Nau Ngluh Êjipt 12:2 - Nau Brah Ndu Ngơi 2023

² “Khay aơ mra jêng khay tal nguay ăn ma khân may, nây jêng khay nguay tâm năm.

Nau Ngluh Êjipt 12:2 ပူးပေါင်းရင်းမြစ်များ

Êsther 3:7

Ta khay tal nguay jêng khay Nisan, tâm năm rơh jât ma bar tâm rnôk hađăch Asuêrus chiă uănh, bu nchroh Pur, nâm bu ntĭt nchroh n'hôr tĭng ăp nar ăp khay, tanăp măt Y-Haman. Chroh n'hôr di tâm khay jât ma bar, jêng khay Adar.

Nau Ngluh Êjipt 12:1

Ta Êjipt, Brah Yêhôva lah ma Y-Môis jêh ri Y-Arôn pô aơ:

Nau Ngluh Êjipt 12:18

Ntơm bơh mhaơ nar jât ma puăn khay nguay ăn khân may mra sa piăng let mâu geh ndrui kŏ tât mhaơ ta nar bar jât ma nguay khay nĕ.

Nau Ngluh Êjipt 12:3

Ngơi hom ma lĕ rngôch phung Israel tâm rƀŭn pô aơ tâm nar tal jât khay aơ, ăp kôranh ngih vâl nhŭp du mlâm biăp kon, ăp ngih du mlâm biăp.

Nau Ngluh Êjipt 13:3

Y-Môis lah ma phung ƀon lan: “Ăn khân may ndray nar aơ, yorlah aơ jêng nar Brah Yêhôva dŏng mpang ti nau brah gay djôt khân may luh bơh n'gor Êjipt, jêng luh bơh ngih dĭk bu, lơi sa ôh piăng let geh ndrui.

Nau Ngluh Êjipt 13:4

Nar aơ, khân may hăn du luh di tâm khay Abip.

Nau Ngluh Êjipt 23:15

Ăn may djôt prăp nau rƀŭn Piăng Let Mâu Geh Ndrui. Tâm pơh nar, ăn sa piăng let mâu geh ndrui tâm nar lĕ nal jêh tâm khay Abip, nâm Gâp hŏ ntăm ntĭnh jêh kon, yor tâm khay nây kon hŏ luh jêh bơh n'gor Êjipt. Mâu geh ăn du huê hăn ti dơm văch tanăp măt Gâp.

Nau Ngluh Êjipt 34:18

“Ăn may kah gĭt prăp nau rƀŭn Piăng Let Mâu Geh Ndrui. Nâm bu Gâp hŏ ntĭm nti jêh ma khân may sa piăng let mâu geh ndrui dôl tâm pơh nar ta yan hŏ nal jêh tâm khay Abip, yorlah tâm khay Abip khân may luh bơh n'gor Êjipt.

Nau Ngluh Êjipt 40:17

Ta nar năng nguay khay nguay năm tal bar, Ngih Bok hŏ ndâk jêh.

Êsêkiêl 45:18

Kôranh Brah Yêhôva lah: “Năng nguay khay nguay, ăn may sŏk hom du mlâm ndrôk nkuăng ndăm mâu geh têl khap jêh ri ƀư kloh ntŭk kloh ueh.

Êsêkiêl 45:21

Nar năng jât ma puăn khay nguay, ăn khân may djôt prăp hom rƀŭn Nau Găn; khân may mra sa piăng let mâu geh ndrui tâm pơh nar.

Kan Lêvi 23:5

Rƀŭn Nau Găn ma Brah Yêhôva ntơm kêng mhaơ nar jât ma puăn khay nguay.

Nau Kơp Bunuyh 28:16

“Ta nar jât ma puăn khay nguay, djôt prăp hom rƀŭn Nau Găn ma Brah Yêhôva.

Nau Vay Nkah Tay 16:1

“Ăn khân may kah gĭt prăp khay rƀŭn Nau Găn ma Yêhôva Brah Ndu he tâm khay Abip yorlah tâm khay Abip nây Yêhôva Brah Ndu khân may hŏ njŭn leo jêh khân may luh bơh n'gor Êjipt tâm kêng măng.