Nau Ngluh Êjipt 13:3 - Nau Brah Ndu Ngơi 2023

³ Y-Môis lah ma phung ƀon lan: “Ăn khân may ndray nar aơ, yorlah aơ jêng nar Brah Yêhôva dŏng mpang ti nau brah gay djôt khân may luh bơh n'gor Êjipt, jêng luh bơh ngih dĭk bu, lơi sa ôh piăng let geh ndrui.

Nau Ngluh Êjipt 13:3 ပူးပေါင်းရင်းမြစ်များ

Nau Ntơm 15:16

Tât rô̆ tal puăn, phung kon sau may mra plơ̆ sĭt ta aơ, yorlah nau djơh mhĭk phung Amôrit ê hŏ nă rĭng.”

I Phung Hađăch 8:42

(Yorlah khân păng hŏ tăng jêh ma amoh toyh May, ma ti brah May jêh ri ti May yơr sŏng jêh). Tơlah khân păng văch tât mbơh sơm tâm ngih brah aơ,

I Nau Rêh Jêng 16:12

Kah gĭt tay hom lĕ nau kan khlay Păng hŏ ƀư, Lĕ nau mbên jêh ri nau phat dôih bơh bâr mbung Păng,

Nêhêmi 1:10

Khân păng jêng phung oh mon jêh ri phung ƀon lan ma Kôranh Brah, jêng phung Kôranh Brah hŏ rklaih jêh ma ti dŭt dăng, bêng nau brah bơh May.

Nêhêmi 9:10

Păng ƀư mpơl nau mbên âk ntil jêh ri nau mbên mha tâm rdâng đah Pharaôn, Jêh ri phung oh mon păng jêh ri lĕ rngôch phung ƀon lan tâm bri dak, Yorlah Kôranh Brah gĭt khân păng hŏ ƀư djơh rlau keh ir ma chô yau hên. Kôranh Brah ƀư ăn lư n'găr amoh Kôranh Brah tât nâm bu ta nar aơ.

Nau Mprơ Ơm 105:5

Ơ noi deh Abraham jêng oh mon Păng, Ơ phung kon sau Y-Yakôb jêng phung Păng săch jêh! Ăn khân may kah gĭt nau kan khlay Păng ƀư jêh, Lĕ nau mbên khlay jêh ri nau phat dôih bơh bâr mbung Păng.

Nau Mprơ Ơm 114:1

Lah Israel du luh tă bơh bri Êjipt, Ngih Yakôb chalơi du phung mpôl băl ngơi nau bu năch,

Nau Mprơ Ơm 136:11

Djôt leo phung Israel bơh bri Êjipt Yor nuih n'hâm ueh Păng hôm tât n'ho ro.

Nau Mprơ Ơm 136:12

Ma mpang ti brah jêh ri nting tur yơr, Yor nuih n'hâm ueh Păng hôm tât n'ho ro.

Nau Mprơ Ơm 89:14

Nau sŏng srăng jêh ri nau di jêng ntur ma sưng hađăch May; Nau ueh jêh ri nau nanê̆ ngăn hăn tanăp May.

Nau Ngluh Êjipt 12:15

Tâm pơh nar ăn khân may sa piăng let mâu geh ndrui. Ta nar tal nguay, ăn khân may sŏk mƀăr lơi ndrui bơh ngih khân may, yorlah tơlah mbu sa piăng let geh ndrui ntơm bơh nar tal nguay tât ta nar tal pơh, mra ngluh lơi nơm nây bơh phung Israel.

Nau Ngluh Êjipt 12:17

Pôri ăn khân may kah gĭt nau rƀŭn Piăng Let Mâu Geh Ndrui yorlah di tâm nar aơ Gâp hŏ djôt phung tahan khân may luh bơh n'gor Êjipt. Yor ri, tâm lĕ rngôch rô̆ ăn khân may kah gĭt prăp nar aơ nâm bu du nau ntăm n'ho ro.

Nau Ngluh Êjipt 12:19

Tâm pơh nar, lơi ăn geh ndrui ôh tâm ngih khân may; nđâp lah bu năch mâu lah bunuyh tơm bri, tơlah mbu sa piăng let geh ndrui mra ngluh lơi bơh phung Israel tâm rƀŭn.

Nau Ngluh Êjipt 12:2

“Khay aơ mra jêng khay tal nguay ăn ma khân may, nây jêng khay nguay tâm năm.

Nau Ngluh Êjipt 12:41

Di tâm nar nglĕ dŭt puăn rhiăng pe jât năm, lĕ rngôch phung tahan Brah Yêhôva du luh bơh n'gor Êjipt.

Nau Ngluh Êjipt 12:42

Măng nây jêng măng Brah Yêhôva kâp njrăng, yorlah tâm măng nây Păng hŏ djôt phung Israel luh bơh n'gor Êjipt. Yor nây, tâm lĕ rngôch rô̆, phung ƀon lan Israel kah gĭt prăp măng nây gây yơk mbah ma Brah Yêhôva.

