Nau Ngluh Êjipt 12:51 - Nau Brah Ndu Ngơi 2023

⁵¹ Nar nây ro, Brah Yêhôva leo phung ƀon lan Israel du luh bơh n'gor Êjipt tĭng nâm ndŭl mpôl.

Nau Ngluh Êjipt 12:51 ပူးပေါင်းရင်းမြစ်များ

Nau Ngluh Êjipt 12:41

Di tâm nar nglĕ dŭt puăn rhiăng pe jât năm, lĕ rngôch phung tahan Brah Yêhôva du luh bơh n'gor Êjipt.

Nau Ngluh Êjipt 6:26

Y-Arôn jêh ri Y-Môis jêng phung bunuyh Brah Yêhôva hŏ ntĭm nti jêh: “Ăn hăn tĭng ăp ndŭl mpôl gay njŭn phung ƀon lan Israel luh bơh n'gor Êjipt.”

Kôranh Oh Mon 13:17

Brah Ndu phung Israel săch jêh phung chô yau he, ƀư ăn phung ƀon lan aơ chăt jêng dôl gŭ njưh tâm n'gor Êjipt; Păng sŏk ti nau brah njŭn leo khân păng luh tă bơh n'gor nây.

Yuđas 1:5

Nđâp tơlah khân may gĭt jêh lĕ rngôch nau nây, gâp ŭch nkah ma khân may pô aơ: Kôranh Brah tâm rklaih jêh phung ƀon lan Păng luh bơh n'gor Êjipt, ƀiălah jêh ma nây Păng ƀư rai phung mâu chroh.

Nau Ngluh Êjipt 3:8

Gâp jŭr gay ma tâm rklaih ƀon lan aơ bơh ti phung Êjipt, njŭn leo khân păng luh bơh n'gor nây, njŭn tât tâm du n'gor neh ueh jêh ri huy ngăn, ntŭk bêng ma dak toh jêh ri dak sŭt, jêng ta ntŭk gŭ phung Kanaan, phung Hitit, phung Amôrit, phung Pêrisit, phung Hivit jêh ri phung Jêbusit.

Nau Ngluh Êjipt 6:6

Yor nây, ăn may lah ma phung ƀon lan Israel: ‘Gâp jêng Brah Yêhôva, Gâp mra djôt khân may luh bơh kan jâk phung Êjipt jêh ri rklaih khân may bơh nau ƀư dĭk. Gâp mra yơr ti sŏng, dŏng nau phat dôih jâk jêr gay tâm chuai khân may.

Nau Ngluh Êjipt 7:4

Pharaôn mâu mra iăt ôh nau khân may. Gâp mra yơr ti gay rmal n'gor Êjipt ma nau jâk jêr gay djôt leo phung tahan Gâp, jêng phung ƀon lan Israel, luh bơh n'gor nây.

Nau Ngluh Êjipt 12:50

Lĕ rngôch phung ƀon lan Israel ƀư tĭng nâm nau Brah Yêhôva hŏ ntĭnh jêh ma Y-Môis jêh ri Y-Arôn.

Nau Ngluh Êjipt 13:1

Brah Yêhôva lah ma Y-Môis:

Nau Ngluh Êjipt 16:1

Ta nar jât mprăm, khay tal bar luh bơh n'gor Êjipt lôch jêh, lĕ phung Israel tâm rƀŭn du bơh Êlim gay hăn lăp tâm bri rdah Sin, vah vang Êlim jêh ri Sinai.

Nau Ngluh Êjipt 19:1

Tâm khay tal pe kơp ntơm nôk khân păng luh bơh n'gor Êjipt, ta nar nây yơh phung ƀon lan Israel tât ta bri rdah Sinai.

Nau Mprơ Ơm 114:1

Lah Israel du luh tă bơh bri Êjipt, Ngih Yakôb chalơi du phung mpôl băl ngơi nau bu năch,

Nau Mprơ Ơm 136:11

Djôt leo phung Israel bơh bri Êjipt Yor nuih n'hâm ueh Păng hôm tât n'ho ro.

