Nau Ngluh Êjipt 12:16 - Nau Brah Ndu Ngơi 2023

¹⁶ Nar tal nguay, khân may mra geh nau tâm rƀŭn kloh ueh; tât nar tal pơh khân may ăt mra geh nau tâm rƀŭn kloh ueh tâm ban lĕ. Tâm lĕ nar nây, khân may mâu dơi ôh ƀư du ntil kan, knŏng ndrăp ndơ sông sa ma ăp nơm ri dơm.

Nau Ngluh Êjipt 12:16 ပူးပေါင်းရင်းမြစ်များ

Nau Ngluh Êjipt 16:23

Y-Môis lah: “Aơ jêng nau Brah Yêhôva hŏ ntĭnh jêh: ‘Ôi taơ jêng nar rlu, jêng nar saƀat kloh ueh ma Brah Yêhôva, gŭch hom moh ndơ khân may ŭch gŭch, gâm hom moh ndơ khân may ŭch gâm, jêh ri moh ndơ hôm rmeh, ăn prăp tât ta ôi taơ.’”

Nau Ngluh Êjipt 16:29

Ăn khân may kah gĭt hom Brah Yêhôva ăn jêh ma khân may nar saƀat, yor nây tâm nar prao Păng ăn ma khân may piăng let tŏng ma bar nar. Tâm nar pơh, ăn ăp nơm gŭ ta ntŭk păng nơm, lơi ăn bunuyh du luh ôh tă bơh ngih khân păng.”

Nau Ngluh Êjipt 16:5

Ta nar prao, khân păng mra dônh âk lơn đah nar aƀă gay nkrem ma nar ôi taơ.”

Nau Ngluh Êjipt 20:10

ƀiălah nar tal pơh jêng nar rlu prăp ma Yêhôva Brah Ndu may. Tâm nar nây, may, kon bu klâu, kon bu ur, oh mon bu klâu, oh mon bu ur, mpô mpa may rong, jêh ri bu năch gŭ tâm ngih may, mâu dơi lĕ ƀư du ntil kan.

Nau Ngluh Êjipt 34:18

“Ăn may kah gĭt prăp nau rƀŭn Piăng Let Mâu Geh Ndrui. Nâm bu Gâp hŏ ntĭm nti jêh ma khân may sa piăng let mâu geh ndrui dôl tâm pơh nar ta yan hŏ nal jêh tâm khay Abip, yorlah tâm khay Abip khân may luh bơh n'gor Êjipt.

Êsai 1:13

Lơi hôm njŭn ôh ndơ ƀư brah rnih môi mâu khlay! Gâp tâm rmot ma ndơ ƀâu kah, Ma nau rƀŭn khay mhe luh, ma nar saƀat jêh ri ma lĕ nau tâm rƀŭn toyh. Gâp mâu hôm dơi dơn ôh nau ƀư tih ƀaƀơ jêh ri lŏ hăn nau tâm rƀŭn yơk.

Kan Lêvi 23:21

Tâm nar nây, ăn khân may kuăl rgum lĕ rngôch phung ƀon lan jêh ri geh nau tâm rƀŭn kloh ueh; mâu dơi ƀư du ntil kan vay ƀư tâm ăp nar. Nây jêng nau vay dăp n'ho ro ma lĕ rngôch rnôk khân may, tâm lam ntŭk khân may gŭ rêh.

Kan Lêvi 23:27

“Lơ jât khay pơh jêng nar rƀŭn chuai nau tih, mra geh gưl tâm rƀŭn kloh ueh ăn ma khân may; ăn khân may ât sông sa jêh ri nhhơr lĕ ndơ nhhơr ăn ŭnh sa ma Brah Yêhôva.

Kan Lêvi 23:35

Nar tal nguay jêng nar geh nau tâm rƀŭn kloh ueh, khân may mâu dơi ƀư du ntil kan vay ƀư tâm ăp nar.

Nau Kơp Bunuyh 28:18

Ta nar tal nguay, khân may mra geh nau tâm rƀŭn kloh ueh jêh ri mâu dơi ƀư du ntil kan vay ƀư ôh.

Nau Kơp Bunuyh 28:25

Jêh ri nar tal pơh, khân may mra geh nau tâm rƀŭn kloh ueh jêh ri mâu dơi ƀư du ntil kan vay ƀư ôh.”

Nau Kơp Bunuyh 28:26

“Ta yan nau rƀŭn Lĕ Pơh di tâm nar geh kao play dak bôk, tơlah khân may nhhơr ndơ ƀư brah rnih môi mhe ma Brah Yêhôva, ăn khân may geh nau tâm rƀŭn kloh ueh jêh ri mâu dơi ƀư du ntil kan vay ƀư ôh.

Nau Kơp Bunuyh 29:1

“Ta nar năng nguay khay pơh, khân may mra geh nau tâm rƀŭn kloh ueh jêh ri mâu dơi ƀư du ntil kan vay ƀư ôh. Nĕ jêng du nar ma khân may uh nŭng.

Nau Kơp Bunuyh 29:12

“Ta nar jât ma prăm khay pơh, ăn khân may geh nau tâm rƀŭn kloh ueh. Mâu dơi ƀư du ntil kan vay ƀư ôh, ƀiălah ăn khân may djôt prăp du nau rƀŭn ma Brah Yêhôva tâm pơh nar.

Yôhan 19:31

Nar nây jêng nar Ndrăp Nkra, yor ri phung Yuđa klach ma lĕ săk khĭt hôm yông ta klơ si tâm rkăng tâm nar saƀat, yorlah nar saƀat nây dŭt khlay. Yor nây, khân păng dăn ma Pilat ăn bu ƀư deh lơi jâng lĕ phung nây, jêh ri njŭr lơi.

Nau Vay Nkah Tay 16:8

Tâm prao nar, ăn khân may sa piăng let mâu geh ndrui jêh ri tât ta nar tal pơh mra geh nau tâm rƀŭn toyh yơk ma Yêhôva Brah Ndu khân may; khân may mâu dơi ƀư du ntil kan ôh tâm nar nây.”