Nau Ngluh Êjipt 13:17 - Nau Brah Ndu Ngơi 2023

¹⁷ Nôk Pharaôn ăn phung ƀon lan Israel hăn du luh, Brah Ndu mâu njŭn leo ôh khân păng hăn rŏ trong găn n'gor Philistin, nđâp lah trong nây dăch lơn, yorlah Brah Ndu lah: “Klach lah phung ƀon lan saơ nau tâm lơh, khân păng mra rgâl nau mĭn jêh ri plơ̆ sĭt tay ta n'gor Êjipt.”

Nau Ngluh Êjipt 13:17 ပူးပေါင်းရင်းမြစ်များ

I Phung Hađăch 8:47

Tơlah tâm n'gor ƀư dĭk bu, khân păng rgâl nuih n'hâm, rmal nau tih jêh ri vơl dăn ma Kôranh Brah pô aơ: ‘Hên ƀư tih jêh, ƀư nau kue jêh ri djơh mhĭk;’

Nêhêmi 9:17

Khân păng mâu tông bâr ôh jêh ri mâu kah gĭt ma nau mbên khlay ngăn ngên Kôranh Brah hŏ ƀư jêh ta nklang khân păng, Ƀiălah khân păng dăng ko jêh ri tâm nôk tâm rdâng, Khân păng săch du huê kôranh chiă uănh gay leo ma khân păng plơ̆ sĭt tay nau ƀư dĭk. Ƀiălah Kôranh Brah jêng Brah Ndu rơm ndrăp yô̆ an, vay ƀư nau yô̆, jêh ri yô̆ nđach, Mâu gơnh ji nuih jêh ri bêng ma nuih n'hâm ueh. Kôranh Brah mâu chalơi khân păng ôh.

Nau Ngluh Êjipt 14:10

Lah Pharaôn tât dăch, phung ƀon lan Israel n'gơr uănh saơ phung Êjipt dôl hăn tĭng. Khân păng klach hâu ngăn, nter lŭng ma Brah Yêhôva.

Kôranh Oh Mon 15:38

Ƀiălah Y-Pôl mĭn mâu ueh djôt leo Y-Markôs, yorlah Y-Markôs hŏ chalơi bar hê khân păng ta n'gor Pamphili, mâu hăn ndrel ma khân păng tâm nau pah kan tay.

Kôranh Oh Mon 7:39

Ƀiălah phung chô yau he mâu tông bâr păng, dun păng jêh ri rle nuih n'hâm khân păng nơm plơ̆ ma n'gor Êjipt.

Nau Vay Nkah Tay 17:16

Knŏng geh du nau hađăch nĕ mâu dơi ôh ntop âk seh, kŏ mâu đŏng yor ŭch ntop âk seh njŭn tay phung ƀon lan plơ̆ sĭt tay ta n'gor Êjipt, yorlah Brah Yêhôva hŏ ntăm jêh ma khân may pô aơ: ‘Khân may mâu đŏng dơi plơ̆ tay ta trong nây.’

Nau Vay Nkah Tay 20:8

Phung kôranh chiă uănh lah tay ma phung ƀon lan: ‘Mbu nơm klach jêh ri n'hŭng? Ăn păng plơ̆ sĭt ta ngih păng, lah mâu klăp lah bunuyh nây mra ƀư ma băl păng rdja nuih n'hâm tâm ban ma păng.’

Nau Vay Nkah Tay 28:68

Brah Yêhôva mra njŭn khân may plơ̆ tay ta n'gor Êjipt ma kumpăn, ma trong gâp hŏ tă lah jêh, khân may mâu hôm saơ păng ôh. Ta nây khân may mra tăch khân may nơm ƀư dĭk ma phung rlăng, ƀiălah mâu geh ôh nơm rvăt.”

ហេឞ្រើ 11:27

Yor ma nau chroh, păng du tă bơh n'gor Êjipt mâu klach ma nau hađăch ji nuih ôh; yorlah păng srôih nâm bu păng hŏ saơ jêh Nơm bu mâu blau saơ.

Phung Kôranh Phat Dôih 7:3

Pônây aƀaơ, mbơh hom ma phung ƀon lan gĭt: ‘Mbu moh klach jêh ri râm sâr, ăn păng du tă bơh yôk Gilêat ro jêh ri plơ̆ sĭt ma ngih!’” Pôri geh bar rmưn bar rbăn nuyh plơ̆ sĭt, hôm e du rmưn nuyh gŭ ta aơ.