Nau Ngluh Êjipt 13:18 - Nau Brah Ndu Ngơi 2023

¹⁸ Rĭ dĭng Brah Ndu njŭn leo phung ƀon lan hăn ndăch tĭng trong tâm bri rdah, sĭt let Dak Mƀŭt Chăng. Nôk luh bơh n'gor Êjipt, phung ƀon lan Israel geh ndrăp jêh ndơ gay tâm lơh.

Nau Ngluh Êjipt 13:18 ပူးပေါင်းရင်းမြစ်များ

Nau Ntơm 50:25

Y-Yôsep đă phung kon sau Israel ton, lah: “Lah Brah Ndu khâl khân may, ăn khân may mra rdeng nting gâp luh bơh n'gor aơ.”

Nau Mprơ Ơm 107:7

Njŭn leo khân păng ta trong sŏng, Kŏ tât nôk khân păng dơi joi du rplay ƀon gay ma gŭ.

Nau Mprơ Ơm 136:16

Nơm njŭn phung ƀon lan Păng rgăn bri rdah, Yor nuih n'hâm ueh Păng hôm tât n'ho ro.

Nau Mprơ Ơm 68:8

Pôri neh ntu mpât n'gơ, lĕ ndâr trôk nkhŭt dak mih Tanăp măt Brah Ndu, jêng Nơm Sinai, Tanăp măt Brah Ndu, jêng Brah Ndu phung Israel.

Nau Ngluh Êjipt 12:51

Nar nây ro, Brah Yêhôva leo phung ƀon lan Israel du luh bơh n'gor Êjipt tĭng nâm ndŭl mpôl.

Nau Ngluh Êjipt 14:2

“Ntĭnh hom ma phung ƀon lan Israel plơ̆ sĭt tay ndâk ngih bok tanăp Pi-hahirôt, vah vang Mikdôl jêh ri dak mƀŭt, tâm tham đah Baal-Sêphôn. Ăn khân may ndâk ngih bok ta ntŭk nây, dăch kơh dak mƀŭt.

Nau Ngluh Êjipt 14:9

Phung Êjipt hăn tĭng khân păng ma seh, ndeh seh, phung tahan ncho seh, nđâp phung tahan Pharaôn hăn tĭng jêh ri ban phung Israel, dôl khân păng ndâk ngih bok ta kơh dak mƀŭt, dăch Pi-hahirôt, tâm tra đah Baal-Sêphôn.

Nau Vay Nkah Tay 17:16

Knŏng geh du nau hađăch nĕ mâu dơi ôh ntop âk seh, kŏ mâu đŏng yor ŭch ntop âk seh njŭn tay phung ƀon lan plơ̆ sĭt tay ta n'gor Êjipt, yorlah Brah Yêhôva hŏ ntăm jêh ma khân may pô aơ: ‘Khân may mâu đŏng dơi plơ̆ tay ta trong nây.’

Nau Vay Nkah Tay 32:10

Păng joi saơ khân păng tâm du ntŭk bri hŏng, Ta nklang lĕ nau nter ngrông bơh bri rdah. Păng nkŭm khân păng, mât mray khân păng, Mât uănh khân păng nâm bu găr măt Păng.

Yôsuê 1:14

Ur, kon, jêh ri mpô mpa rong khân may mra gŭ tâm neh Y-Môis ăn ma khân may mpeh kơh aơ dak krong Yurdan; ƀiălah khân may, jêng lĕ rngôch phung janh ktang, ăn djôt ndơ tâm lơh hăn rlet lor panăp đah phung oh nâu khân may, jêh ri kâp kơl khân păng,

Yôsuê 4:12

Phung kon sau Ruben, kon sau phung Gat, jêh ri du n'gul ndŭl mpôl Manasê djôt ndơ tâm lơh hăn lor panăp phung ƀon lan Israel, di nâm nau Y-Môis ntĭnh jêh ma khân păng.

Yôsuê 4:13

Geh tâm puăn rmưn bunuyh djôt jêh ndơ lơh gay hăn tâm lơh, hăn rgăn tanăp Brah Yêhôva, hăn rduh lơh lĕ neh lâng Yêrikô, gay tâm lơh đah phung rlăng.