Nau Ngluh Êjipt 12:8 - Nau Brah Ndu Ngơi 2023

⁸ Tâm măng nây khân păng mra sa puăch nđông ta ŭnh nđâp piăng let mâu geh ndrui jêh ri trao tăng.

Nau Ngluh Êjipt 12:8 ပူးပေါင်းရင်းမြစ်များ

II Nau Rêh Jêng 35:13

Khân păng gŭch puăch mpa ƀư brah ƀư rƀŭn Nau Găn tĭng nâm nau vay dăp, bi ma mpa nhhơr kloh ueh khân păng gâm tâm glah, glah ƀŭng, jêh ri tâm glah thaih, jêh nây leo gơnh ndơ nây tâm pă ăn ma phung ƀon lan.

Nau Mprơ Ơm 22:14

Gâp bu nkhŭt lơi nâm bu dak, Jêh ri nting gâp lêt rgănh da dê; Play nuih gâp nâm bu mpêt Lêk tâm săk jăn gâp.

Nau Ngluh Êjipt 1:14

ƀư ma nau rêh khân păng ntop nđêh nji đah âk kan jâk jêr nâm bu plên neh, ƀư ƀrĭk, jêh ri ăp ntil kan tâm mir. Ăp ntil kan phung Êjipt nchâp phung Israel kan tâm nau hŏt rgănh ngăn.

Nau Ngluh Êjipt 12:9

Lơi ta khân may sa puăch mâu hŏ sĭn mâu lah puăch gâm ƀiălah ăn khân may nđông ta ŭnh nđâp ma bôk păng, jâng păng jêh ri ndơ tâm trôm ndŭl.

Nau Ngluh Êjipt 13:3

Y-Môis lah ma phung ƀon lan: “Ăn khân may ndray nar aơ, yorlah aơ jêng nar Brah Yêhôva dŏng mpang ti nau brah gay djôt khân may luh bơh n'gor Êjipt, jêng luh bơh ngih dĭk bu, lơi sa ôh piăng let geh ndrui.

Nau Ngluh Êjipt 13:7

Ăn khân may sa piăng let mâu geh ndrui tâm pơh nar; piăng let geh ndrui mâu lah ndrui mâu mra dơi mpơl ôh tâm ăp ntŭk lam n'gor khân may.

Nau Ngluh Êjipt 23:18

Kon lơi nhhơr ôh ma Gâp mham mpa ƀư brah nđâp ma piăng let geh ndrui, kŏ mâu đŏng prăp ngi mpa ƀư brah nhhơr tâm nar rƀŭn yơk ma Gâp kŏ tât ang ôi taơ.

Nau Ngluh Êjipt 34:25

May mâu dơi nhhơr ma Gâp mham mpa ƀư brah nsum ma piăng let geh ndrui; mâu dơi đŏng djôt mpa ƀư brah Rƀŭn Nau Găn tât ang ôi.

Êsai 53:10

Brah Yêhôva maak nuih n'hâm ăn Păng ji, Jêh ri dơn nau rêh ni. Tơlah jêh nhhơr nau rêh Păng jêng ndơ ƀư brah chuai nau tih, Păng mra saơ phung kon sau Păng; Lĕ nar Păng gŭ rêh mra ntop jong, Jêh ri nau Brah Yêhôva ŭch dơi jêng ngăn tâm ti Păng.

Amôt 4:5

Su lơi hom ndơ ƀư brah nau tâm rnê ma piăng let geh ndrui; Mbơh hom lĕ ndơ ƀư brah hŏ mĭn jêh tâm nuih n'hâm; Ntưih hom ăn bu gĭt lĕ nau nây! Hơi phung kon Israel, yorlah khân may ŭch ƀư nâm bu pônây.” Kôranh Brah Yêhôva lah pônây.

Sakari 12:10

“Gâp mra nkhŭt huêng brah nau yô̆ jêh ri nau vơh vơl ta klơ ngih Y-Đavit jêh ri ma phung gŭ tâm ƀon Yêrusalem. Khân păng mra uănh Gâp jêng Nơm khân păng hŏ ntâp jêh, jêh ri khân păng mra nhĭm vơl ma Gâp, nâm bu nhĭm vơl ma kon bu klâu geh knŏng du huê, jêh ri khân păng klâng ma Gâp nâm bu klâng vơl ma kon bu deh ntơm bôk rah.

Mathay 16:12

Nôk nây, phung oh mon gĭt rbăng pô aơ Păng mâu đă khân păng njrăng ndrui ƀư piăng let, ƀiălah ma nau phung Pharisi jêh ri phung Sađusê ntĭm nti.

Mathay 26:26

Dôl gŭ sông sa, Brah Yêsu sŏk piăng let, lah ueh, nkê̆ch ăn ma phung oh mon, jêh nây lah: “Sŏk hom, sa! Aơ jêng săk jăn Gâp.”

Galati 5:9

Ndrui djê̆ lê̆ dơi ƀư ră lĕ mbŭch rnih.

Nau Vay Nkah Tay 16:7

Ăn khân may gâm puăch mpa ƀư brah jêh ri sa păng ta ntŭk Yêhôva Brah Ndu khân may mra săch, jêh nây ang ôi taơ khân may plơ̆ sĭt ta ngih bok khân may nơm.

I Têsalônik 1:6

Khân may hŏ tĭng kơt hên jêh ri bơh Kôranh Brah, yorlah khân may sŏk dơn nau chroh ta nklang âk nau rêh ni ma nau răm maak bơh Brah Huêng Ueh.