Nau Ngluh Êjipt 12:3 - Nau Brah Ndu Ngơi 2023

³ Ngơi hom ma lĕ rngôch phung Israel tâm rƀŭn pô aơ tâm nar tal jât khay aơ, ăp kôranh ngih vâl nhŭp du mlâm biăp kon, ăp ngih du mlâm biăp.

Nau Ngluh Êjipt 12:3 ပူးပေါင်းရင်းမြစ်များ

Nau Ntơm 22:8

Y-Abraham lah: “Hơi kon! Brah Ndu nơm mra ăn biăp kon ma ndơ ƀư brah gŭch.” Jêh nây lĕ bar hê mbơ̆ kon hăn đŏng.

Nau Ntơm 4:4

Bi Y-Abel nhhơr biăp deh dak bôk tâm mpôl păng jêng ndơ dŭt kah. Brah Yêhôva dơn Y-Abel jêh ri ndơ păng nhhơr,

II Nau Rêh Jêng 35:7

Y-Jôsia nhŭp tâm phung mpô mpa păng nơm, rnoh geh pe rmưn kon biăp, jêh ri kon be, nđâp pe rbăn ndrôk nkuăng ăn ma phung ƀon lan dŏng tâm nar rƀŭn Nau Găn ăn ma lĕ phung geh măt râng ta nây; lĕ rngôch mpô mpa nây jêng ndơ hađăch

Nau Ngluh Êjipt 12:2

“Khay aơ mra jêng khay tal nguay ăn ma khân may, nây jêng khay nguay tâm năm.

Nau Ngluh Êjipt 12:21

Y-Môis jă lĕ rngôch kôranh bu ranh Israel tât jêh ri lah: “Hăn sŏk hom du mlâm biăp kon tĭng nâm rnăk vâl khân may jêh ri nkhĭt biăp nây ƀư rƀŭn Nau Găn.

Nau Ngluh Êjipt 12:4

Tơlah ngih nây ƀhôi bunuyh, mâu dơi sa lĕ du mlâm biăp, yor ri tĭng nâm rnoh bunuyh nsum ndrel ma phung chiau meng dăch lơn; jêh ri tĭng nâm dơi sa ăp bunuyh gay kơp rnoh biăp kon.

Nau Ngluh Êjipt 12:6

djôt prăp păng tât ta nar jât mpuăn khay aơ; nây jêng nar ma lĕ phung Israel tâm rƀŭn mra nkhĭt mpa kêng măng.

Nau Ngluh Êjipt 14:15

Brah Yêhôva lah ma Y-Môis: “Mâm ƀư may nter ma Gâp? Đă hom phung ƀon lan Israel ăn hăn panăp.

Nau Ngluh Êjipt 20:19

Khân păng lah ma Y-Môis: “Dăn may nơm ngơi đah hên, jêh ri hên mra iăt; ƀiălah dăn Brah Ndu lơi ngơi ôh đah hên, klach lah hên mra khĭt.”

Nau Ngluh Êjipt 4:30

Y-Arôn nkoch tay lĕ rngôch nau Brah Yêhôva hŏ ngơi jêh đah Y-Môis, jêh ri ƀư lĕ nau mbên khlay tanăp phung ƀon lan.

Nau Ngluh Êjipt 6:6

Yor nây, ăn may lah ma phung ƀon lan Israel: ‘Gâp jêng Brah Yêhôva, Gâp mra djôt khân may luh bơh kan jâk phung Êjipt jêh ri rklaih khân may bơh nau ƀư dĭk. Gâp mra yơr ti sŏng, dŏng nau phat dôih jâk jêr gay tâm chuai khân may.

Êsêkiêl 40:1

Năm rơh bar jât ma prăm rnôk he jêng bu nă, ta bôk năm, năng jât khay nây, jêng năm jât ma puăn jêh bu sŏk ƀon toyh Yêrusalem, ăt tâm nar nây lĕ, ti Brah Yêhôva dơm ta klơ gâp jêh ri Păng leo gâp lăp tâm ƀon nây.

Kan Lêvi 1:2

“May ngơi hom ma phung ƀon lan Israel pô aơ: ‘Dôl geh du huê tâm phung kon ŭch nhhơr mpa ƀư brah ma Brah Yêhôva, ăn khân may nhhơr ndrôk, biăp mâu lah be tă bơh mpô mpa rong khân may.

Kan Lêvi 5:6

jêh ri ăn păng djôt ndơ nhhơr ntrok nau tih gay nhhơr ma Brah Yêhôva jêng du mlâm biăp me mâu lah be me tă bơh mpô mpa rong gay ƀư ndơ ƀư brah chuai nau tih. Kôranh ƀư brah mra ƀư nau tâm rƀŭn chuai nau tih ăn ma păng.

Nau Kơp Bunuyh 15:11

Bu ăt mra ƀư tâm ban pônây ma ăp mlâm ndrôk nkuăng, ăp mlâm biăp nkuăng, ăp mlâm biăp kon nkuăng mâu lah be kon.

Yôhan 1:29

Nar ôi taơ, Y-Yôhan saơ Brah Yêsu văch ta păng, păng lah pô aơ: “Ri Kon Biăp Brah Ndu, jêng Nơm sŏk lơi nau tih neh ntu!

Yôhan 1:36

Păng saơ Brah Yêsu hăn rgăn ta nây, păng lah: “Ri, Kon Biăp Brah Ndu!”

Yôhan 12:1

Prao nar êlor ma rƀŭn Nau Găn, Brah Yêsu hăn ta ƀon Bêthani jêng ntŭk Y-Lasar gŭ, bunuyh Păng hŏ ƀư ăn dâk rêh tay tă bơh nau khĭt.

Yôhan 12:12

Kah nar ôi taơ, geh âk ngăn bunuyh râng nau rƀŭn. Nôk khân păng tăng bu lah geh Brah Yêsu hăn tât ta ƀon Yêrusalem

I Kôrintô 5:7

Ƀư kloh lơi hom ndrui ơm, gay ma khân may dơi plơ̆ jêng mbŭch rnih mhe mâu geh ndrui ôh, tâm ban ma khân may n'hêl nanê̆ ngăn jêng piăng let mâu geh ndrui. Yorlah Brah Krist, Kon Biăp rƀŭn Nau Găn he, hŏ nhhơr jêng mpa ƀư brah jêh.

Yôsuê 7:14

Kah ôi taơ, khân may mra văch tĭng ăp ndŭl mpôl; moh ndŭl mpôl Brah Yêhôva nchŏng, mra văch tĭng ăp ndŭl mpôl khân păng; moh ndŭl mpôl Brah Yêhôva nchŏng, mra văch tĭng ăp rnăk vâl khân păng; moh rnăk vâl Brah Yêhôva nchŏng, mra văch tĭng bunuyh.

Nau Tâm Mpơl 13:8

Lĕ rngôch bunuyh gŭ rêh ta neh ntu mra yơk mbah ma păng, nâm bu ntĭt phung mâu geh amoh săk nchih tâm ndrom samƀŭt nau rêh Kon Biăp bu nkhĭt jêh ntơm bơh nau rhăk njêng neh ntu.

I Samuel 7:9

Y-Samuel nhŭp du mlâm biăp kon hôm pu toh, ƀư ndơ ƀư brah gŭch nhhơr ma Brah Yêhôva. Jêh nau nây Y-Samuel kuăl mbơh sơm ma Brah Yêhôva yor phung Israel, jêh ri Brah Yêhôva plơ̆ lah ma păng.