Nau Ngluh Êjipt 12:8

Tâm măng nây khân păng mra sa puăch nđông ta ŭnh nđâp piăng let mâu geh ndrui jêh ri trao tăng.

Nau Ngluh Êjipt 13:14

Tâm nar kăndơ̆ taơ lah kon bu klâu khân may ôp: ‘Nau aơ mâm jêng?’ ăn khân may plơ̆ lah: ‘Yorlah Brah Yêhôva hŏ dŏng ti nau brah Păng gay ngluh he du luh bơh n'gor Êjipt, rklaih bơh ngih dĭk bu.

Nau Ngluh Êjipt 13:9

Jêh ri mpeh ma khân may, nây mra jêng nâm bu du nau mbên ta ti khân may, du nau ndray ta vah vang bar ding măt khân may gay ma nau vay bơh Brah Yêhôva gŭ tâm trôm mbung khân may; yorlah Brah Yêhôva hŏ dŏng ti nau brah gay leo khân may du luh bơh n'gor Êjipt.

Nau Ngluh Êjipt 20:2

“Gâp jêng Yêhôva Brah Ndu khân may, Nơm hŏ ngluh jêh khân may tă bơh n'gor Êjipt, tă bơh ngih dĭk bu.

Nau Ngluh Êjipt 20:8

Kah gĭt hom nar rlu gay ƀư nar kloh ueh.

Nau Ngluh Êjipt 23:15

Ăn may djôt prăp nau rƀŭn Piăng Let Mâu Geh Ndrui. Tâm pơh nar, ăn sa piăng let mâu geh ndrui tâm nar lĕ nal jêh tâm khay Abip, nâm Gâp hŏ ntăm ntĭnh jêh kon, yor tâm khay nây kon hŏ luh jêh bơh n'gor Êjipt. Mâu geh ăn du huê hăn ti dơm văch tanăp măt Gâp.

Nau Ngluh Êjipt 3:20

Yor ri, Gâp mra yơr ti rmal n'gor Êjipt đah lĕ nau mbên mha Gâp mra ƀư tâm n'gor nây, jêh nây khân păng mra ăn khân may hăn.

Nau Ngluh Êjipt 34:18

“Ăn may kah gĭt prăp nau rƀŭn Piăng Let Mâu Geh Ndrui. Nâm bu Gâp hŏ ntĭm nti jêh ma khân may sa piăng let mâu geh ndrui dôl tâm pơh nar ta yan hŏ nal jêh tâm khay Abip, yorlah tâm khay Abip khân may luh bơh n'gor Êjipt.

Nau Ngluh Êjipt 6:1

Brah Yêhôva lah ma Y-Môis: “Aƀaơ may mra saơ lĕ nau Gâp mra ƀư ma Pharaôn. Nanê̆, yor tă bơh mpang ti nau brah Gâp, hađăch nây mra ăn phung Israel hăn luh; yor tă bơh mpang ti nau brah Gâp, hađăch nây mra mprơh khân păng luh bơh n'gor păng.”

Nau Ngluh Êjipt 6:6

Yor nây, ăn may lah ma phung ƀon lan Israel: ‘Gâp jêng Brah Yêhôva, Gâp mra djôt khân may luh bơh kan jâk phung Êjipt jêh ri rklaih khân may bơh nau ƀư dĭk. Gâp mra yơr ti sŏng, dŏng nau phat dôih jâk jêr gay tâm chuai khân may.

Nau Ngluh Êjipt 6:7

Gâp mra dơn khân may jêng phung ƀon lan Gâp, jêh ri Gâp mra jêng Brah Ndu khân may. Khân may mra gĭt Gâp jêng Yêhôva Brah Ndu khân may, Nơm hŏ djôt khân may luh bơh kan jâk jêr tă bơh phung Êjipt.

Nau Ngluh Êjipt 7:4

Pharaôn mâu mra iăt ôh nau khân may. Gâp mra yơr ti gay rmal n'gor Êjipt ma nau jâk jêr gay djôt leo phung tahan Gâp, jêng phung ƀon lan Israel, luh bơh n'gor nây.

Yêrêmi 34:13

“Brah Yêhôva, Brah Ndu Israel lah: Dôl njŭn leo phung chô yau khân may du luh tă n'gor bri Êjipt, rklaih tă bơh ngih dĭk, Gâp hŏ ƀư jêh nau tâm rnglăp đah khân păng pô aơ:

Daniel 9:15

Aƀaơ aơ, ơ Kôranh Brah jêng Brah Ndu hên, May sŏk jêh ma ti brah njŭn leo phung ƀon lan May luh bơh n'gor Êjipt, hŏ ƀư lư n'găr jêh amoh May nâm bu nar aơ; bi ma hên ƀư tih jêh, hŏ ƀư jêh nau ƀai.

