp gay nsot lơi, jêh ri dôl hŏ nsot lơi jêh khân păng jêh ri khân may gŭ tâm n'gor nây

Nau Vay Nkah Tay 19:1

“Lah Yêhôva Brah Ndu khân may hŏ ƀư rai jêh phung ndŭl mpôl bunuyh tâm n'gor Păng ăn ma khân may, jêh ri dôl khân may hŏ nsot lơi jêh khân păng jêh nây gŭ tâm ăp ƀon jêh ri tâm ăp vâl khân păng,

Nau Vay Nkah Tay 26:1

“Lah khân may hŏ lăp jêh tâm n'gor Yêhôva Brah Ndu ăn ma khân may jêng drăp ndơn, hŏ jêng ndơ khân may jêh ri gŭ jêh tâm n'gor nây,

Nau Vay Nkah Tay 7:1

“Lah Yêhôva Brah Ndu khân may hŏ njŭn khân may lăp tâm n'gor khân may bơi sŏk dơn gay jêng drăp ndơn, Păng mra mprơh tă bơh tanăp khân may âk phung ndŭl mpôl tâm ban phung Hitit, phung Girgasit, phung Amôrit, phung Kanaan, phung Pêrisit, phung Hivit jêh ri phung Jêbusit, jêng pơh ndŭl mpôl ktang lơn jêh ri âk lơn ma khân may.

Yôsuê 24:11

Jêh khân may rgăn dak krong Yurdan, hŏ tât jêh ma ƀon Yêrikô. Phung ƀon lan Yêrikô, tâm ban ma phung Amôrit, phung Pêrisit, phung Kanaan, phung Hitit, phung Girgasit, phung Hivit, jêh ri phung Jêbusit hăn lơh khân may, jêh ri Gâp jao jêh khân păng tâm ti khân may.