Amôt 2:10

Gâp hŏ ngluh jêh khân may tă bơh n'gor bri Êjipt, Jêh ri njŭn khân may gŭ tâm bri rdah puăn jât năm Gay ăn khân may sŏk pit bri phung Amôrit ƀư drăp ndơn.

Mika 6:4

Gâp njŭn leo jêh may du luh bơh n'gor bri Êjipt, Hŏ chuai jêh may du luh bơh ngih jêng bu nă Jêh ri hŏ prơh jêh Y-Môis, Y-Arôn, H'Miriam Văch panăp măt may.

Nau Ntơm 50:24

Y-Yôsep ngơi ma phung nâu păng: “Gâp dăch khĭt, ƀiălah nanê̆ ngăn Brah Ndu mra khâl khân may, njŭn leo khân may luh bơh n'gor aơ gay plơ̆ sĭt ma n'gor Păng hŏ ton jêh ma Y-Abraham, ma Y-Isăk, jêh ri ma Y-Yakôb.”

Kan Lêvi 23:43

gay ma lĕ rngôch rnôk khân may dơi gĭt Gâp djôt leo jêh phung ƀon lan Israel luh bơh Êjipt, Gâp hŏ ăn jêh khân păng gŭ tâm lĕ ngih bok. Gâp jêng Yêhôva Brah Ndu khân may.’”

Nau Kơp Bunuyh 23:22

Brah Ndu hŏ njŭn leo phung ƀon lan nây luh bơh n'gor Êjipt; Khân păng geh nau ktang nâm ndrôk bri.

Nau Kơp Bunuyh 26:4

“Kơp hom rnoh bunuyh ntơm bơh nơm geh bar jât năm leo klơ tĭng nâm Brah Yêhôva hŏ ntĭnh jêh ma Y-Môis.” Aơ jêng lĕ phung Israel hŏ du luh jêh tă bơh n'gor Êjipt:

Nau Kơp Bunuyh 33:1

Aơ jêng lĕ nau hăn trong phung ƀon lan Israel tơlah khân păng luh bơh n'gor Êjipt tĭng nâm ăp ndŭl mpôl, tâm dâng nau chiă uănh Y-Môis jêh ri Y-Arôn.

Nau Vay Nkah Tay 4:37

Yorlah Păng rŏng ma phung chô yau khân may jêh ri hŏ săch noi deh khân may, jêh ri Păng nơm hŏ sŏk nau brah toyh Păng, njŭn khân may luh tă bơh n'gor Êjipt,

Nau Vay Nkah Tay 16:1

“Ăn khân may kah gĭt prăp khay rƀŭn Nau Găn ma Yêhôva Brah Ndu he tâm khay Abip yorlah tâm khay Abip nây Yêhôva Brah Ndu khân may hŏ njŭn leo jêh khân may luh bơh n'gor Êjipt tâm kêng măng.

Yôsuê 24:5

Jêh nĕ, Gâp prơh hăn Y-Môis jêh ri Y-Arôn, jêh ri Gâp ntŭp lĕ nau mhĭk ta Êjipt jêh nau nây gâp djôt khân may du luh bơh nĕ.

I Phung Hađăch 6:1

Tâm năm puăn rhiăng pham jât, kơp ntơm bơh nôk phung ƀon lan Israel lĕ du luh jêh bơh Êjipt, jêng tâm năm rơh puăn Y-Salômôn chiă uănh phung Israel, tâm khay Sivơ, ntĭt jêng khay rơh bar, hađăch ntơm ndâk ngih Brah gay yơk mbah Brah Yêhôva.

II Nau Rêh Jêng 14:12

Brah Yêhôva lơh rai phung tahan Kus tanăp măt phung Yuđa jêh ri hađăch Asa; phung tahan Kus nchuăt du.