Nau Ngluh Êjipt 13:12 - Nau Brah Ndu Ngơi 2023

¹² ăn khân may nhhơr hom ma Brah Yêhôva kon bu klâu bôk rah nđâp lĕ kon nkuăng dak bôk tâm phung mpô mpa rong khân may, yorlah khân păng jêng ndơ Brah Yêhôva.

Nau Ngluh Êjipt 13:12 ပူးပေါင်းရင်းမြစ်များ

Nêhêmi 10:36

Tĭng nâm nau hŏ nchih tâm nau vay, hên djôt leo kon bôk rah tâm phung kon bu klâu hên jêh ri kon bôk rah tâm mpô mpa rong hên tâm ban biăp mâu lah ndrôk tât ta ngih Brah Ndu jêh ri jao ăn phung kôranh ƀư brah pah kan tâm ngih Brah Ndu hên.

Nêhêmi 10:37

Hên hŏ ton tâm ban lĕ djôt leo tât ta lĕ jay kloh ueh ngih Brah Ndu rnih ueh lor lơn, lĕ ndơ ƀư brah, kao play tâm lĕ ntil tơm play, ndrănh mhe jêh ri dak ngi ôlive, jêh nây jao ma phung kôranh ƀư brah. Hôm du kô̆ tâm jât kao play luh tă tâm neh, hên djôt leo chê̆ ma phung Lêvi jêng phung sŏk du kô̆ tâm jât kao play bơh neh lŏ tâm lĕ rngôch ƀon hên.

Nau Ngluh Êjipt 13:1

Brah Yêhôva lah ma Y-Môis:

Nau Ngluh Êjipt 13:2

“Ăn may nhhơr hom ma Gâp lĕ rngôch kon bôk rah bu deh jêh tâm phung Israel, nđâp bunuyh nđâp mpô mpa, yorlah lĕ rngôch kon dak bôk jêng ndơ Gâp da dê.”

Nau Ngluh Êjipt 22:28

May mâu dơi ôh sưr rlau ma Brah Ndu, mâu lĕ dơi rtăp rak ma kôranh chiă uănh phung ƀon lan khân may.

Nau Ngluh Êjipt 22:29

May mâu dơi ôh mbrĕ mbrơi tâm nau nhhơr lĕ ndơ play dak bôk bơh mir may jêh ri ndrănh khân may. Ăn khân may nhhơr phung kon bu klâu bôk rah ma Gâp.

Nau Ngluh Êjipt 34:19

Lĕ rngôch kon dak bôk jêng ndơ Gâp; lĕ rngôch kon nkuăng tâm mpôl mpô mpa khân may, mâu lah ndrôk mâu lah biăp bôk rah, đŏng kơt nây.

Nau Ngluh Êjipt 34:20

Ăn may chuai seh bri dak bôk đah du mlâm biăp kon mâu lah be kon. Tơlah mâu chuai ăn may juet lơi trô ko. Chuai hom lĕ rngôch phung kon bu klâu bôk rah may nơm. Lơi ăn du huê hăn tanăp măt Gâp ma ti dơm ôh.

Êsêkiêl 16:20

‘Ay sŏk phung kon bu klâu, phung kon bu ur ay deh ăn ma Gâp jêh djôt nhhơr ƀư mpa ƀư brah ăn ma khân păng gay ma khân păng sa rvăn lơi. Lĕ nau văng tĭr nây jêng ntil nau jê̆ lĕ?

Êsêkiêl 44:30

Lĕ rngôch kao play dak bôk dŭt ueh tâm lĕ rngôch play kao ndrel lĕ rngôch ndơ ƀư brah rnih môi khân may hŏ nhhơr jêh, jêng ndơ phung kôranh ƀư brah da dê. Khân may mra nhhơr đŏng ăn ma phung kôranh ƀư brah rnih pach ueh lơn khân may gay ma nau ueh uĭn dơi gŭ tâm ngih khân may.

Kan Lêvi 27:26

Ƀiălah, mâu geh nơm dơi nhhơr kon bôk rah ndrôk mâu lah biăp bơh mpô mpa khân may, yorlah lĕ kon bôk rah jêng ndơ Brah Yêhôva jêh.

Nau Kơp Bunuyh 18:15

Lĕ rngôch kon bôk rah bơh bunuyh mâu lah mpô mpa rong, jêng ndơ phung ƀon lan Israel nhhơr ma Brah Yêhôva, mra jêng ndơ may. Ƀiălah may mra tâm chuai tay kon bôk rah bơh bunuyh jêh ri kon bôk rah bơh mpô mpa mâu kloh.

Nau Kơp Bunuyh 3:12

“Gâp hŏ săch jêh phung Lêvi tă bơh tâm phung ƀon lan Israel, gay khân păng ntrok lĕ rngôch kon bôk rah bơh phung ƀon lan Israel. Pônây phung Lêvi mra jêng ndơ Gâp,

Nau Kơp Bunuyh 3:13

yorlah lĕ rngôch kon bôk rah jêng ndơ Gâp. Ta nar Gâp rmal lĕ rngôch kon bôk rah tâm n'gor Êjipt, Gâp hŏ prăp êng ăn ma Gâp lĕ rngôch kon bôk rah tâm Israel, nđâp ma bunuyh jêh ri mpô mpa mra jêng ndơ Gâp. Gâp jêng Brah Yêhôva.”

Nau Kơp Bunuyh 8:17

Lĕ rngôch phung kon bôk rah tâm phung ƀon lan Israel jêng ndơ Gâp, nđâp ma bunuyh mâu lah ma mpô mpa. Gâp hŏ prăp êng khân păng ma Gâp tâm nar Gâp nkhĭt jêh lĕ rngôch phung kon bu klâu bôk rah ta Êjipt

Luka 2:23

tĭng nâm nau nchih jêh tâm nau vay Kôranh Brah pô aơ: “Lĕ rngôch kon bu klâu bôk rah dơi prăp êng kloh ueh ma Kôranh Brah”,

Nau Vay Nkah Tay 15:19

“Ăn khân may prăp êng ma Yêhôva Brah Ndu khân lĕ rngôch kon nkuăng deh dak bôk tâm mpôl ndrôk, mpôl biăp mâu lah mpôl be khân may. Lơi dŏng ôh ndrôk nkuăng deh dak bôk ƀư kan, mâu đŏng kreh rsau biăp nkuăng deh dak bôk.