Nau Ngluh Êjipt 13:16 - Nau Brah Ndu Ngơi 2023

¹⁶ Nây mra jêng du nau mbên ta ti jêh ri ndơ kât klơ ndăr kleng ta nklang bar ding măt khân may, gay ma nkah pô aơ Brah Yêhôva hŏ dŏng ti nau brah Păng djôt hên du luh bơh n'gor Êjipt.”

Nau Ngluh Êjipt 13:16 ပူးပေါင်းရင်းမြစ်များ

Nêhêmi 1:10

Khân păng jêng phung oh mon jêh ri phung ƀon lan ma Kôranh Brah, jêng phung Kôranh Brah hŏ rklaih jêh ma ti dŭt dăng, bêng nau brah bơh May.

Nau Mprơ Ơm 136:11

Djôt leo phung Israel bơh bri Êjipt Yor nuih n'hâm ueh Păng hôm tât n'ho ro.

Nau Ngluh Êjipt 12:13

Mhĭng mham ta klơ ngih khân may dôl gŭ, mra jêng nau tâm mbên ăn ma khân may. Nôk Gâp ƀư nau nđêh nji tâm n'gor Êjipt, saơ mham nây Gâp mra hăn rgăn jêh ri mâu mra geh ôh nau mhĭk tât gay ƀư rai khân may.

Nau Ngluh Êjipt 12:41

Di tâm nar nglĕ dŭt puăn rhiăng pe jât năm, lĕ rngôch phung tahan Brah Yêhôva du luh bơh n'gor Êjipt.

Nau Ngluh Êjipt 13:14

Tâm nar kăndơ̆ taơ lah kon bu klâu khân may ôp: ‘Nau aơ mâm jêng?’ ăn khân may plơ̆ lah: ‘Yorlah Brah Yêhôva hŏ dŏng ti nau brah Păng gay ngluh he du luh bơh n'gor Êjipt, rklaih bơh ngih dĭk bu.

Nau Ngluh Êjipt 13:9

Jêh ri mpeh ma khân may, nây mra jêng nâm bu du nau mbên ta ti khân may, du nau ndray ta vah vang bar ding măt khân may gay ma nau vay bơh Brah Yêhôva gŭ tâm trôm mbung khân may; yorlah Brah Yêhôva hŏ dŏng ti nau brah gay leo khân may du luh bơh n'gor Êjipt.

Nau Ngluh Êjipt 6:1

Brah Yêhôva lah ma Y-Môis: “Aƀaơ may mra saơ lĕ nau Gâp mra ƀư ma Pharaôn. Nanê̆, yor tă bơh mpang ti nau brah Gâp, hađăch nây mra ăn phung Israel hăn luh; yor tă bơh mpang ti nau brah Gâp, hađăch nây mra mprơh khân păng luh bơh n'gor păng.”

Nau Ngluh Êjipt 6:6

Yor nây, ăn may lah ma phung ƀon lan Israel: ‘Gâp jêng Brah Yêhôva, Gâp mra djôt khân may luh bơh kan jâk phung Êjipt jêh ri rklaih khân may bơh nau ƀư dĭk. Gâp mra yơr ti sŏng, dŏng nau phat dôih jâk jêr gay tâm chuai khân may.

Nau Hôr 6:21

Nchih prăp hom păng ƀaƀơ tâm nuih n'hâm may Jêh ri văn păng ta trô ko may.

Daniel 9:15

Aƀaơ aơ, ơ Kôranh Brah jêng Brah Ndu hên, May sŏk jêh ma ti brah njŭn leo phung ƀon lan May luh bơh n'gor Êjipt, hŏ ƀư lư n'găr jêh amoh May nâm bu nar aơ; bi ma hên ƀư tih jêh, hŏ ƀư jêh nau ƀai.

Mathay 23:5

Lĕ kan khân păng ƀư yorlah ŭch ma bu saơ. Yor ri, khân păng ƀư lĕ dŭng dĭ prăp nau vay, ntrŭnh grong ao ma jong;

Kôranh Oh Mon 13:17

Brah Ndu phung Israel săch jêh phung chô yau he, ƀư ăn phung ƀon lan aơ chăt jêng dôl gŭ njưh tâm n'gor Êjipt; Păng sŏk ti nau brah njŭn leo khân păng luh tă bơh n'gor nây.

Nau Vay Nkah Tay 11:18

Pôri djôt prăp hom tâm nuih n'hâm lĕ nau gâp ngơi ma khân may, kât hom lĕ nau ngơi ta ti gay ƀư nau tâm mbên jêh ri mpân ta ndăr kleng gay gĭt năl.

Nau Vay Nkah Tay 26:8

Brah Yêhôva hŏ yơr dĭ ti nau brah, ƀư mpơl nau mbên jêh ri nau mbên mha dŭt toyh jêh ri krit ngăn, gay njŭn leo hên du luh bơh n'gor Êjipt,

Nau Vay Nkah Tay 5:15

Ăn kah gĭt hom may hŏ jêng jêh dĭk nă tâm n'gor Êjipt, jêh ri Yêhôva Brah Ndu may yơr ti bêng nau brah Păng djôt leo may du luh jêh bơh ntŭk nây. Yor ri, Yêhôva Brah Ndu may hŏ ntĭm nti jêh ma may ăn djôt prăp nar rlu.

Nau Vay Nkah Tay 6:21

Ăn may lah ma kon sau may: ‘Kăl e he jêng dĭk ma Pharaôn tâm n'gor Êjipt, ƀiălah Brah Yêhôva hŏ sŏk jêh he ma ti nau brah djôt leo he luh bơh n'gor nây.

Phung Kôranh Phat Dôih 2:12

chalơi Brah Yêhôva Brah Ndu phung chô yau, jêng Nơm hŏ njŭn leo du chô yau khân păng luh bơh n'gor Êjipt. Khân păng hăn tĭng phung brah êng, brah phung ƀon lan gŭ jŭm khân păng, jêh ri chon mbah ma phung brah nây ƀư ăn Brah Yêhôva ji nuih.