Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Nau Ngluh Êjipt 13:14 - Nau Brah Ndu Ngơi 2023

14 Tâm nar kăndơ̆ taơ lah kon bu klâu khân may ôp: ‘Nau aơ mâm jêng?’ ăn khân may plơ̆ lah: ‘Yorlah Brah Yêhôva hŏ dŏng ti nau brah Păng gay ngluh he du luh bơh n'gor Êjipt, rklaih bơh ngih dĭk bu.

အခန်းကိုကြည့်ပါ။ ကော်ပီ




Nau Ngluh Êjipt 13:14
29 ပူးပေါင်းရင်းမြစ်များ  

Pakơi taơ, nôk may sek uănh nau nkhôm ma gâp, nau sŏng gâp mra jêng nau tâm mbơh ma gâp. Tơlah tâm phung mpô mpa gâp mât, lĕ phung be mâu geh rvanh jêh ri ƀlak, mâu lah phung biăp kon mâu geh krăk mra kơp jêng ndơ ntŭng.”


Kah gĭt tay hom lĕ nau kan khlay Păng hŏ ƀư, Lĕ nau mbên jêh ri nau phat dôih bơh bâr mbung Păng,


Khân păng jêng phung oh mon jêh ri phung ƀon lan ma Kôranh Brah, jêng phung Kôranh Brah hŏ rklaih jêh ma ti dŭt dăng, bêng nau brah bơh May.


Djôt leo phung Israel bơh bri Êjipt Yor nuih n'hâm ueh Păng hôm tât n'ho ro.


Rơh bunuyh aơ tât rơh bunuyh ri mra tâm rnê ma kan May, Jêh ri mra mbơh lĕ nau kan brah May.


He mâu mra pôn ôh lĕ nau nây ma phung kon sau he, Ƀiălah mra nkoch ma phung pakơi tâm nar kăndơ̆ Nau chrêk rmah Brah Yêhôva ndrel nau brah Păng Jêh ri lĕ nau kan khlay Păng ƀư jêh.


jêh ri gay may dơi nkoch tay ma kon sau khân may lĕ nau kan Gâp hŏ ƀư jêh ma phung Êjipt, tâm ban đŏng lĕ nau mbên khlay Gâp hŏ ƀư mpơl jêh ta nklang khân păng, tă bơh nây khân may dơi gĭt Gâp jêng Brah Yêhôva.”


Di tâm nar nglĕ dŭt puăn rhiăng pe jât năm, lĕ rngôch phung tahan Brah Yêhôva du luh bơh n'gor Êjipt.


Y-Môis lah ma phung ƀon lan: “Ăn khân may ndray nar aơ, yorlah aơ jêng nar Brah Yêhôva dŏng mpang ti nau brah gay djôt khân may luh bơh n'gor Êjipt, jêng luh bơh ngih dĭk bu, lơi sa ôh piăng let geh ndrui.


Tâm nar nây, ăn khân may rblang ma kon bu klâu khân may: ‘Gâp ƀư kơt nây yor lĕ nau Brah Yêhôva ƀư ueh jêh ma gâp nôk gâp du luh bơh n'gor Êjipt.’


Jêh ri mpeh ma khân may, nây mra jêng nâm bu du nau mbên ta ti khân may, du nau ndray ta vah vang bar ding măt khân may gay ma nau vay bơh Brah Yêhôva gŭ tâm trôm mbung khân may; yorlah Brah Yêhôva hŏ dŏng ti nau brah gay leo khân may du luh bơh n'gor Êjipt.


“Gâp jêng Yêhôva Brah Ndu khân may, Nơm hŏ ngluh jêh khân may tă bơh n'gor Êjipt, tă bơh ngih dĭk bu.


Brah Yêhôva lah ma Y-Môis: “Aƀaơ may mra saơ lĕ nau Gâp mra ƀư ma Pharaôn. Nanê̆, yor tă bơh mpang ti nau brah Gâp, hađăch nây mra ăn phung Israel hăn luh; yor tă bơh mpang ti nau brah Gâp, hađăch nây mra mprơh khân păng luh bơh n'gor păng.”


