Nau Ngluh Êjipt 12:6 - Nau Brah Ndu Ngơi 2023

⁶ djôt prăp păng tât ta nar jât mpuăn khay aơ; nây jêng nar ma lĕ phung Israel tâm rƀŭn mra nkhĭt mpa kêng măng.

Nau Ngluh Êjipt 12:6 ပူးပေါင်းရင်းမြစ်များ

II Nau Rêh Jêng 35:1

Y-Jôsia djôt prăp rƀŭn Nau Găn ma Brah Yêhôva ta ƀon Yêrusalem. Bu nkhĭt mpa ƀư brah ƀư rƀŭn Nau Găn ta nar jât ma puăn tâm khay nguay.

Êsra 6:19

Ta nar rơh jât ma puăn khay nguay, phung tă ƀư bu nă sĭt djôt prăp rƀŭn Nau Găn.

Nau Ngluh Êjipt 12:14

Nau aơ mra jêng du nau ndray ma khân may. Tâm lĕ rngôch rô̆ ăn khân may mât păng tâm ban du nar rƀŭn ma Brah Yêhôva, jêng nau ntăm djôt prăp n'ho ro.

Nau Ngluh Êjipt 12:17

Pôri ăn khân may kah gĭt nau rƀŭn Piăng Let Mâu Geh Ndrui yorlah di tâm nar aơ Gâp hŏ djôt phung tahan khân may luh bơh n'gor Êjipt. Yor ri, tâm lĕ rngôch rô̆ ăn khân may kah gĭt prăp nar aơ nâm bu du nau ntăm n'ho ro.

Nau Ngluh Êjipt 12:18

Ntơm bơh mhaơ nar jât ma puăn khay nguay ăn khân may mra sa piăng let mâu geh ndrui kŏ tât mhaơ ta nar bar jât ma nguay khay nĕ.

Nau Ngluh Êjipt 12:47

Ăn lĕ rngôch phung Israel tâm rƀŭn kah gĭt prăp ƀŭn Nau Găn.

Nau Ngluh Êjipt 16:1

Ta nar jât mprăm, khay tal bar luh bơh n'gor Êjipt lôch jêh, lĕ phung Israel tâm rƀŭn du bơh Êlim gay hăn lăp tâm bri rdah Sin, vah vang Êlim jêh ri Sinai.

Nau Ngluh Êjipt 16:12

“Gâp hŏ tăng jêh nau phung ƀon lan Israel nduyh. Yor ri, ăn may lah ma khân păng pô aơ: ‘Kêng mhaơ khân may mra sa puăch, kêng ôi khân may mra sa piăng let kŏ tât hơm; jêh ri khân may mra gĭt Gâp jêng Yêhôva Brah Ndu khân may.’”

Nau Ngluh Êjipt 19:1

Tâm khay tal pe kơp ntơm nôk khân păng luh bơh n'gor Êjipt, ta nar nây yơh phung ƀon lan Israel tât ta bri rdah Sinai.

Nau Ngluh Êjipt 29:39

du mlâm kon biăp nôk ôi jêh ri du mlâm nôk kêng măng.

Nau Ngluh Êjipt 29:41

Ma kon biăp tal bar, ăn may nhhơr nôk kêng măng nđâp ma ndơ ƀư brah rnih môi jêh ri ndơ nhhơr nhêt tâm ban ma ndơ ƀư brah ta ôi. Nây jêng ndơ ƀư brah dŏng ŭnh nhhơr ndơ n'hôl ƀâu kah ƀư maak ma Brah Yêhôva.

Êsai 53:6

Lĕ rngôch he tâm ban ma biăp hăn nhhơt, Ăp nơm he teng tĭng trong păng nơm; Brah Yêhôva hŏ ƀư lĕ rngôch nau tih he N'gân klơ Păng da dê.

Êsêkiêl 45:21

Nar năng jât ma puăn khay nguay, ăn khân may djôt prăp hom rƀŭn Nau Găn; khân may mra sa piăng let mâu geh ndrui tâm pơh nar.

Kan Lêvi 23:5

Rƀŭn Nau Găn ma Brah Yêhôva ntơm kêng mhaơ nar jât ma puăn khay nguay.

Nau Kơp Bunuyh 28:16

“Ta nar jât ma puăn khay nguay, djôt prăp hom rƀŭn Nau Găn ma Brah Yêhôva.

Nau Kơp Bunuyh 28:18

Ta nar tal nguay, khân may mra geh nau tâm rƀŭn kloh ueh jêh ri mâu dơi ƀư du ntil kan vay ƀư ôh.

Nau Kơp Bunuyh 9:11

Ăn khân păng djôt prăp nau rƀŭn aơ tâm kêng măng nar jât ma puăn khay bar jêh ri sa piăng let mâu geh ndrui nđâp ma trau tăng.

Mathay 27:20

Ƀiălah phung kôranh ƀư brah toyh jêh ri phung bu ranh nsŭk nsôr phung bunuyh ƀon lan ăn dăn mƀơk Y-Barabas jêh ri nkhĭt lơi Brah Yêsu.

Mathay 27:25

Lĕ phung ƀon lan plơ̆ lah da dê: “Dăn mham păng tŭp ta hên jêh ri ta phung kon sau hên!”

Markôs 15:1

Tât ơm ôi, phung kôranh ƀư brah toyh rgum tâm nchră đah kôranh phung bu ranh, kôranh nchih samƀŭt, jêh ri lĕ rngôch Mpôl Kôranh Phat Dôih; khân păng chăp Brah Yêsu jêh ri njŭn leo jao Păng ma Pilat.

Markôs 15:11

Ƀiălah phung kôranh ƀư brah toyh nsŭk nsôr phung ƀon lan gay dăn Pilat mƀơk Y-Barabas.

Markôs 15:25

Ta sĭn mông ôi khân păng pâng kđĭn Păng.

Markôs 15:8

Phung ƀon lan hŏ văch jêh ri dăn ma Pilat ƀư nau păng vay ƀư ma khân păng.

Luka 23:1

Lĕ Mpôl kôranh dâk têk leo Brah Yêsu tanăp Pilat.

Luka 23:18

Khân păng du ai nau nter dŭt hâu: “Nkhĭt lơi hom bunuyh aơ jêh ri mƀơk Y-Barabas ma hên!”

Kôranh Oh Mon 2:23

Bu nhŭp jao Păng tĭng nau dăp ƀư hŏ dăp nal jêh ri tĭng nau Brah Ndu gĭt lor, khân may hŏ manh ti phung djơh mhĭk pâng Păng klơ si tâm rkăng jêh ri nkhĭt Păng.

Kôranh Oh Mon 3:14

Khân may dun jêh Nơm Kloh Ueh jêh ri Nơm Sŏng Srăng, ƀiălah khân may dăn yô̆ an ma khân may du huê nơm vay nkhĭt bunuyh.

Kôranh Oh Mon 4:27

N'hêl nanê̆ ngăn, Hêrôt jêh ri Pôns Pilat ndrel ma phung bu năch jêh ri phung Israel hŏ rgum ndrel ta ƀon aơ, gay ma tâm rdâng đah Oh Mon kloh ueh May jêng Brah Yêsu, Nơm May hŏ tŏ dak ƀâu kah

Yôsuê 5:10

Phung ƀon lan Israel ƀư rmlak ta Gilgal tâm neh lâng Yêrikô, jêh ri prăp rƀŭn Nau Găn di tâm nar jât mpuăn khay nĕ, rnôk kêng măng.