Mathay 10:12

Moh jây he lăp, ăn lah nau đăp mpăn ma jây nây;

Luka 22:19

Jêh nây Păng sŏk piăng let, lah ueh, nkê̆ch piăng let, tâm pă ma phung oh mon jêh ri lah: “Aơ jêng săk jăn Gâp ăn ma yor khân may. Ƀư hom nau nây gay ma kah gĭt ma Gâp.”

I Kôrintô 11:24

lah ueh, jêh nkê̆ch piăng let jêh ri lah pô aơ: “Aơ jêng săk jăn Gâp jao ăn ma khân may, ƀư hom nau aơ gay ma kah gĭt ma Gâp.”

I Kôrintô 5:8

Pôri, ăn he kah gĭt ndray rƀŭn Nau Găn, lơi dŏng ndrui ơm ôh, jêng ndrui nau djơh mhĭk jêh ri ƀai, ƀiălah ma piăng let mâu geh ndrui nau răp jăp jêh ri nau ngăn.

Êphêsô 1:19

jêh ri ntŭk ta nau brah dŭt toyh mâu hôm blau veh Păng đah he, jêng phung chroh, tĭng nau ƀư tâm nau brah dŭt prêh Păng.

Nau Vay Nkah Tay 13:10

Ăn khân may klŭp păng ma lŭ tât khĭt, yorlah păng lĕ joi nau gay têk khân may hăn teng ngai đah Yêhôva Brah Ndu khân may, jêng Nơm hŏ njŭn leo jêh khân may luh bơh n'gor Êjipt, rklaih bơh vâl dĭk.

Nau Vay Nkah Tay 13:11

Lĕ rngôch phung Israel mra tăng nau nây jêh ri klach, jêh ri mâu hôm ƀư ôh du nau djơh tâm ban pônây ta nklang khân may.

Nau Vay Nkah Tay 13:5

Bi nơm mbơh lor mâu lah nơm vay mbơi nây bu mra nkhĭt păng yorlah păng nsŭk jêh nau tâm rdâng đah Yêhôva Brah Ndu khân may, jêng Nơm njŭn leo jêh khân may luh bơh n'gor Êjipt, chuai khân may bơh vâl dĭk. Păng ƀư ma khân may chalơi trong Yêhôva Brah Ndu khân may hŏ ntĭnh jêh ăn khân may hăn. Pônây ăn khân may ƀư kloh nau djơh mhĭk bơh tâm nklang khân may.

Nau Vay Nkah Tay 13:6

Tơlah oh nâu khân may, kon bu klâu, kon bu ur, mâu lah ur khân may rŏng ngăn, mâu lah mĭt jiăng dăch đah khân may, jêng nơm ndơm khân may ma nau ndâp pô aơ: ‘Ăn he hăn jêh ri yơk mbah ma brah êng’ jêng phung brah khân may mâu lah phung chô yau khân may mâu hŏ gĭt năl ôh,

Nau Vay Nkah Tay 15:15

Kah gĭt hom khân may lĕ tă ƀư dĭk jêh tâm n'gor Êjipt jêh ri Yêhôva Brah Ndu khân may tâm chuai jêh khân may. Yor nây nar aơ gâp ntĭnh ma khân may nau aơ.

Nau Vay Nkah Tay 16:1

“Ăn khân may kah gĭt prăp khay rƀŭn Nau Găn ma Yêhôva Brah Ndu he tâm khay Abip yorlah tâm khay Abip nây Yêhôva Brah Ndu khân may hŏ njŭn leo jêh khân may luh bơh n'gor Êjipt tâm kêng măng.

Nau Vay Nkah Tay 16:12

Ăn khân may kah gĭt khân may hŏ tă jêng dĭk jêh tâm n'gor Êjipt jêh ri njrăng hom ƀư tĭng kơt lĕ nau vay dăp nây.”

Nau Vay Nkah Tay 16:3

Lơi sa ndơ ƀư brah nây ndrel ma piăng let geh ndrui. Tâm pơh nar khân may mra sa piăng let mâu geh ndrui, jêng piăng let nau rêh ni, yorlah khân may hŏ luh jêh ma nau ndal bơh n'gor Êjipt, gay du njăr rêh khân may kah gĭt ma nar khân may nơm hŏ luh bơh n'gor Êjipt.

Nau Vay Nkah Tay 24:18

Kah gĭt hom pô aơ, khân may hŏ tă ƀư jêh dĭk tâm n'gor Êjipt, jêh ri Yêhôva Brah Ndu khân may tâm chuai jêh khân may bơh ntŭk nây. Yor ri, gâp ntĭnh ma khân may mra ƀư nau aơ.