Yor nây, ăn may lah ma phung ƀon lan Israel: ‘Gâp jêng Brah Yêhôva, Gâp mra djôt khân may luh bơh kan jâk phung Êjipt jêh ri rklaih khân may bơh nau ƀư dĭk. Gâp mra yơr ti sŏng, dŏng nau phat dôih jâk jêr gay tâm chuai khân may.


Gâp mra dơn khân may jêng phung ƀon lan Gâp, jêh ri Gâp mra jêng Brah Ndu khân may. Khân may mra gĭt Gâp jêng Yêhôva Brah Ndu khân may, Nơm hŏ djôt khân may luh bơh kan jâk jêr tă bơh phung Êjipt.


“Brah Yêhôva, Brah Ndu Israel lah: Dôl njŭn leo phung chô yau khân may du luh tă n'gor bri Êjipt, rklaih tă bơh ngih dĭk, Gâp hŏ ƀư jêh nau tâm rnglăp đah khân păng pô aơ:


Aƀaơ aơ, ơ Kôranh Brah jêng Brah Ndu hên, May sŏk jêh ma ti brah njŭn leo phung ƀon lan May luh bơh n'gor Êjipt, hŏ ƀư lư n'găr jêh amoh May nâm bu nar aơ; bi ma hên ƀư tih jêh, hŏ ƀư jêh nau ƀai.


Brah Ndu phung Israel săch jêh phung chô yau he, ƀư ăn phung ƀon lan aơ chăt jêng dôl gŭ njưh tâm n'gor Êjipt; Păng sŏk ti nau brah njŭn leo khân păng luh tă bơh n'gor nây.


Ăn kah gĭt hom may hŏ jêng jêh dĭk nă tâm n'gor Êjipt, jêh ri Yêhôva Brah Ndu may yơr ti bêng nau brah Păng djôt leo may du luh jêh bơh ntŭk nây. Yor ri, Yêhôva Brah Ndu may hŏ ntĭm nti jêh ma may ăn djôt prăp nar rlu.


‘Gâp jêng Yêhôva Brah Ndu may, Nơm hŏ ngluh jêh may luh bơh n'gor bri Êjipt jêng phung dĭk nă.


njrăng hom klach lah may chuêl Brah Yêhôva jêng Nơm hŏ njŭn leo jêh may luh bơh n'gor Êjipt, jêng bơh vâl dĭk bu.


Hên ndâk nơng ƀư brah nây, yor hên klach phung kon sau khân may du nar kăndơ̆ mra lah ma phung kon sau hên: ‘Moh nau khlay khân may geh đah Brah Yêhôva, Brah Ndu Phung Israel?


Yorlah Yêhôva Brah Ndu he, Păng nơm njŭn leo jêh hên jêh ri phung chô yau hên du luh bơh Êjipt, jêng luh bơh ngih dĭk. Păng ƀư jêh lĕ nau mbên khlay toyh ngăn ngên tanăp măt hên jêh ri king n'gang hên tâm lĕ nau nsong jêh ri ta nklang lĕ rngôch phung ƀon lan hên hŏ rgăn.


gay ma nau aơ dơi jêng du nau tâm mbên tâm nklang khân may. Du nar kăndơ̆, tơlah phung kon sau khân may mra ôp pô aơ: ‘Lĕ rplay lŭ aơ mâm nau bu ntĭt?’


chalơi Brah Yêhôva Brah Ndu phung chô yau, jêng Nơm hŏ njŭn leo du chô yau khân păng luh bơh n'gor Êjipt. Khân păng hăn tĭng phung brah êng, brah phung ƀon lan gŭ jŭm khân păng, jêh ri chon mbah ma phung brah nây ƀư ăn Brah Yêhôva ji nuih.


ri mơ Brah Yêhôva prơh du huê nơm mbơh lor hăn tât gay lah ma phung ƀon lan Israel pô aơ: “Yêhôva Brah Ndu ma phung Israel lah: ‘Gâp hŏ leo khân may du luh bơh n'gor Êjipt, ngluh jêh khân may luh bơh ngih dĭk bu.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