Nau Ngluh Êjipt 13:22 - Nau Brah Ndu Ngơi 2023

²² N'gâng tŭk nôk nar, n'gâng ŭnh nôk măng mâu geh du ngai ôh bơh phung ƀon lan.

Nau Ngluh Êjipt 13:22 ပူးပေါင်းရင်းမြစ်များ

Nêhêmi 9:12

Nôk nar Kôranh Brah njŭn leo khân păng ma n'gâng tŭk Jêh ri bri măng ma n'gâng ŭnh gay nchrat ang tâm trong khân păng hăn rgăn.

Nêhêmi 9:19

Kôranh Brah ăt yô̆ nđach, mâu chalơi ôh khân păng tâm bri rdah. N'gâng tŭk njŭn trong nôk nar, mâu nkhah bơh khân păng, N'gâng ŭnh nchrat ang dôl bri măng ta klơ trong ăn khân păng dơi hăn.

Nau Ngluh Êjipt 14:1

Brah Yêhôva lah ma Y-Môis:

Nau Ngluh Êjipt 14:19

Tông mpăr Brah Ndu ơm vay hăn lor panăp rmlak tahan phung Israel, hŏ trơn jêh jêh ri hăn pakơi khân păng; bi n'gâng tŭk hŏ trơn jêh bơh panăp khân păng hăn mpeh pakơi,

Nau Ngluh Êjipt 40:38

Yorlah tâm lĕ nar khân păng hăn trong, ndâr tŭk Brah Yêhôva gŭ ta klơ Ngih Bok nôk nar jêh ri geh ŭnh tâm ndâr tŭk nôk măng tanăp măt lĕ rngôch ngih Israel.

Êsai 4:5

ta klơ lam ntŭk yôk Siôn jêh ri ta klơ phung ƀon tâm rƀŭn, Brah Yêhôva mra rhăk ndâr tŭk dôl nar, nhhŭk ŭnh jêh ri nau ang mpiăt ŭnh tâm dôl măng. Yorlah mra geh ndơ đôr nkŭm ta klơ lĕ rngôch ndơ chrêk rmah;

Nau Kơp Bunuyh 9:15

‘Ta nar bu ndâk Ngih Bok ndâr tŭk nkŭm Ngih Bok, jêng Ngih Bok Nau Tâm Rnglăp. Ta kêng măng tât ta ang ôi taơ, ndâr tŭk gŭ ta klơ Ngih Bok nâm ndâr ŭnh.

Nau Tâm Mpơl 10:1

Pakơi nây, gâp saơ du huê tông mpăr êng geh nau dơi jŭr tă bơh trôk, geh du ndâr tŭk nkŭm păng. Ta klơ bôk tông mpăr geh bêh tŭng tĭng; muh măt tông mpăr nâm bu nar jêh ri jâng nâm bu n'gâng ŭnh.