Nau Vay Nkah Tay 24:22

Kah gĭt hom pô aơ, khân may hŏ tă ƀư jêh dĭk tâm n'gor Êjipt. Yor ri, gâp ntĭnh ma khân may ƀư nâm bu gâp hŏ lah jêh.”

Nau Vay Nkah Tay 26:8

Brah Yêhôva hŏ yơr dĭ ti nau brah, ƀư mpơl nau mbên jêh ri nau mbên mha dŭt toyh jêh ri krit ngăn, gay njŭn leo hên du luh bơh n'gor Êjipt,

Nau Vay Nkah Tay 4:34

Mâu lah mâp geh lĕ du huê brah hăn săch ma păng nơm du mpôl băl bunuyh tă bơh nklang du mpôl băl êng ma lĕ nau tâm rlong, mpơl nau mbên jêh ri nau mbên mha, ma nau tâm lơh, ma ti nau dơi yơr huy, ma lĕ nau krit klach toyh, nâm bu lĕ rngôch nau Yêhôva Brah Ndu hŏ ƀư jêh ma khân may tâm n'gor Êjipt tanăp măt khân may?

Nau Vay Nkah Tay 5:15

Ăn kah gĭt hom may hŏ jêng jêh dĭk nă tâm n'gor Êjipt, jêh ri Yêhôva Brah Ndu may yơr ti bêng nau brah Păng djôt leo may du luh jêh bơh ntŭk nây. Yor ri, Yêhôva Brah Ndu may hŏ ntĭm nti jêh ma may ăn djôt prăp nar rlu.

Nau Vay Nkah Tay 5:6

‘Gâp jêng Yêhôva Brah Ndu may, Nơm hŏ ngluh jêh may luh bơh n'gor bri Êjipt jêng phung dĭk nă.

Nau Vay Nkah Tay 6:12

njrăng hom klach lah may chuêl Brah Yêhôva jêng Nơm hŏ njŭn leo jêh may luh bơh n'gor Êjipt, jêng bơh vâl dĭk bu.

Nau Vay Nkah Tay 6:21

Ăn may lah ma kon sau may: ‘Kăl e he jêng dĭk ma Pharaôn tâm n'gor Êjipt, ƀiălah Brah Yêhôva hŏ sŏk jêh he ma ti nau brah djôt leo he luh bơh n'gor nây.

Nau Vay Nkah Tay 7:8

Ƀiălah yorlah Brah Yêhôva rŏng ma khân may jêh ri gay djôt prăp nau ton Păng ton jêh ma phung chô yau khân may, Brah Yêhôva hŏ dŏng jêh ti nau dơi gay leo khân may du luh, chuai khân may bơh vâl dĭk bu jêh ri bơh ti Pharaôn, hađăch n'gor Êjipt.

Nau Vay Nkah Tay 8:14

nôk nây nuih n'hâm khân may sưr rlau, chuêl hêng Yêhôva Brah Ndu jêng Nơm hŏ njŭn leo khân may luh bơh n'gor Êjipt, jêng bơh vâl dĭk bu.

Nau Vay Nkah Tay 9:12

Brah Yêhôva lah ma gâp: ‘Dâk hom, jŭr gơnh bơh ntŭk aơ yorlah phung ƀon lan may njŭn jêh luh bơh n'gor Êjipt hŏ ƀư jêng nau tih mhĭk. Khân păng hŏ chalơi gơnh trong Gâp hŏ ntĭm nti jêh, jêh ri tŏ ma khân păng nơm du mlâm rup brah.’

Yôsuê 24:17

Yorlah Yêhôva Brah Ndu he, Păng nơm njŭn leo jêh hên jêh ri phung chô yau hên du luh bơh Êjipt, jêng luh bơh ngih dĭk. Păng ƀư jêh lĕ nau mbên khlay toyh ngăn ngên tanăp măt hên jêh ri king n'gang hên tâm lĕ nau nsong jêh ri ta nklang lĕ rngôch phung ƀon lan hên hŏ rgăn.

Phung Kôranh Phat Dôih 2:12

chalơi Brah Yêhôva Brah Ndu phung chô yau, jêng Nơm hŏ njŭn leo du chô yau khân păng luh bơh n'gor Êjipt. Khân păng hăn tĭng phung brah êng, brah phung ƀon lan gŭ jŭm khân păng, jêh ri chon mbah ma phung brah nây ƀư ăn Brah Yêhôva ji nuih.

Phung Kôranh Phat Dôih 6:8

ri mơ Brah Yêhôva prơh du huê nơm mbơh lor hăn tât gay lah ma phung ƀon lan Israel pô aơ: “Yêhôva Brah Ndu ma phung Israel lah: ‘Gâp hŏ leo khân may du luh bơh n'gor Êjipt, ngluh jêh khân may luh bơh ngih dĭk bu.